فيات بونتو ٢٠١٦ اوتوماتيك Fiat punto 2016 auto

**Nourhanne** · 01-02-2016 11:43 PM

السلام عليكم
انا ماشية فى اجراءات العربية دى وهستلمها الاسبوع الجاى ان شاء الله
كنت عايزة اعرف ايه النصايح المهمة اللى مفروض اعمل بيها عشان احافظ على العربية عموما وطقم الدبرياج يعيش اطول فترة ممكنة خصوصا انها اول عربية ليا وكمان طريقة استخدام الفتيس ازاى
ميرسى ليكو

**abo_salah** · 02-02-2016 12:12 AM

الف مبروك مقدما ..
الفتيس عادي جدا ..و طريقه استخدامه سهله جدا
كل المطلوب من حضرتك ... في الزحمه تمشي بيها مانيوال .. ولو العربيه واقفه تخلي الفتيس علي N
مش اكتر من كده ....
بالنسبه لطقم الدبرياج .. في التوكيل بيغيروه كل 40 الف كم .. للاسف وسعره عالي عندهم ..
وطبعا طبعا هو مش تبع الضمان ... يعني حضرتك ممكن تشتريه من بره وتركبيه برضه بره عادي جدا مفيش اي مشاكل ..
هاتوفري نص الفلوس ... وكمان في ناس بتغيره علي كم اعلي من كده بكتير جدا لحد 100 الف كم ممكن وفي ناس اكتر
علي حسب الاستخدام ...
** توكيل فيات النيل الهندسيه مالهوش اي مراكز صيانه معتمده في مصر كلها ...
وخدي بالك ان في مراكز صيانه حاطين لوجو فيات وبيقولوا انهم مراكز معتمده .. وده غير حقيقي
حاجه تانيه مهمه برضه لسه مكتشفها من يومين
ياريت حضرتك ماتحطيش زيت موبيل بجميييييييع انواعه لانه اسوأ زيت عربيات في مصر ..
احسن زيت للفيات Liqui Moly كل 10 الاف كم
وزيت الفتيس الاتوماتيك بيتغير كل 40 الف كم ... والتوكيل بيحط اسوا زيت فتيس في مصر كلها .. يعني حضرتك هاتغيريه مع زيت الموتور بره التوكيل ...
ياريت حضرتك تدخلي جروب fiat punto owners علي الفيس بوك اكبر تجمع لمالكي الفيات في مصر
هاتلاقي معلومات جميله جدا هاتساعد حضرتك في اي وقت
واسف عالاطاله

**tameem2010** · 02-02-2016 12:42 AM

طقم دبرياج وفتيس اوتوماتيك دونت ميكس
طقم الدبرياج يعني شوكة وبليه وديسك واسطوانه ودول اللى بيعشقوا ترس الفلام في عمود الدريك بتاع الفتيس
ده في المانويل بس
الاوتوماتيك موضوع تاني والتعشيق بيكون عن طريق كلاتشات في التفيس الاوتوماتيك العادي
او عن طريق محول عزم (torque converter ) ده لو الفتيس تبترونيك

عموما اهم نصائح الفتيس الاوتوماتيك
هو انك لما الاشارة تكون واقفة فترة طويله لازم تجيب الفتيس n مش d
انك متحاولش تعمل تسارع زيادة عن اللزوم وتاخد دواسة الوقود واحدة واحدة ده في النظام القديم ولو ان الجديد دلوقتي فيه سبورت مود ومصمم للتسارع
لما تقف وهتطفي العربية وتركن تقوم تقف خالص وتجيب n وبعد كده شد الهاند بريك وبعد كده جيب p وبعد كده اطفي العربية .. الترتيب ده مهم جدا
اكتر حاجة تقصف عمر الفتيس الاوتوماتيك هو محاولة عمل الامريكااني (يعني تجيب n وتحمل بنزين وتنقل على d وانت دايس بنزين ده اعدام للفتيس

مهم جدا تغيير زييت الفتيس وفلتر زيت الفتيس كل 50 الف كم واكرر تغيير كامل مش كشف على الزيت وتزويده

لما تيجي تنقل على r لازم العربية تكون واقفة تماما قبل ما تجيب r

ومبروك على العربية

**Nourhanne** · 02-02-2016 12:46 AM

المشاركة الأصلية كتبت بواسطة abo_salah

الف مبروك مقدما ..
الفتيس عادي جدا ..و طريقه استخدامه سهله جدا
كل المطلوب من حضرتك ... في الزحمه تمشي بيها مانيوال .. ولو العربيه واقفه تخلي الفتيس علي n
مش اكتر من كده ....
بالنسبه لطقم الدبرياج .. في التوكيل بيغيروه كل 40 الف كم .. للاسف وسعره عالي عندهم ..
وطبعا طبعا هو مش تبع الضمان ... يعني حضرتك ممكن تشتريه من بره وتركبيه برضه بره عادي جدا مفيش اي مشاكل ..
هاتوفري نص الفلوس ... وكمان في ناس بتغيره علي كم اعلي من كده بكتير جدا لحد 100 الف كم ممكن وفي ناس اكتر
علي حسب الاستخدام ...
** توكيل فيات النيل الهندسيه مالهوش اي مراكز صيانه معتمده في مصر كلها ...
وخدي بالك ان في مراكز صيانه حاطين لوجو فيات وبيقولوا انهم مراكز معتمده .. وده غير حقيقي
حاجه تانيه مهمه برضه لسه مكتشفها من يومين
ياريت حضرتك ماتحطيش زيت موبيل بجميييييييع انواعه لانه اسوأ زيت عربيات في مصر ..
احسن زيت للفيات liqui moly كل 10 الاف كم
وزيت الفتيس الاتوماتيك بيتغير كل 40 الف كم ... والتوكيل بيحط اسوا زيت فتيس في مصر كلها .. يعني حضرتك هاتغيريه مع زيت الموتور بره التوكيل ...
ياريت حضرتك تدخلي جروب fiat punto owners علي الفيس بوك اكبر تجمع لمالكي الفيات في مصر
هاتلاقي معلومات جميله جدا هاتساعد حضرتك في اي وقت
واسف عالاطاله

ميرسى ليك على المعلومات دى
خلاص يبقى كده هجيب الحاجة برا التوكيل وهركبها برا بس مش ده هيطلعنى من الضمان.

**Nourhanne** · 02-02-2016 01:08 AM

المشاركة الأصلية كتبت بواسطة tameem2010

طقم دبرياج وفتيس اوتوماتيك دونت ميكس
طقم الدبرياج يعني شوكة وبليه وديسك واسطوانه ودول اللى بيعشقوا ترس الفلام في عمود الدريك بتاع الفتيس
ده في المانويل بس
الاوتوماتيك موضوع تاني والتعشيق بيكون عن طريق كلاتشات في التفيس الاوتوماتيك العادي
او عن طريق محول عزم (torque converter ) ده لو الفتيس تبترونيك

عموما اهم نصائح الفتيس الاوتوماتيك
هو انك لما الاشارة تكون واقفة فترة طويله لازم تجيب الفتيس n مش d
انك متحاولش تعمل تسارع زيادة عن اللزوم وتاخد دواسة الوقود واحدة واحدة ده في النظام القديم ولو ان الجديد دلوقتي فيه سبورت مود ومصمم للتسارع
لما تقف وهتطفي العربية وتركن تقوم تقف خالص وتجيب n وبعد كده شد الهاند بريك وبعد كده جيب p وبعد كده اطفي العربية .. الترتيب ده مهم جدا
اكتر حاجة تقصف عمر الفتيس الاوتوماتيك هو محاولة عمل الامريكااني (يعني تجيب n وتحمل بنزين وتنقل على d وانت دايس بنزين ده اعدام للفتيس

مهم جدا تغيير زييت الفتيس وفلتر زيت الفتيس كل 50 الف كم واكرر تغيير كامل مش كشف على الزيت وتزويده

لما تيجي تنقل على r لازم العربية تكون واقفة تماما قبل ما تجيب r

ومبروك على العربية

ميرسى
بس ازاى لما اركن اجيب الفتيس على p واصلا مفيش غير N و R و A/M + -

**tameem2010** · 02-02-2016 01:21 AM

المشاركة الأصلية كتبت بواسطة nourhanne

ميرسى
بس ازاى لما اركن اجيب الفتيس على p واصلا مفيش غير n و r و a/m + -

هههههههههه
دوري كويس هتلاقي p في اول الحارة بتاع النقلات من فوق

**mif** · 02-02-2016 06:42 AM

المشاركة الأصلية كتبت بواسطة tameem2010

هههههههههه
دوري كويس هتلاقي p في اول الحارة بتاع النقلات من فوق

بونتو ديوال لوجيك تقريبا فدا يعتبر مانيوال بدون دبرياج و فيه ديسك و اسطوانة و مفيش P
و التعشيق بتديها غيار بال +

**tameem2010** · 02-02-2016 12:54 PM

المشاركة الأصلية كتبت بواسطة mif

بونتو ديوال لوجيك تقريبا فدا يعتبر مانيوال بدون دبرياج و فيه ديسك و اسطوانة و مفيش p
و التعشيق بتديها غيار بال +

ياسنة سوخة يا اولاد
ده اوسخ اختراع في الدنيا لا هو جاب مانويل ولا هو جاب اوتوماتيك
زي الفتيس المقرف الايزي ترونيك بتاع الاوبل
الفلسفة وحشه
ماهو الفتيس اما مانويل واما اوتوماتيك
انما فتيس اوتوماتيك بطقم تعشيق مانول (وديسك واسطوانه )
فلسفة مالهاش اي لازمة

**memo_p910** · 02-02-2016 09:43 PM

الفتيس كويس وله مزاياه وعيوبه ( بيجمع حلو وموفر في البنزين )
واستخدامه وصيانته بالشكل الامثل مش هايبقى فيه مشاكل
ومبروك عليكي العربيه

**abo_salah** · 03-02-2016 12:04 AM

مع احترامي الشديد ليك يا استاذ تميم ...
فتيس البونتووووو غير اي فتيس تااني خاااالص
هو انا قرفان من شويه D:
N/R , +/- ,A/M
مفيش P مفيش D وليه طقم دبرياج D:
هو اتوماتيك ومانيوال في نفس الوقت .. بس الاتوماتيك بنكهه المانيوال
هاتحس في الاتوماتيك بكل نقله العربيه بتاخدها اكنك انت اللي بتنقل ...

وزي ما قولت لحضرتك Nourhanne زيت الفتيس بيتغير كل 40 الف كم بالظبط مش 50 ولا حاجه
انا لسه مغيره من يومين D:
وزيت الموتور زي ماتفقنا Liqui Moly والله مش اعلان ولا حاجه بس هو فعلا احسن زيت موتور للفيات
بالنسبه للضمان .. حضرتك اتطمني خاااااااالص تقريبا في التوكيل مش هاتلاقي اي حاجه جوه الضمان غير
دراع الاشارات ( عشان باظ مرتين تلاته وغيرته في التوكيل من غير مادفع جنيه واحد )
وده ليه علاقه بال Multi Funtion بالاير باج بالكلاكس بالنور ... كلها قطعه واحده بتتفك وتتغير " مش بتتصلح "
ودي التوكيل بيغيرها علي حسابه طبعا بالكامل

احلي حاجه ان التوكيل عارف ان دراع الاشارات فيه عيب وبيغيره عادي طالما حضرتك جوه فتره الضمان ( 3 سنين مش 100 الف كم ) ... واما سالت بعد الضمان ايه اللي هايحصل .. قاللي عادي جدا حضرتك هاتدفع تمنه لو لا قدر الله حصل فيه حاجه تاني حوالي 1500 جنيه
طبعا برضه بعد الضمان ان شاء الله لا قدر الله لو حصل حاجه حضرتك هاتشتريه من بره بنص السعر عادي جدا
فا موضوع ان حضرتك تغيري طقم دبرياج او حاجه بره التوكيل ... مفيش منه مشكله .
بس المهم انك ماتقوليش في الصيانات انك غيرتي الكلام ده بره عشان مايتلككوش ويقولوا ان في حد لعب في العربيه بوظ فيها حاجه وكأمان اسالي الاول ايه اللي جوه الضمان وايه اللي بره الضمان .. عشان ماحدش في التوكيل يرجع في كلامه او يقول لك كلام غلط
ولازم حضرتك طبيعي جدا تعملي الصيانه الدوريه كل 10 الاف كم .. وياريت تغيير الزيت يكون بره التوكيل يعني
حضرتك تغيريه قبل ميعاد الصيانه بيوم لانهم اكيد هايستعملوا زيت موبيل D: او اي زيت تاني غير ليكوي مولي
اهم حاجه في الموضوع كله ... المرجع الاول والاصدق للفيات في مصر .. Ahmed Mosco
عاشق الفيات الاول في مصر .. واكيد حضرتك لو كنتي سالتي عالعربيه كويس عالنت اكيد حضرتك سمعتي اسمه
ده لو في عند حضرتك سؤال او اي حاجه بخصوص العربيه
اساليه بدون تردد
الراجل محترم و هايساعد حضرتك في اي استفسار
واسف للمره التانيه عالاطاله والدوشه D: