هل ممكن أنقل عداد الكهرباء من برة الشقة لجوة الشقة ؟ يعنى أجيب كهربائى و أدخل العداد جوة الشقة علطول؟ و لا لازم أبلغ شركة الكهرباء؟؟؟؟؟؟؟؟
هل ممكن أنقل عداد الكهرباء من برة الشقة لجوة الشقة ؟ يعنى أجيب كهربائى و أدخل العداد جوة الشقة علطول؟ و لا لازم أبلغ شركة الكهرباء؟؟؟؟؟؟؟؟
طبعا ياباشا تقدر تنقلة بكهربائي عادي
بس اعمل حسابك احتمال يحتاج سلك تطويلة
الافضل يبقى بره وتريح دماغك من موظف الكهربا وممكن تكون مش موجود فى الشقه وخطوره ان اى حد يخبط يقول انا كشاف النور
ده الناس بتنقله بره اصلا
ينفع بدون الشركه
لكن الكل بيخرج العداد بره الشقه
الافضل تبلغ الشركة الاول او تسالهم قبل ما تنقله احسن ما تلاقي عليك غرامة عبث بالتوصيلات او سرقة تيار بـ 50 او 60 الف جنيه ودول قطتهم جمل وغرامتهم تودي اللومان اسأل يا صديق قبل ما تعمل اي حاجة وده لمصلحتك
كله بينقل بره الشقه.....وانا اتذكر لما جيت اشتريت الشقه بتاعتى كان العداد راكب جوه , ولما طلبت تغير العداد قلولى انقله بره وبعد كدا اطلب تغيير العداد
حاليا العداد بيركب بره الشقه مش العكس
وكمان مينفعش في اي الاحوال كهربائي عادي ينقله لان العداد بيبقي متبرشم برصاصه عليها اسم الشركه ولو اتنقل واتفكت الرصاصه ممكن تتهم بالتلاعب
وكمان العدادات الجديده مدوفوعه القيمه مقدما اللي هي بالكارت لو لعبت في الاسلاك او فصلتها مش هيرجع يشتغل تاني الا بكارت صيانه موظف الكهربا ووقتها ممكن تتوقع عليك غرامه
حضرتك لو خايف علي العداد ممكن حداد يفصل لك قفص حديد له وهو مكانه
لعلمك الايام دى بدأو يركزوا على كل مخالفات الكهرباء وهيتطبق القانون..بالغرامات فورا على اى مخالفه عرفت الكلام ده من موظفين شغالين فى الكهرباء..يعنى اللى كان بيعدى زمان مش هيعدى دلوقتى... يعنى المفروض تعمل طلب نقل وعامل من شركه الكهرباء هو اللى يقوم بالنقل..لان دا هيكون تحت بند مخالفه شروط التعاقد..والغرامه هتكون فوريه وكمان هيغيروا لك العداد بالكارت