بلية الدبرياج والاسطوانه والديسك... اخر كلام
طبعا كلكوا فاكرين الحوار بتاع شهر 4 اللى فات بتاع الاسطوانه اللى فرطت منى على طريق الاسماعيليه الزراعى والحوار اللى تم....
المهم وانا من ساعتها فى جدل مع نفسى حول افضل بديل للاسطوانه و الديسك اللى مش كتير فى فلوسه واللى مش هادفع فيه ال 600 جنيه فى الاسطوانه ويجي 800 ولا كام فى الديسك و 125 فى البليه يعنى هاتكلم فى رقم كده هايقربنى ل 200 الا قليل بالمصنعيه ( تصوروا !!!!!!) وده طبعا طبقا لاسعار مشيل
ما علينا ...
المهم و الكلام النهائي عشان ماتلفوش:
الديسك موجوده ب 150 التركى بكيسه (ابو سوسته بارزه )عند بتوع الفيات واسمه ديسك 10 بتاع ال128 وده بيركب عليها البليه التركى بتاعة البساطى او الفرنساوى بتاعه سامح الضبع
والديسك الايطالى الاصلى ب 170 برضه بكيسه و ده بيركب عليه البليه ام زور طويل الرومانى وبرضه مقاس الديسك 10
امابليه الدبرياج فيه منها التركى عند البساطى ب 100 جنيه
والبليه الرومانى عند مشيل ب 125
والبليه الفرنساوى الاصليه ب 95 جنيه (!!!!!!!!!!!!!!) عند رينو بور سعيد
والبليه الرومانى الاصليه ب 75 جنيه (!!!!!!!!!!!!!!!!!!) عند رينو بور سعيد
ولاحظوا الفرق بين ميشيل و رينو بور سعيد فى الاسعار
المهم انا لاحظت ان رينو بور سعيد ( سامح الضبع ) بيشطب فى الحاجات اللى تخص الداتشا ومش هايجيبها تانى ولا هيشتغل فيها و ده للعلم ومش قصدى طبعا على الحاجات اللى فى الرينو و بتركب فى الداتشا وهيه كتير جدا
وربنا يسهل كده ان شاء الله و فيه فكره كده لحل مشكلة الكبالن باقل القليل بلا حوجه ولا دوخه بس انتظروا القادم ان عشنا واحيانا ربنا
