السلام عليكم
شباب انا حابب اشتري صني 2016 بس ناس خوفتني منهاوبتقولي فيها عيوب كتير.
بستأذن حضراتكو لو في حد عدي بتجربه او يعرف عيوب للصني يقولي وتنصحوني بشراها ولا لاء.
شكرا.
عرض للطباعة
السلام عليكم
شباب انا حابب اشتري صني 2016 بس ناس خوفتني منهاوبتقولي فيها عيوب كتير.
بستأذن حضراتكو لو في حد عدي بتجربه او يعرف عيوب للصني يقولي وتنصحوني بشراها ولا لاء.
شكرا.
العربية بقالها معايا 5 شهور دلوقتي , والحمدلله مشفتش منها أي حاجه و حشة خلال الفترة دي , وبالنسبة لمشاكل الفرامل دي كانت في الموديلات القديمة و دلوقتي عالجوها
تعليقى الوحيد عليها هو ان اتزانها ضعيف في السفر , وانا ركبتلها جنوط سبور أعرض 2 بوصة من الأصلية عشان أحسن وضعها اثناء السرعة بس لسه مجربتش اسافر بيها تاني و ان شاء الله انا متوقع يكون فيه تحسن كبير
خلاصة الكلام توكل على الله و هاتها , لانها في نظري أفضل قيمة مقابل السعر ممكن تلاقيها في السوق دلوقتي , من حيث انها عربية كبيرة و صالونها أوسع من كتير قوي في نفس الفئة و عاليه و ناعمة في سواقتها
بالإضافة اني شايف امكانياتها ممتازة و فيها وسائل امان كتير و من حيث الشكل شكلها مقبول جداً و سعرها منافس بشدة لأغلب الماركات المتواجدة في السوق المصري
سؤال محرج
الناس اللى خوفوك يمتلكوا العربيه دى؟
اسال ملاك اى عربيه ومتتكلش على كلام الناس وكلام النت
الكلام دا ينطبق على اى عربيه
الصنى الشل الجديد ليه مميزات وعيوب
انا شاركت الاعضاء باللى امتلكه من معلومات عنها تحت موضوع :
http://www.nilemotors.net/Nile/475523-2015.html
انا حاليا عامل 23000 كم, مبشتكيش من حاجه
ومازلت مقتنع بالعربيه بعد مرور سنه و5 شهور من امتلاكها
بس بردو بكرر اسال ملاك العربيه على الحقيقه ومتتكتفيش بالنت او الفيس بوك :)
اتوكل علي الله وهاتها
والي يطمنك انتشار العربيه في الشوارع
لو تقدر تزود برضه هات نيسان
سنترا
هتكون صفقه رابحه
باختصار العربيه حلوه وصيانتها رخيصه بس العربيه خفيفه جدا فى الاكصدام الخلفى والامامى يعنى لاقدر الله اقل خبطه تتعوج جامد بس العربيه ماشيه كويسه حلوه
يا فندم
لو ان انتشار العربية هو المقياس للحكم على السيارة..يبقى الفرنا تكسب وبجدارة
لو ان انتشار العربية هو المقياس لكفائة السيارة ..يبقى السيراتو تكسب وبجدارة
لو ان انتشار العربية هو المقياس لجودة السيارة ..يبقى هوندا سيفك تخسر وبجدارة
لو ان انتشار العربية هو المقياس لرخص سعر السيارة ..يبقى المرسيدس وال بي ام دبليو تخسر وبجدارة
انا معاك
الانتشار عو عامل من عوامل تانيه كتير بتساعد على نجاح العربيه (ليس العامل او المعيار الوحيد) للنجاح مينفعش احدد عليه لوحده نجاح عربيه من عدمها
السوق المصرى (سوق السيارات) والمشترى ليهم عامل كبير فى نجاح العربيه من عدمها
الصنى الجديده بتكتسب هذا الانتشار لسمعه الشكل القديم ولسمعه الشركه, وللسعر التنافسى
دى اكثر العوامل اللى سعدت على انتشارها
الانتشار فى السوق المصرى ميزه وليس عيب
دى العقليه اللى اتربينا عليها (فيات 128, بيجو 504, لادا مارسيدس 200......الخ)
عقليه لو العربيه منتشره يبقا مش هتعب فى تصلحها او مش هتعب فى انى القيلها قطع غيار
دا السوق المصرى
بردو شريحه المشترى للصنى هى شريحه متوسطه الدخل فيهمها النقاط اعلاها
الانتشار ميزه لكن ليست العامل الوحيد فى نجاح العربيه
الانتشار مش كل حاجه لكنه مهم
حضرتك لو في احدي محافظات الاقاليم ومعاك سوبارو او هوندا عربيات ممتازه بس لو احتاجت قطعه غيار ممكن تركن العربيه يوم او يومين علي ما تبعت تشتري قطعه الغيار من القاهره
وقتها يبان قيمه العربيه المنتشره وقطع غيارها موجوده
حتي لو كانت جودتها اقل
وكمثال ن نفسي فكرت اني اشتري فورد مونديو وتراجعت لاني مش في القاهره ومش ضامن توافر قطع الغيار في محافظتي رغم ان العربيه كانت بالنسبه روعه مقارنه ب اللادا بتعتي
تقبل تحياتي وربنا يوفق الجميع للاختيار الصح
اشتريت العربيه اعلي فئه والحمدلله كويسه صالون واسع وسائل امان فرامل بسم الله ماشاءالله عليها
الف الف مبروك