هاستلم شارك وكيل هاي لاين قريبا وزعلان من داياموند

بسم الله الرحمن الرحيم
وسلام الله عليكم ورحماته وبركاته

أنا بعد رحلة بحث طويلة لشراء سيارة جديدة تعيش معي شويه بعد حفظ الله طبعا، اختارت شارك هاي لاين وكيل (أرجو أن يكون اختيار موفق) :F_eyeb1[1]:

طبعا بطني وجعتني من اللي بقرأه على الوكيل اللي شكله مش ........... المسمى بدايموند.

أنا بصراحة العربية لما ركبتها حسيتها نضيفه جدا عن اللي شوفته في الخليجي.

مواصفاتها:

زي البورشور بالضبط، بس فيه ناس مشككاني في إن الوكيل بيغير اكصدامات وجنوط وكاسيت تاتش (بيقولوا مش أصلي) وحاجات زي دي، مش عارف هل الكلام ده صحيح ولا إيه ؟؟ :question2:

وهل العربية دي من الوكيل ياباني بالكامل فعلا ؟؟ :question2:

وهل مراكز الخدمة مش كتير فعلا زي ماهو على الموقع الرسمي لدايموند موتورز كده ؟؟ :question2:

أرجوكم الإفادة :15_2_143: لأن موضوع الصيانات والضمان دول شاغليني أوي.

وشكرا مقدما لكل من ساعد بمعلومه أكيده.

أنا منتظر الرد يارجالة شارك

حضرتك حاجز شارك هاي لاين الي هيه بصمه و بكام

ياباني يا باشا و دايموند زباله بس فيه وكيل ليه اسمه السعودي جروب ابقي اتعامل معاه احسن و انضف اما لو قررت خليجي يبقي تشترك في ضمان تريبل ايه ناس محترمه جدا

اقتباس:

---

المشاركة الأصلية كتبت بواسطة khaled edrise

حضرتك حاجز شارك هاي لاين الي هيه بصمه و بكام

---

آي نعم وهي 175 وحسبها 173 مثل سعر الوكيل وهو اصلا موزع معتمد
وقبلها بيومين سألت عند واحد في نفس المنطقه قالي 177

بص يا باشا اولا السعر كويس في عربيه هاي لاين بصمه ثانيا العربيه يباني يعني موش هتحتاج غير الصيانه العاديه و مراكز خدمة متسوبيشي بالهبل ثالثا العريه عايزه الي غاويهه لان صوت الماتور مسموع دلخل الكابينه لان الماتور مايفك رياضي قطع غيار غاليه زي الكرولا بس عربيه بالسعر ده يباني اعتماديه انتي الكسبان طب البديل هات سراتو هاي لاين بس هي عبهه الثبات موش عالي زي الشارك و اغلي و اوطي ممكن تحك في المطبات عن رايي و انا معايه لانسر 2016 ده اختيار مناسب

اقتباس:

---

المشاركة الأصلية كتبت بواسطة khaled edrise

بص يا باشا اولا السعر كويس في عربيه هاي لاين بصمه ثانيا العربيه يباني يعني موش هتحتاج غير الصيانه العاديه و مراكز خدمة متسوبيشي بالهبل ثالثا العريه عايزه الي غاويهه لان صوت الماتور مسموع دلخل الكابينه لان الماتور مايفك رياضي قطع غيار غاليه زي الكرولا بس عربيه بالسعر ده يباني اعتماديه انتي الكسبان طب البديل هات سراتو هاي لاين بس هي عبهه الثبات موش عالي زي الشارك و اغلي و اوطي ممكن تحك في المطبات عن رايي و انا معايه لانسر 2016 ده اختيار مناسب

---

اللهم بارك، انا فعلا لما حكمت العقل لقيت دي هاكسب عربية محترمة وهاخسر يعض اوبشن انا شايف ان الياباني بخيل فيه شوية

لكن رغم اني في التليين ولسه ماعملتش 200 كيلومتر الا اني مش سامع صوت الموتور زي مابتقولو كده لكن الكاوتش هو اللي مسموع على بعض الطرق

والحمد لله رب العالميم و ادعولنا بالبركه :majd(2):

اقتباس:

---

المشاركة الأصلية كتبت بواسطة arateb

ياباني يا باشا و دايموند زباله بس فيه وكيل ليه اسمه السعودي جروب ابقي اتعامل معاه احسن و انضف اما لو قررت خليجي يبقي تشترك في ضمان تريبل ايه ناس محترمه جدا

---

المعرض مديني عقد لمدة سنه بكارت خصومات عند المركز المعتمد اللي اسمه مصيلحي (كهدية)
مش عارف دول ناس كويسه ولا ايه ؟؟؟؟؟؟

وجزاكم الله خيرا على المتابعه والرد

ولا ألف مبروك ولا أيه حاجه كده، أنا عملت غلط ولا إيه ولا انتو مش مبسوطين من العربية :F_eyeb1[1]:

الف مليون مبروك يا باشا، اختيار موفق، وربنا يديك خيرها ويبعد عنك شرها.

اقتباس:

---

المشاركة الأصلية كتبت بواسطة د.هشام

الف مليون مبروك يا باشا، اختيار موفق، وربنا يديك خيرها ويبعد عنك شرها.

---

جزاك الله خيرا

ممكن سؤال يا فندم باعتبار حضرتك شوفت الهي لاين الخليجي و الوكيل
ممكن اعرف من حضرتك الفرق مابينهم ايه ؟؟

مبروك عليك وربنا يحفظك

فرق جوهري مش هاقدر ادلك اوي

فرق اوبشن فيه طبعا فالوكيل زي البورشور بالضبط اما الخليجي حسب اللي بتراه بعنيك

طيب ايه اللي حسيته؟! ان الخليجي فيه اختلاف في الكرسي لصالح الوكيل الجنط كتير بيتكلموا عليه والبعض بيقول صيني وممكن يكسر وانا ماعرفش اميز الفرق بين الصيني والاصلي ازاي

التقفيل الداخلي في الوكيل افضل
العربيه جيبتها عامله 9 كيلو فقط والمعرض كان حاططتها جنب مكتب المسئول

وانا مبسوط بيها جدا وربنا يكفينا شرها والطريق

اقتباس:

---

المشاركة الأصلية كتبت بواسطة m6r1282

فرق جوهري مش هاقدر ادلك اوي

فرق اوبشن فيه طبعا فالوكيل زي البورشور بالضبط اما الخليجي حسب اللي بتراه بعنيك

طيب ايه اللي حسيته؟! ان الخليجي فيه اختلاف في الكرسي لصالح الوكيل الجنط كتير بيتكلموا عليه والبعض بيقول صيني وممكن يكسر وانا ماعرفش اميز الفرق بين الصيني والاصلي ازاي

التقفيل الداخلي في الوكيل افضل
العربيه جيبتها عامله 9 كيلو فقط والمعرض كان حاططتها جنب مكتب المسئول

وانا مبسوط بيها جدا وربنا يكفينا شرها والطريق

---

عربيات الوكيل اصلا مواصفات خليجي (للسعودية )
أعتقد الراجل بيسألك ايه الفرق في الoptions

اقتباس:

---

المشاركة الأصلية كتبت بواسطة د.هشام

عربيات الوكيل اصلا مواصفات خليجي (للسعودية )
أعتقد الراجل بيسألك ايه الفرق في الoptions

---

ما الدليل على ،انها مواصفات سعودي؟ سؤال وليس تكذيب، أصل ده شيء كويس.
أنا العربية يدوبك من أسبوع مستلمها وربنا كرمني بواحد معدي من جنبي محمل شجر أخضر خد العربية من أولها لآخرها ناحيتي رغم إن وقفت ولميت المرآه، والطريق ضيق جدا، الكلام ده في مكان ريفي يعني عربية .......، تمام

الحمد لله والله أعلم أظن البوية لو كانت معيوبه زي ما البعض بيقول هنا كده كانت اتشوهت، لكن والله ربنا لطف وشبه مافيش حاجه، وآثار الحكه هاتطلع إن شاء الله بالغسيل بس أنا سايبها كده شويه، عشان العين بأه ههههههههههههههه

مكتوب على قايم الباب

اقتباس:

---

المشاركة الأصلية كتبت بواسطة د.هشام

مكتوب على قايم الباب

---

معلش يادكتور وضحلي أكتر

فيه على قايم الباب اليمين والشمال حاجات مكتوبه، فأيهما تقصد، وأي بيان تحديدا أتأكد منه أنها مواصفات سعودي ؟؟ رجاءا افدني بهذه المعلومة، لأني مبسوط من الموضوع ده.

مكتوب على قايم الباب بتاع السائق بلد المنشأ، وتاريخ الصنع ومواصفات خليجي (للسعودية ) أو مواصفات شرق أوسط (أعتقد للأردن )