سؤال هام بخصوص هيونداى أكسنت

**zeka127** · 04-12-2008 04:21 PM

اه وسعرها فى حدود كام يعنى انا قدامى واحده 2005 صاحبها طالب 55 الف وانا اعتقد ان ده كتير اوى عليها هى فى الاربعينات تقريبا

**galalology** · 05-12-2008 03:54 AM

المشاركة الأصلية كتبت بواسطة zeka127

انا عاوز اشترى اكسنت 2004 او 2005 او 2006 انا كنت محتار مابين لانوس وبروتون ويرا والاكسنت دى بس كل الناس نصحونى ان الاكسنت احسنهم فانا كنت محتاج اعرف عيوبها ومزاياها وقطع غيارها واهتم بأيه لما اكشف عليها ياريت لو حد ممكن يفيدنى

عيوب الاكسنت العفشه خشنه وبتتفكك بسرعه .والصالون مش واسع

**hefzyhefzy** · 26-12-2008 10:52 PM

مميزاتها أقتصادية وقطع غيارها رخيصة و ناعمة و تكييفها قوى عيوبها بسيطة الثبات على السرعات مش أوى وعدم وجود باور

**hefzyhefzy** · 26-12-2008 10:54 PM

55000لو حالتها كويسة خدها الموديل ده علشان خلص سعره رفع

**ahmedsiyam** · 27-12-2008 02:00 AM

الاخ صاحب الموضوع

انا كان معايا اكسنت 1500 كاملة مو 99 و تقفيل مصرى
وصدقنى زيى الفل ماشاء الله و بالعافية بعتها و اديتها لواحد صاحبى ماديتهاش لغريب لانها كانت زيى الفل
الاكسنت انا شايفها عربية كويسة مافيهاش مشاكل خالص و الـ 1500 احلى بكتير من الـ 1300 و افضل و اداء احسن
عايز رايى هات 1500 و اى موديل يعجبك يشترط الحالة طبعا
قطع غيارها متوفرة و موجوده فى كل مكان و فى ميكانيكية كتير بيفهموا فيها

**zeka127** · 27-12-2008 08:42 PM

انا جبت لانوس 2000 الف شكر يارجاله

**johnnagy** · 28-12-2008 05:00 AM

انا معايا اكسنت 99 1300 cc العربية زى الفل بس انا جربت اللانوس هى احسن من الاكسنت فى العفشة و الثبات بس الا accelaration بتعها بطئ , انا جبت من 0-100 بالاكسنت فى 14 ثانية , لو حد عندة معلومات عن الاكسنت ياريت يقول

**smase** · 07-03-2009 11:20 AM

طيب بالنسبه للاكسنت ال1300 هل التكييف بيأثر على السحب و هل عدم وجود باور عامل مشكلة

Hyundai Pictures Specifications

**abouelmaggd** · 09-03-2009 08:29 AM

[QUOTE=smase;700512]طيب بالنسبه للاكسنت ال1300 هل التكييف بيأثر على السحب و هل عدم وجود باور عامل مشكلة

التكييف بيأثر على السحب فى الزحمة و مشى الاشارات و العربية بتبقى بايخة انما فى المشى الطوالى حتى لو مش على سرعات عالية التبريد و استهلاك البنزين كويس جدااااا ، الباور مش فارق خالص مع 1300 الدريكسيون بتاعها زاوية دورانه كويسة اوى بس تقيل شوية و انت واقف .