بعد قراية الفاتحه ينفع أعدل في الموضوع

**ahmedabohgr** · 05-02-2016 08:43 AM

السلام عليكم
بعد قراية الفاتحه ينفع أعدل في الموضوع وخاصة إني ممكن أتضرر جدا بسببه ...والموضوع خاص بالجواز
طالبين مؤخر صداق 25 ألف جنيه غير تكاليف العروسه بتتحملها أنا أتحملتها
مع العلم كان معايا أهلي ومتحرج من إني أرجع فيه عشان مصغرهمش ...كنت حاسس أنهم عليا مش معايا
أفيدوني أفادكم الله.........

**Abo_Mazen** · 05-02-2016 01:33 PM

في اي وقت تقدر تعدل في الاتفاق ..ما دام مكتبتش عليها ..لان الظروف بتتغير .ومحدش بيضمن ظروفه

بس خلي بالك كل مره بتعدل في اتفاقك او ترجع في كلامك..بلغتنا كده .بيبقى عندك واحده ..وعيب عليك أصلا
التغيير في الاتفاق وده رايي الشخصي بيكون التعديل في الاتفاق في اضيق الحدود ..او بيكون وضع انت مضطر ليه عشان متحصلش مصايب وفضايح ..زي مثلا تكون متفق على ميعاد الجواز وبعدين فجأه اتطردت من شغلك يبقى هتصرف على مراتك من فين ؟؟..ففي الحاله دي بتضطر غصب عنك تعدل في الميعاد لغاية ما تلاقي شغل...
هتمسع رأي من كل واحد مختلف عن التاني ومحدش هيقول رأي زي التاني

**hilal** · 05-02-2016 02:13 PM

إذا لم تكن مقتنعا تماما بنسبة 100% بالموضوع يبقى خلاص
لا الفاتحة (مع عظم قدرها كونها كلمات الله تعالى) ولا غيرها تجعلك تقبل الضرر ،
والفاتحة اصلا بدعة في امور الزواج او الاتفاقيات اذا كانت على سبيل العبادة

**abokoko** · 05-02-2016 02:59 PM

انا مش شاطر اجتماعيا
لكن في فكر الخطوبه
طلع الي في قلبك واتكلم بكل اللي جواك قبل فوات الاوان وكتب الكتاب وخلي الامور كلها واضحه وصريحه

انت هتستريح وهما كمان هيستريحوا في جميع اباحوال

**طارق _عبد السلام** · 05-02-2016 03:00 PM

لو عايز تفسخ علشان المؤخر....متقلقش مش هتدفعه دلوقتى ويارب ماتدفعه خالص

ولو على الاعباء فى الاتفاق واهلك كانوا معاك..فربنا هيعينك ان شاء الله عليها

لكن المهم فى الموضوع هى خطيبتك لو مفيش مشكله وحاسس انها هتكون شريكه حايتك وهتحافظ عليك وعلى اولادك ان شاء الله....كده مفيش مشكله واستمر وربنا معاك

لكن لو احساسك مع شريكه حياتك المستقبليه غير كده .... فيفضل انك تبتعد بطريقه لاتجرح مشاعرها..وللعلم انك لاتعلم الخير فين

تأنى واستخير وربنا يهىء لك الخير ان شاء الله

**رامي مصطفى** · 05-02-2016 06:23 PM

معلش كلام حضرتك عام مش فاهم المشكله في ايه بالتحديد علشان نقدر نقولك لأ ارجع عادي ولا بلاش شكلها وحش ولا ولا
كل كل حاجه ليها ظروفها
يعني ترجع في الجوازه نفسها ولا المؤخر كبير وعايز ترجع فيه ولا الاعباء اللى المفروض هيا تشلها وشلتها انت هيا اللى عايز ترجع فيها ولا ايه بالضبط

**رامي مصطفى** · 05-02-2016 06:28 PM

المشاركة الأصلية كتبت بواسطة eso101

من البداية لازم تكون في أعلى درجات الوضوح
لإن الرجوع خطوة بيبقى بحزازيات وبتتحسب عليك
في النهاية الخطأ وقع من طرفك .. والنتيجة لازم تتحملها
إما بتحميل نفسك فوق طاقتها .. لو متمسك بيها ومش عايز تبان قدامها بإنك تراجعت عن كلمتك
أو تقولهم إن مقدرتك كدا وحدث خطأ من طرفك واعتذر بكل وضوح
وتقبل ردهم أيًا كان بروح رياضية
وقاعدة عامة .. طالما مش بتجرح أو تسيء لحد عبر عن نفسك بوضوح شديد المهم تكون مرتاح

والله كلام حضرتك كله حكم لو كل واحد وهوا رايح يخطب عمل كده ماكانش حصل خلافات بعد كده على عفش لأقائمه لأ شبكه لأ مؤخر لأ لأ كل حاجه واضحه والخلافات دي نتيجة الكسوف في الاول مكسوف يتكلم او مكسوف يقول انا حجيب كذا او امكانياتي كذا
واحذر كلمه احنا بنشتري ناس مش هنختلف في حاجه
والله ما بتتم الجوازه الا بعد ما يقطعوا بعض خلافات