احذروا خطورة اسبراى التلميع

**NileMotors Team** · 06-02-2016 01:06 AM

كتب Amr Ammar

يا اصدقائى المحترمين انا حصلي حادث اليوم والحمد لله قدر الله وما شاء فعل طبعا دي ايدي بس ومش عاوز اوريكو شكلي لبشاعة المنظر بس الحمد لله
الموضوع بأختصار هو خطورة الاسبراي اللي بنلمع بيه صالون العربيه ولو كان في حد نزل السوق النهارده كان اكيد سمع عن الحادث انا بعد مارشيت الاسبراي غلطت اني كنت مقفل العربيه وفكرت اولع سيجاره وكانت الصاعقه انفجار ملوش حل وانا طبعا ولعت مكان السيجاره بس الحمد لله اني لسه عايش خلي بالكو كل انواع الاسبراي قابله للاشتعال قصدي للانفجار
واسألكم الدعاء ربنا يشفيني ويشفي كل مريض
والاهم من كده اني لو راكب عربيه غير الاوبل كنت فعلا انتهيت كل اللى حصل فالعربيه الزجاج الامامي والخلفي سابو العربيه ومشيو وبقيت العربيه زي الفل طبعا انا بعتها للسمكري بتاعي عمل الواجب وزياده وغير الزجاج ب650 امامي وخلفي والعربيه رجعت زي مكانت الحمد لله
ربنا مايوري حد الى اانا شوفهو النهارده

**tasaka** · 06-02-2016 02:47 AM

شكرا للتحذير .. و ندعو لك بالشفاء العاجل

**M.Ayman** · 06-02-2016 07:56 AM

الف سلامه عليك ، المهم انك طلعت منها بالسلامه و بالنسبه لموضوع الاشتعال ده تقريبا كل حاجه بنستخدمها في التنظيف و التلميع و حاجات ثانيه كتير قابله للاشتعال و عموما كله يحرص و هو بيتعامل مع اي منتج عليه تحذير انه قابل للاشتعال زي الصوره كده او اي حاجه شبهها

[img2]https://img.safetysignsupplies.co.uk/images/product_imgs/full/1338_1_1.gif[/img2]