السلام عليكم
افضل زيت ماتور لعداد 89000
عرض للطباعة
السلام عليكم
افضل زيت ماتور لعداد 89000
أفضل زيت هو اللي مواصفاته مكتوبة في الكتالوج...
ببساطة.. افتح كتالوج العربية في قسم الصيانة على صفحة الزيت... هتلاقي مواصفات الزيت المطلوب... بعد كده تنزل أي بنزينة مضمونة وتشتري أي زيت مواصفاته تمشي مع المكتوب في الكتالوج... وهيكون كويس جدا جدا.
دي صورة صفحة الزيت في كتالوج اللانوس ...
http://nileup.com/up/watermark.php?s...986582.jpg&p=c
http://nileup.com/up/watermark.php?s...986581.jpg&p=c
والكتالوج مديلك مجال واسع للاختيار...
علشان كده.. اختيار الزيت المناسب يعتمد على طريقة استخدامك للعربية وأولوياتك وميزانيتك.
ياريت تدينا معلومات أكتر علشان نقدر نساعدك.
...
استخدامك القليل ده معناه إنك هتغير بالشهر .. مش بالكيلومتر... وأقصى مدة تقدر تغير عليها هي 6 شهور زي ما الكتالوج كاتب.. بشرط استخدام زيوت تخليقية معينة.
على فكرة.. صوت الموتور مش دليل على جودة الزيت.. بس لو ده طلبك.. فيه زيوت بتديلك الخاصية دي.
بس اللي عايز أعرفه هو المسافة بتاعت المشوار نفسه بتكون كام تقريبا... لإن دي هتفرق في نوع الزيت ومدة تغييره كمان.
عايز أعرف كمان .. مشاويرك في الزحمة ولا بتمشي في طرق فاضية نسبيا..
وكمان .. لو حضرتك بتحب الجري.. عادة بتجيب الـrpm على كام؟ وهل العربية بتبقى مليانة ولا انت لوحدك؟..
وهل من ضمن مشاويرك المتعود عليها فيها مناطق مرتفعة (زي المقطم مثلا؟)..
كل الكلام ده بيفرق في درجة اللزوجة.
جاوبني على الأسئلة دي وإن شاء الله أرشحلك 3-4 زيوت تختار من المتاح منهم بالنسبالك.
...
موضوع شيق بارك الله فيك
لو انا مثلة والعداد 70 الف نوبيرا 2 مانول 2005 وباستعملها فى السفر فقط والسرعة مابين 120 -- 180 والحمولة اربع 4 افراد وبعض الاشياء فى الشنطة ماذا ترشح من الزيوت جزاك الله كل الخير
متابع معكم الموضوع
انا مشوارى كل يوم 35-40 ك الصبح الطريق بيكون كويس لاكن وانا راجع زحمه انا كنت مستعمل موبيل 1 وكنت عايز اجيب شيل الاصفر ايه راى حضرتك
موبيل 1 في مصر موجود بتلات أنواع زيت... حضرتك بتستخدم أنهي واحد فيهم؟؟
Mobil 1™ مصر | زيوت المحركات الاصطناعية
...
الحقيقة أنا معرفش كتالوج النوبيرا مكتوب فيه إيه... فالكتالوج هو اللي يحكم.. مش أنا :)
بشكل عام.. الاستخدام بتاع حضرتك كان هيبقى مريح للزيت لو كنت بتسوق بسرعات ما تزيدش عن 140... وكنت هقوللك تحط زيت معدني وغيره على 10000...
بس السواقة بسرعات عالية كده بتخليني أقوللك إن سواقتك دي تعتبر شاقة على الزيت ولازم الزيت يتغير بسرعة..
ارجع لكتالوج العربية لإن مكتوب فيه حالات القيادة الشاقة.
...
الزيت ده مناسب جدا جدا للانوس... وبيدي حماية عالية سواء في بداية التشغيل أو أثناء التشغيل ...
مستوى الجودة بتاعه عالي جدا وواخد اعتمادات من كل الشركات المشهورة..
ده غير إنه تخليقي بالكامل..
بمس يعيبه حاجة واحدة.. إنك هتحس بتأخير في استجابة العربية شوية واستهلاك البنزين هيزيد شوية.. ﻹنه زيت تقيل على الساخن..
لو طبيعة استخدامك للعربية مافيهوش حرق عالموتور أو تحميل بأوزان عالية.. تقدر تروح على موبيل 1 الأخضر (ESP Formula 5W-30) وانت مطمن... وهتحس بفرق في سحب العربية واستهلاك البنزين
زيت شيل الأصفر زيت معدني.. مستوى الجودة بتاعه أقل كتير من موبيل 1 عموما.. بس أكيد أرخص..
وفي جميع الأحوال.. مستوى الجودة بتاعه أعلى من طلبات الكتالوج.
لو عايز توفر على المدى البعيد.. خليك في موبيل 1... ولو عايز توفر على مدى تغييرتين زيت ولا حاجة.. روح على شيل الأصفر.
ونصيحة مني.. الثبات على نوع واحد أفضل من التغيير باستمرار.
...
أ. بوريو
ازى حضرتك عندى استفسار ومحتاج حضرتك تفدنى
انا عربيتى اوبل استرا موديل 2000 ماتور 1200 سى سى العربية حاليا 100 الف كيلو
حالة الماتور الحمد لله رب العالمين تمام جدا استخدامى للعربية بسيط جدا بتحرك بالعربية مرة او مرتين فالاسبوع كل تحركاتى داخل المدينة فالزحمة يعنى كل المشوار بيكون استخدامى كله على الغيار الاول والتانى والغيار التالت بسيط جدا سواقتى هادية جدا مش بجرى خالص ومبحرقش على الغيار يعنى بالكتير قوى بغير على rpm3 ولو جريت بالكتير 120
اول مااشتريت العربية غير الزيت وحطيت شيل الاصفر المعدنى لزوجة 15/50 او 15/40 مش متذكر قوى
وكانت الدنيا تمام والحمد لله نزلت الزيت بدون نقص ميللى واحد نفس المقاس اول محطيت الزيت
ولكن المرة التانية غير الزيت حطيت نفس الزيت برضو بس العربية مش عجبانى خالص صوت العربية بداية الدوارة عالى جدا واثناء الغيارات صوت العربية عالى رغم انى بنقل على rpm مش عالى
مش عارف بقى عيب زيت ولا ايه بالضبط ؟؟؟ فهل حضرتك تنصحنى انى اغير لنوع زيت اخر او استخدم زيت تخليقى
مشكلة كتالوج العربية نزلتة من النت بس صورتة زى الزفت ومش واضح من الكتابة اى حاجة نسخة زى الزفت
وكمان فى استفسار اخر انا بتحرك بالعربية بسيط جدا يعنى بالارقام عشان تكون الصورة واضحة لحضرتك
انا عامل فى سنة 5000 كيلو يعنى الزيت بيفضل فى المكنة سنة كاملة فهل فى مشكلة فطول المدة ؟؟؟
ولا اغير الزيت كل 6شهور زى مبعض الكتالوجات بتنصح بيه ؟؟؟؟
اسف للاطالة ومستنى نصيحة حضرتك
ده رابط للكتالوج بتاع آسترا 2002.. اللي هو نفس الشكل بتاع ال2000 على ما أظن.
http://homepage.ntlworld.com/andrew....2002Manual.pdf
نسخة ممتازة وواضحة جدا..
حبيبى متشكر جدا لاهتامك وردك ومتشكر قوى على الكتالوج نسخة تحفة بصراحة ولكن للاسف انا مفهمتش تعليمات ومواصفات الزيت
حاولت افسر تعليمات الكتالوج بس بصراحة مش فاهمها لان المشكلة ارقام المواصفات قريبة قوى من بعض ولكن بالتأكيد هناك فرق بين كل تلك الارقام وفى الاخر معرفتش ايه المواصفات اللى تناسب عربيتى
معلش هتقل عليك شوى ممكن تقرا مواصفات الكتالوج وتفسرهالى بطريقة بسيطة كدة بخبرة حضرتك الكبيرة
هتلاقى مواصفات الزيت فى الصفحة رقم 245 و 246
مرة تانية اسف انى تقلت عليك
على فكرة الموضوع سهل.. بس محتاج تاخد فكرة الأول عن معنى الأكواد والرموز قبل ما تشتري..
تفاصيل الحاجات دي موجودة في الموضوع ده:
http://www.nilemotors.net/Nile/341680-a.html
وأنا مش بعمل حاجة غير إني بنفذ تعليمات الكتالوج.
عموما.. أنا نزلت الكتالوج.. وآدي يا سيدي صفحتين الزيت ...
http://nileup.com/up/uploads/nilemotors_14549164591.png
http://nileup.com/up/uploads/nilemotors_14549164592.png
الصفحة الأولى فيها الملخص... وبيقول فيها إن مستوى جودة الزيت لازم يكون ACEA A3/B3
يعني سيادتك لما تشتري أي علبة زيت.. لو مش مكتوب عليها ACEA A3 .. ما تشتريهاش.
تاني حاجة... اللزوجة..
بيقول إنك لو اشتريت الزيت بتاع فوكسهول "أوبل".. يبقى تجيب اللزوجات 0W-30 أو 5W-40 أو 10W-40
وتختار اللزوجة المناسبة حسب الرسمة اللي في الصفحة التانية.. (طبعا دي تفرق معاهم في الجو البارد)
ولو هتشتري زيت تاني غير بتاع أوبل (يعني زيت من أي ماركة تانية)... يبقى اللزوجات اللي تنفع هي:
10W-30 (أو أعلى من 30) ← يعني كمان 10W-40 و 10W-50
5W-30 (أو أعلى من 30) ← يعني كمان 5W-40 و 5W-50
0W-30 (أو أعلى من 30) ← يعني كمان 0W-40
هنا بقى اختيار اللزوجة راجع ليك انت... انت اللي تحدد.. حسب استخدامك وأولوياتك والمتاح في السوق.
الموضوع ده بيعرفك إزاي تختار اللزوجة..
http://www.nilemotors.net/Nile/481878-a.html
عموما... بالنسبة لسؤالك الأولاني:
أنا شايف مشكلتك بالنسبة لأداء الموتور وصوته دي ممكن تكون بسبب الزيت.. بمعنى إن حضرتك حطيت زيت مغشوش..
دايما .. تعامل مع أماكن مضمونة وسمعتها معروفة.
تاني حاجة... بناء على طريقة استخدام حضرتك... انت مش محتاج زيت تقيل... الزيت الخفيف هيأدي الواجب وزيادة... بس غالبا هيكون تخليقي..
أنا أنصحك بزيت شيل هيليكس ألترا 5W-40 أو أي زيت تاني له نفس درجة اللزوجة.. بس اتأكد من الأكواد اللي عليه.. بتبقى مكتوبة على ظهر العلبة...
دي أهم بكتييييييييييير من درجة اللزوجة
في جميع الأحوال.. مواعيد تغيير الزيت بالنسبالك هتبقى بالوقت .. مش بالمسافة... وده بردو حسب الكتالوج ما يقول..
للأسف .. جدول الصيانة مش موجود في الكتالوج... في العربيات الأوروبي عموما غالبا بيبقى فيه كتالوج تاني جاي مع العربية بيبقى فيه مواعيد الصيانة لكل شيء
بشكل عام... غير الزيت كل 6 شهور.
...
والله العظيم سيبك من اى حاجة لازيت ولابتاع
انت راجل محترم جدا لانك بتهتم وبتابع استفسارات الناس وبتهتم انك ترد عليهم وبتفيد الناس بمعلوماتك
عشان للاسف دى حاجة افتقدناها من اساتذة كتير هنا فالمنتدى
انا بقولك شكرا ياراجل يامحترم يازوق
والله المستعان هحاول اغير الزيت وهستخدم زيت افضل وهآخد بالى من الاكواد
فعلا انت شخص محترم انا فهمت حاجات عن الزيت مفيدة جدا بارك الله فيك