كتب Mohammed Gaber El Behery



السلام عليكم ورحمة الله وبركاته



السلام عليكم ورحمة الله وبركاته
مساء الخير علي احلي ناس
انا حبيت اقدم تقرير بسيط عن حديث اغلب عشاق الاوبل اليومين دول وهي الاوبل موكا (OPEL MOKA).........
اول شئ هنبداء بتاريخها ميلادها وظهورها اول ظهور ليها كانت في 2012 وبدات خط الانتاج اوخر 2012 كاموديل 2013 في بس معلومه صغيره كده..( ان العربيه ده اول الفكره بتاعتها كانت في 2007 كانت علي شاشه الكمبيوتر كا design وكانت هاتبقي اوبل كورسا C بس ماتحطيتش تبع خطه الانتاج )
وليها اسماء تانيه زي ..
Buick Encore في امريكا الشماليه
و
Vauxhall Mokka في بريطانيا
العربيه عباره عن :
mini Subcompact crossover (SUV) 4×4
.ملحوظه صغنونه كده عن نظام الدفع بتعها الي هو ايه نظامه ان العربيه غير دائمه الدفع الربعي بمعني ايه ان الموتور بتعها ذكي شويه علشان يحافظ علي الاستهلاك. وعمر الموتور بيبقي شغال علي الدفع الامامي ولو مايحس بزله او في عرقله علي الطريق والعربيه محتاجه عزم يبدأ يشغل ال 4 wheel بنسبه 50% للعزم علي العجلات الخلفيه وده طبعا حاجة كويسه علشان الاستهلاك وكمان الموتور بتاعها ببقي عمره الافتراضي يبقي اطول.. (وبينزل بردو منها دفع امامي فقط)


في حاجه بقي لذيذه كده اسم موكا واخدينه من القهوه العربيه بتعتنا. وشبهوها با حبايه البن صغيره ومحندقه كده

نيجي بقي للقلب النابض انا هاعرض المواتير البنزين بس الديزل او الجاز ملناش دعوة بيه علشان عمره ماهينزل عندنا وهي نازله بمحركين الاول وده 1400 تيربو والثاني هو 1600...
الاول وده 1400 تيربو : الي نازل في مصر بيعطي قوه من 138 ل 140 حصان عند 6000 دوره مع عزم دوران 200 نيوتن عند 4900 دوره rpm مع فتيس اتوماتيك 6 سرعات مع خصيه الوضع الرياضي او (Active select mode)

الاخير وهو 1600: بيعطي قوه من 112 حصان ل 115 عند 6000 دوره مع عزم دوران 155 عند 4000 دوره rpm والفتيس بتعها 5 سرعات اتوماتيك وده نازل للموتور 1600 فقط وممكن تطلب ليه فتيس 6 سرعات يدوي
وزن العربية تقريبا حوالي1385 كيلو وممكن يزيد او يقل حسب الفئه بس حاجات بسيطه
هي نازله في مصر بفئاتين هاي لاين وتوب لاين
الاول سعرها 212
والثانيه سعرها 242
والفروقات الي بينهم جنط 17 والتانيه 18
اول واحده فيها شاشه بيانات جرافيك
والتانية شاشه 7 بوصه
الاثنين فيهم تكييف مزدوج ومرايات كهربه
التوب لاين فيها فتحه سقف زجاج وزينون وتسخين كراسي والله اعلم ..
وحساسات مطر وفي مميزات تانيه كتير بس انا حبيت اعرفكم الحاجات الشاذه الي مش موجوده في الفئتين
واتمني اني أكون افدتكم ولو بقدر ضئيل من المعلومات
علي فكره العربيه الشيفروليه تريكس لي عملنا تقرير عنها قبل كده يعتبر شبيها للموكا
ليلتكم سعيده