مساعده فى XBox360

**khaled_sabry** · 09-02-2016 09:36 AM

مع احترامى لكل الاراء اللى قالولى هات جديد
لكن انا عندت و اشتريت واحد مستعمل كويس و متكرك هارد
اصل لاقيت الفارق فى السعر كبير اوى (فى حدود 1500 الى 2000) بالاضافه الى ان (حسب ماقريت) الجديد فيه موديلات محميه كويس و ال XBox One لسه ماحدش عرف يهكره

و انا شخصيا ماعنديش وقت اروح لمحلات التهكير و اوجع دماغى لانى انا مش جيمر اوى و جايبه اساسا للاولاد و هو عليه 35 لعبه و مش عاوز اصرف عليه اكتر من كده

انا شغلته اول مره امبارح - فاسألتى حاليا هى كالاتى
- لما سألت صاحب الجهاز قالى انه متكرك هارد - قولتله يعنى jtag قالى لا متكرك هارد بس , فده معناه ايه و ايه الفرق بين النوعين ؟؟
- هل فيه خطوره لو انا وصلته بالنت اللى عندى فى البيت ؟؟ لان فهمت من مواضيع تانيه ان ميكروسوفت بتشمشم ورا الاجهزه المهكره و ممكن تضرنى - و اخرهم فى الضرر ايه ؟
- هل ممكن العب بيه اون لاين بالالعاب اللى فيها امكانيه الاون لاين - حتى لو دفعت اشتراك ال XBox live ده
- خاصيه ال face recognition مقفوله عندى و بيطلعلى رساله بس مابلحقشى اقراها - فايه سبب قفلها ؟؟

**M.Mosaad** · 09-02-2016 12:01 PM

المشاركة الأصلية كتبت بواسطة mtak

طيب ممكن تفاصيل اكتر لو حد مجرب

انا دورت شويه على النت لقيت الكارت الذهبى 12 شهر بـ 660 جنيه تقريبا

طيب اشتغل به ازاى و هل اللى هاستفيده مجرد انى انزل لعبه كل شهر

و العب اون لاين مع ناس تانيه

اصل اللعبه تقريبا بتعدى 15 جيجا , فكده عاوزه نت حلو و ما يقطعش

انا عندي ps4 و تقريبا الاتنين نفس النظام - بتدفع اشتراك سنوي - في الps4 50 دولار بتستفاد انك بتلعب اونلاين طبعا لو عاوز - و لازم اشتراك علشان تلعب اونلاين - ثانيا قثنول كل شهر لعبتين مجاني و انت و حظك و في شهور بينزل العاب حلوة و شهور بتنزل العاب ملهاش عازة - بس في النهايه الاشتراك بيجيب قيمته بصراحه

انا مش بلعب اونلاين فبشترك لما تنزل العاب حلوة بس

**Ahmed_selmy** · 10-02-2016 01:23 AM

دا موضوع انا كنت عامله على الXbox.....شوف كدا يمكن يفيدك
http://www.nilemotors.net/Nile/475492-xbox-one.html

**khaled_sabry** · 10-02-2016 02:56 PM

المشاركة الأصلية كتبت بواسطة Ahmed_selmy

دا موضوع انا كنت عامله على الXbox.....شوف كدا يمكن يفيدك
http://www.nilemotors.net/Nile/475492-xbox-one.html

موضوع جميل و فعلا كنت قريته قبل ما اشترى
بس مشكلتى ان Xbox one غالى اوى - و فى نفس الوقت انا مش حاسس بفارق كبير بينه و بين ال Xbox360 باستثناء ان الالعاب الجديده بتنزل على one طبعا
بس انا مش جيمر اساسا علشان كده الحوار ده مش فارق اوى معايا

سؤالى بقى - العاب الكنيكت اللى شوفتها لغايه دلوقتى (اللى هما kinect adventures و kinect sports) بيسجلو لقطات من الكاميرا ليك و انتا بتلعب

طبعا هى خاصيه لطيفه - لكن الخوف ان الصور دى تطلع بره خصوصا ان الواحد بيبقى قاعد بيلعب براحته فالمناظر بتبقى عار

فهل فعلا الصور و الفيديوهات دى بتبقى على الجهاز فقط و مافيش اى فرصه انها تطلع بره على النت
لأنى حاليا متخوف ادخل الجهاز على النت بسبب النقطه دى (خصوصا ان فى لعبه kinect sports فيه اختيار شير - هار اسود شير فين بقى

**Ahmed_selmy** · 10-02-2016 11:06 PM

المشاركة الأصلية كتبت بواسطة khaled_sabry

موضوع جميل و فعلا كنت قريته قبل ما اشترى
بس مشكلتى ان Xbox one غالى اوى - و فى نفس الوقت انا مش حاسس بفارق كبير بينه و بين ال Xbox360 باستثناء ان الالعاب الجديده بتنزل على one طبعا
بس انا مش جيمر اساسا علشان كده الحوار ده مش فارق اوى معايا

سؤالى بقى - العاب الكنيكت اللى شوفتها لغايه دلوقتى (اللى هما kinect adventures و kinect sports) بيسجلو لقطات من الكاميرا ليك و انتا بتلعب

طبعا هى خاصيه لطيفه - لكن الخوف ان الصور دى تطلع بره خصوصا ان الواحد بيبقى قاعد بيلعب براحته فالمناظر بتبقى عار

فهل فعلا الصور و الفيديوهات دى بتبقى على الجهاز فقط و مافيش اى فرصه انها تطلع بره على النت
لأنى حاليا متخوف ادخل الجهاز على النت بسبب النقطه دى (خصوصا ان فى لعبه kinect sports فيه اختيار شير - هار اسود شير فين بقى

انا الى الان الحمد لله متلقطليش فيديو غير فى لعبه اسمها Shape up ولكن هو بيقولك انك انه حيسجل
ومفيش حاجه بتطلع على النت الا لما تطلعها انت.