كهربائى سيارات بيفهم و شاطر فى الزقازيق برجاء الاطلاع ( أ محمد ممدوح - أ مصطفى حسن )
السلام عليكم
دلوقتى يا جماعه انا معايا لانوس و الصراحه مش بمشى بيها كتير و كنت بدورها كل كام يوم لحد ما البطاريه فصلت خالص و هى جافه للعلم و بعدين شحنتها و ناس كتير قالتلى لا يمكن البطاريه تفضى شحنتها خلال يومين ثلاثه بس و لازم يكون فى تسريب فى العربيه المهم كشفت على العربيه عند كذا صنيعى كلها يقولك لا اكيد عيب بطاريه و تقريبا كده انا حسيت انهم عايزين يريحو دماغهم ايه اللى يقرفهم فى شغلانه ذى دى يقعدو يدورو العيب فين و طبعا كلكو عرفين دماغ الصنعيه كله عايز الشغلانه اللى تخلص بسرعه و فلوسها كتير المهم انا قولت على ما اغير البطاريه اشيل الكبل بتاع السالب و لما احتاج العربيه احط كابل البطاريه ناس كتير نصحتنى بكده دلوقتى البطاريه ضعفت خالص بقيت لو سيبت الكابل واصل 4 ساعات فى العربيه ما تقدرش تدور العربيه بعد كده فانا كنت متجاح كهربائى شاطر و بيفهم فى الزقازيق او العاشر من رمضان اروحله و يطمنى هل ده عيب بطاريه و لا ماس فى العربيه قبل ما اشترى بطاريه جديده و تحصل البطاريه اللى مستخدمه دلوقتى
[overline]و هل لو كشفت كمبيوتر هل ممكن يقولى فى ماس فى دايرة الكهرباء بتاعت العربيه ولا لا [/overline]
و شكرا
هستنى رد كل رجالة الانوس و اولهم خبراء المنتدى
الاستاذ محمد ممدوح و الاستاذ مصطفى حسن