الموضوع: ما التصرف اذا صدمت سيارتك سيارة شرطه

المشاركة الأصلية كتبت بواسطة gade2

اللى حصل
زميلى ماشى فى امان الله وفجأة خبطه ونش شرطه من ورا يمين العربيه لفت مرتين وزحفت طلعت على الجزيره الوسطى
الخساير
رفرف خلفى وفانوس خلفى وقنطره وقربة ميه مساحات
زميلى للاسف معملش حاجه معاهم لانه ملتحى وخاف يحصله حاجه

السلام عليكم ورحمة الله وبركاته خير ما عمل والله لوحتى من غير لحيه لوزعلتهم بس فانتى مفقود ربنا موجود ويعوضه خير كفاية يقول حسبى الله ونعمه الوكيل

هههه أنت وحظك من الاخر

لو رسمي مش هتطلع بحاجة ... أنا عارف دة عن تجربة مع واحد صاحبي وكان أبوه مسؤول كبير كمان بس كان راجل محترم وحسن السمعة

الواد كان غايب العربية زيرو ، وبيغطيها كل يوم بالليل .... المهم بعض ما ركنها تحت بيته وطالع عمارته البوكس دخل فيها وهي مركونة

ساعتها إتصل بيا وكلمنا ناس في الداخلية ومدير الأمن وقصص (الكلام دة كان سنة ٩٧ تقريبا ) ، كنا طلبة في الجامعة ونعرف ظباط من هنا لبكرة

المهم اعتذارات ومحضر ونيابة ومعاينة ....

طلعوا صاحبي غلطان تقريبا وقالوله الحل الوحيد هو التراضي وكل واحد يصلح عربيات التاني باين ...المهم الواد لقي إنه يسحب المحضر إأمنله وإوفرله وإستعوض ربنا

أنا مرة بقه سنة ٢٠٠١ نفس الكلام حصل معايا ، بوكس شرطة دخل في عربيتي وهي مركونه تحت البيت (نظرا لدرايتي بالأحداث اللي تعرض ليها صاحبي فمفيش حاجة رسمي في مصلحتي ) .... بس الصراحه كان ظابط محترم وهو ما كانشي في العربيه أصلا ، دة كان السواق رايح يجيبه من الإستراحة بتاعت الشرطة في أخر الشارع

السواق إتإسفلي وقالي أنا هصلحها علي حسابي قلتله أنا مليش كلام معاك أنت تبع مين أصلا ، قالي أنا تبع طارق بيه ... قلتله ييجي طارق بيه يتفاهم معايا ....بصراحة جه طارق بيه وإتسفلي نيابة عن السواق وقالي هو الغلطان وأنا هضمن كلام السواق مدام قال واللي يرضيك يا دكتور ... المهم أنا صعب عليا السواق وقلت كفايا عندي مجيتك يا طارق بيه وأنت مقامك كبير وأنا ميرضنيش السواق يتحمل تكاليف كبيرة وحصل خير ، وقلت للسواق تبقي تاخد بالك المرة الغاية وبطلت أركن في الشارع دة

المشاركة الأصلية كتبت بواسطة gade2

اللى حصل
زميلى ماشى فى امان الله وفجأة خبطه ونش شرطه من ورا يمين العربيه لفت مرتين وزحفت طلعت على الجزيره الوسطى
الخساير
رفرف خلفى وفانوس خلفى وقنطره وقربة ميه مساحات
زميلى للاسف معملش حاجه معاهم لانه ملتحى وخاف يحصله حاجه

الحمد لله إنه سليم. قدر ما شاء فعل.
طبعا لو إشتكى حيتلفقله قضية خصوصا إنه ملتحي. وحيظهر له إتصال بالإخوان وحماس وإيران وقطر وتركيا ومحاولته في تفجير الونش.
أما الضابط بتاع الونش حياخد ترقية وتكريم للقضاء علي عنصر إرهابي دولي.
أما لو أتحول رأي عام حيتقال إيه إلي مشاه في الشارع الوقتي؟

المشاركة الأصلية كتبت بواسطة alphacharlie

الحمد لله إنه سليم. قدر ما شاء فعل.
طبعا لو إشتكى حيتلفقله قضية خصوصا إنه ملتحي. وحيظهر له إتصال بالإخوان وحماس وإيران وقطر وتركيا ومحاولته في تفجير الونش.
أما الضابط بتاع الونش حياخد ترقية وتكريم للقضاء علي عنصر إرهابي دولي.
أما لو أتحول رأي عام حيتقال إيه إلي مشاه في الشارع الوقتي؟

السلام عليكم ورحمة الله وبركاته الحمد لله ان فى ناس فاهمة الوضع كويس وعارفين ان فى ساده وفى عبيد ربنا يرحمنا جميعا

ممكن ادخل ازايد و اكتب كلام يسخن الجو
لكن رايي بصراحة
عربية الشرطة مثلها مثل الميكروباص اللي من غير نمر مثل التاكسي مثل عربية الافندي و عربية البيه
محدش بياخد حقه من حد

المشاركة الأصلية كتبت بواسطة samyyousef

ممكن ادخل ازايد و اكتب كلام يسخن الجو
لكن رايي بصراحة
عربية الشرطة مثلها مثل الميكروباص اللي من غير نمر مثل التاكسي مثل عربية الافندي و عربية البيه
محدش بياخد حقه من حد

السلام عليكم ورحمة الله وبركاته سئوالى لحضرتك مين اللى بيطبق القانون فى اى دوله فى العالم مش الشرطة وله حدتانى وبعدين عربية الشرطة او رجل الشرطة يمثل هيبة الدولة وسلتطها فاول من يطبق القانون على نفسه هيا الشرطة وبعدها على المواطن ومن لايلتزم بتطبيق القانون يقع تحت سلطة ده اللى اتعلمته ومين سمح للميكروباص بلفوضى والتاكسى بدون نمر والتوك توك بلعبس فى كل مكان فى مصر من المسئول عن فوضى الشارع والتفرقه بين عربية الباشا والبيه والمواطن البسيط نحن نعيش فى دوله يحكمها القانون والمفروض الفانون يطبق على الجميع وسر تقدم اى دوله احترام القانون وتطبيقة على الجميع لكن مايحدث فى مصر الان لايوجد كلمه فى اى لغه ان توصفه يمكن نحن فاشلون فى الفشل وشكرا

المشاركة الأصلية كتبت بواسطة mohamed desoky

السلام عليكم ورحمة الله وبركاته سئوالى لحضرتك مين اللى بيطبق القانون فى اى دوله فى العالم مش الشرطة وله حدتانى وبعدين عربية الشرطة او رجل الشرطة يمثل هيبة الدولة وسلتطها فاول من يطبق القانون على نفسه هيا الشرطة وبعدها على المواطن ومن لايلتزم بتطبيق القانون يقع تحت سلطة ده اللى اتعلمته ومين سمح للميكروباص بلفوضى والتاكسى بدون نمر والتوك توك بلعبس فى كل مكان فى مصر من المسئول عن فوضى الشارع والتفرقه بين عربية الباشا والبيه والمواطن البسيط نحن نعيش فى دوله يحكمها القانون والمفروض الفانون يطبق على الجميع وسر تقدم اى دوله احترام القانون وتطبيقة على الجميع لكن مايحدث فى مصر الان لايوجد كلمه فى اى لغه ان توصفه يمكن نحن فاشلون فى الفشل وشكرا

مداخلتي تتفق مع ما ذكرته حضرتك...انا لا اختلف معك في ذلك بل هو ذات ما اعنيه
ان محدش بيحاسب حد بالذات في موضوع الحوادث
لا اقصد تبرير لكن الشئ بالشئ يذكر
لاني فهمت من بعض المداخلات ان لو عربية تانية مش عربية شرطة هي اللي عملت الحادثة سيختلف الامر
اشكرك على التواصل