السلام عليكم
لو انت ماشى فى الطريق وعربية شرطه خبطت عربيتك
ايه هو التصرف الصحيح .,
عرض للطباعة
السلام عليكم
لو انت ماشى فى الطريق وعربية شرطه خبطت عربيتك
ايه هو التصرف الصحيح .,
وله حاجة هتصلح عربيتك على حسابك واحمد ربنا ان عربية الشرطة هيا اللى خبط فيك مش انتى اللى غلطان لانك لو علطان ربنا ميوريك ايه اللى ممكن يحصلك وشكرا
على حسب انت فى اى دولة
وبرضه على حسب انت جنسيتك ايه ؟؟؟
يعنى مثلا لو انت مصرى فى مصر مش حتاخد لا حق ولا باطل
لو انت مصرى فى امريكا حتاخد حقك كامل وحيصلحولك الضرر بس
لو انت امريكانى فى مصر حيصلحولك العربية و مش بعيد يغيروها بموديل احدث و يصلحولك عربية المدام وتاخد اقامة اسبوع مجانا فى منتجع تابع لنادى الشرطة
زمان كان صديق لى دخل فى عربية الشرطة كان اسمها زمان اتارى المهم عملولة محضر وبات فى القسم وعرض نيابة واتلاف مال عام وافرجه عنة بضمان السكن ومضى تعهد باصلاح السيارة واعادتها كما كانت عليه والمتابعة من الضابط المسئول عن السياره او الحملة بمعنى جراج لازم يمضى ويوافق بلاصلاح المهم الخبطه كانت بسيطة فانوس خلفى والشنطه مش بتقفل العربية هيونداى اكسيل استيشن صلح كل حاجة ومصاريف العسكرى اكلة وشربه وسجايرة قاعد حراسة عند السمكرى خلة رجع العربية تانى لحالة الزيرو عارفين يعنى اية عربية شرطة يرجعها زيرو وعلشان يعملة مصالحة فى النيابة صرف اكتر من 7 الاف ج عام 99 مش عارف المبلغ ده يساوى كام المهم نصيحه ابعد عن عربية الشرطه فى الطريق لان لا قدر الله ولمسة عربية الشرطة عندك حلين يااما تنتحر او تتنفخ وشكرا
لو انا مش غلطان مش هسيبه ابدا الا اذا ضربنى بالنار .......... والله كده .......... لاننى اعترف بأخطائى فور وقوعها اولا بأول دون اى مبرر. تحياتى
لو فى مصر هعمل نفسي ميت
ده حل كويس لازم كلنا نعمله لاننا عايشين فى مصر وشكرااقتباس:
المشاركة الأصلية كتبت بواسطة حسين بدوى
حصلت معايا زمان من ميكروباص شرطه خبطني وجري ولا كأنه عمل حاجه وجريت وراه بس مالحقتهوش
الحمد لله انك ماحصلتهوش لانك لوحصلتة ماكنتش هتبقى معانا دلوقتىاقتباس:
المشاركة الأصلية كتبت بواسطة memo_p910
ممكن يعمل لك محضر حتي لو هو غلطان و تتحاكم بتهمة الارهاب المحتمل و الانتماء لجماعة أرهابية محظورة و تأخد أعدام
اللى حصل
زميلى ماشى فى امان الله وفجأة خبطه ونش شرطه من ورا يمين العربيه لفت مرتين وزحفت طلعت على الجزيره الوسطى
الخساير
رفرف خلفى وفانوس خلفى وقنطره وقربة ميه مساحات
زميلى للاسف معملش حاجه معاهم لانه ملتحى وخاف يحصله حاجه
السلام عليكم ورحمة الله وبركاته خير ما عمل والله لوحتى من غير لحيه لوزعلتهم بس فانتى مفقود ربنا موجود ويعوضه خير كفاية يقول حسبى الله ونعمه الوكيلاقتباس:
المشاركة الأصلية كتبت بواسطة gade2
هههه أنت وحظك من الاخر
لو رسمي مش هتطلع بحاجة ... أنا عارف دة عن تجربة مع واحد صاحبي وكان أبوه مسؤول كبير كمان بس كان راجل محترم وحسن السمعة
الواد كان غايب العربية زيرو ، وبيغطيها كل يوم بالليل .... المهم بعض ما ركنها تحت بيته وطالع عمارته البوكس دخل فيها وهي مركونة
ساعتها إتصل بيا وكلمنا ناس في الداخلية ومدير الأمن وقصص (الكلام دة كان سنة ٩٧ تقريبا ) ، كنا طلبة في الجامعة ونعرف ظباط من هنا لبكرة
المهم اعتذارات ومحضر ونيابة ومعاينة ....
طلعوا صاحبي غلطان تقريبا وقالوله الحل الوحيد هو التراضي وكل واحد يصلح عربيات التاني باين ...المهم الواد لقي إنه يسحب المحضر إأمنله وإوفرله وإستعوض ربنا
أنا مرة بقه سنة ٢٠٠١ نفس الكلام حصل معايا ، بوكس شرطة دخل في عربيتي وهي مركونه تحت البيت (نظرا لدرايتي بالأحداث اللي تعرض ليها صاحبي فمفيش حاجة رسمي في مصلحتي ) .... بس الصراحه كان ظابط محترم وهو ما كانشي في العربيه أصلا ، دة كان السواق رايح يجيبه من الإستراحة بتاعت الشرطة في أخر الشارع
السواق إتإسفلي وقالي أنا هصلحها علي حسابي قلتله أنا مليش كلام معاك أنت تبع مين أصلا ، قالي أنا تبع طارق بيه ... قلتله ييجي طارق بيه يتفاهم معايا ....بصراحة جه طارق بيه وإتسفلي نيابة عن السواق وقالي هو الغلطان وأنا هضمن كلام السواق مدام قال واللي يرضيك يا دكتور ... المهم أنا صعب عليا السواق وقلت كفايا عندي مجيتك يا طارق بيه وأنت مقامك كبير وأنا ميرضنيش السواق يتحمل تكاليف كبيرة وحصل خير ، وقلت للسواق تبقي تاخد بالك المرة الغاية وبطلت أركن في الشارع دة
الحمد لله إنه سليم. قدر ما شاء فعل.اقتباس:
المشاركة الأصلية كتبت بواسطة gade2
طبعا لو إشتكى حيتلفقله قضية خصوصا إنه ملتحي. وحيظهر له إتصال بالإخوان وحماس وإيران وقطر وتركيا ومحاولته في تفجير الونش.
أما الضابط بتاع الونش حياخد ترقية وتكريم للقضاء علي عنصر إرهابي دولي.
أما لو أتحول رأي عام حيتقال إيه إلي مشاه في الشارع الوقتي؟
السلام عليكم ورحمة الله وبركاته الحمد لله ان فى ناس فاهمة الوضع كويس وعارفين ان فى ساده وفى عبيد ربنا يرحمنا جميعااقتباس:
المشاركة الأصلية كتبت بواسطة alphacharlie
ممكن ادخل ازايد و اكتب كلام يسخن الجو
لكن رايي بصراحة
عربية الشرطة مثلها مثل الميكروباص اللي من غير نمر مثل التاكسي مثل عربية الافندي و عربية البيه
محدش بياخد حقه من حد
السلام عليكم ورحمة الله وبركاته سئوالى لحضرتك مين اللى بيطبق القانون فى اى دوله فى العالم مش الشرطة وله حدتانى وبعدين عربية الشرطة او رجل الشرطة يمثل هيبة الدولة وسلتطها فاول من يطبق القانون على نفسه هيا الشرطة وبعدها على المواطن ومن لايلتزم بتطبيق القانون يقع تحت سلطة ده اللى اتعلمته ومين سمح للميكروباص بلفوضى والتاكسى بدون نمر والتوك توك بلعبس فى كل مكان فى مصر من المسئول عن فوضى الشارع والتفرقه بين عربية الباشا والبيه والمواطن البسيط نحن نعيش فى دوله يحكمها القانون والمفروض الفانون يطبق على الجميع وسر تقدم اى دوله احترام القانون وتطبيقة على الجميع لكن مايحدث فى مصر الان لايوجد كلمه فى اى لغه ان توصفه يمكن نحن فاشلون فى الفشل وشكرااقتباس:
المشاركة الأصلية كتبت بواسطة samyyousef
مداخلتي تتفق مع ما ذكرته حضرتك...انا لا اختلف معك في ذلك بل هو ذات ما اعنيهاقتباس:
المشاركة الأصلية كتبت بواسطة mohamed desoky
ان محدش بيحاسب حد بالذات في موضوع الحوادث
لا اقصد تبرير لكن الشئ بالشئ يذكر
لاني فهمت من بعض المداخلات ان لو عربية تانية مش عربية شرطة هي اللي عملت الحادثة سيختلف الامر
اشكرك على التواصل
للأسف كنت فاكر إن الناس هتضيف ردودها عن تجربة شخصية أو درايه لكن تم تحويل البوست إلي موضوع سياسي وتحيده عن هدفه
السلام عليكم ورحمة الله وبركاته انا شايف ان القانون فى مصر لايطبق وما يطبق الان هو قانون الغاب البقاء للاقوى بقوته او سلطته اونفوزه كلها اشكال لتطبيق قانون الغاب انا مثال لوحد خبطنى مش هقول عوضى على الله لازم يصلح العربية باى شكل لوحتى اكسر عربيته لان ده الحاصل فى المجتمع المصرى لكن لوعربيه شرطه مش هقدر افتح بقى اليوم السبت 13 2 الساعه 4 شارع احمد عرابى المهندسين تاكسى وعربية ربع نقل السواقين الاتنين مموتين بعض ضرب والناس بتتفرج والشارع كله واقف ربع ساعه والشرطه مش بعيد عند سنترال احمد عرابى خطوات بسيطه ولاحياة لمن تنادى فانا اسئل اين زهبت اخلاق المصريين الطيبه والجدعنه والشهامه انما الاممه الاخلاقه مابقيت فان زهبت اخلاقهم زهبه فنحن المصريين فقدنا كل شئى جميل وفى طريقنا الى المجهول شكرا
اخشى ان تكون مداخلتي ادت الى ذلك...او هي المقصودة...لو توجد امكانية لالغائها لالغيتها...الموضوع ببساطة ان واحد خبط مراية العربية بتاعتي و كلفتني الف جنية و قال لي ملكش عندي حاجة....و لظروف شخصية مكنش عندي وقت اعمل محضر و لم يكن هناك شهود..و لم يكن شرطة و لا غيره...فبعض المداخلات حسستني ان بقية الناس ممكن تاخد حقك منهم...و هو ما جعلني اشارك...اما بالنسبة لسؤال صاحب البوست و لمداخلة حضرتك ...ففي اجابة مباشرة...لا يضيع حق ورائه مطالب...اقتباس:
المشاركة الأصلية كتبت بواسطة anxs111
يعني أنا مقصدش حضرتك بالخصوص ومعرفش إذا كانت مداخلتك هي السبب ولا لأ ، أنا بتكلم عموما عن إتجاه الحوار
تجربه شخصيه ايه طيب الزميل اللى قالك ان ده حصل معاه واتلفقتلوا مش تجربهاقتباس:
المشاركة الأصلية كتبت بواسطة anxs111
معظم الاراء منطقيه انك تعمل من بنها يعني لو حصل معاك كده هتكون مستعد توقف العربيه وتقولوا مش هتمشي من هنا غير لما تيجي الشرطه وتطلب النجده تقولهم ان فيه عربية شرطه خبطتني وانا مثبتهالكم لحد ماتيجو!!!!!!
متوقع يعني وفي ظل الهم اللى احنا فيه انك تاخد حقك من عربيه شرطه خبطتك!!!!!!!!
معذره مش قصدي والله حاجه بس احنا مستنيين حد فدائي زي حضرتك يحصل معاه كده وينقلنا التجربه
اقتباس:
المشاركة الأصلية كتبت بواسطة رامي مصطفى
اقتباس:
المشاركة الأصلية كتبت بواسطة Anxs111
أتعلم تعرض وجهة نظرك بأدب ، بدل منتا بتعترض علي البلطجه وجاي تبجح في الكلام
دي مشكلة ناس كتير علي فكرة ، تلاقي واحد قافش علي وضع معين وهو نفسه جزء من الوضع السيئ دة بس فاكر نفسه بيصلحة
إيه فدائي ، سبنالك أنت البطولة يا عم .
صدقني مش صعبه أبدا أني إثبتك بكلمتين ، بس هي الفكره أنك حتي لو كلامي مش عاجبك أو أنت معترض عليه ترد عليه بإحترام ....
دة أسمه الأدب اللي هو عكس البلطجة .
ثانيا دة منتدي سيارات والبوست مش غرضه الإعتراض علي الشرطة ، بالعكس صاحب الموضوع بيسأل عن حاجة معينا فالمفروض اللي بيرد يا أما واحد حصله موقف يا أما واحد دارس قانون مثلا أو حد مدقدق وفاهم الليله دي كويس فيفيد الناس عشان صاحب الموضوع يعرف يتصرف وأي واحد مهتم بكرايت الموضوع برضه يعرف يتصرف لو حصلة موقف مشابه . لكن اللي حصل إن الحوار قلب بكلام ملوش أي علاقة و في ناس ابتدت تفتي كمان .
الأغرب بأه إن واحد زيك ما إتكلمش في الموضوع ولا مرة من الأصل وأول مداخلة ليه جاي يعلمني البطولة علي أساس إيه بالظبط ، حضرتك نقيب نادي الأبطال ولا مندوب لجنة مكافحة البلطجة .
ركز في الحوار ، يا تقول حاجة مفيدة يا أما تعرض رأيك بأدب .
أتعلم من رد الأخ samyyoussef وشوف رده محترم ازاي دة رغم إنه أصلا واحد مشارك برأيه في الموضوع يعني لو كان في حد ممكن يتعصب كان هو من باب أولي يتعصب لأنه حس إن كلامي عنه بس فهم قصدي ورد عليا بإحترام . لكن أنت داخل الدخله مش فاهم عايز إيه بالظبط وبعدين محاولتش تقرا الحوار كله عشان تفهم الدنيا ماشية ازاي لأنك لو كنت عملت كدة كنت شفت أني موجه نقد للشرطة في المواقف دي بس بناء علي معرفة وإحتكاك سابق بمواقف شبيهة عشان أفيد الناس بدل ما إدخل أقول بوئين ملهمش أي علاقة وأصدع البشر .
يعني ايه تعرض وجهة نظرك بأدب اكيد طبعا قصدك اني مش مؤدب!اقتباس:
المشاركة الأصلية كتبت بواسطة anxs111
مع اني كاتب لك
معلش مش قصدي والله....... في المشاركه بتاعتي!!!!
يعني اي حد بيفهم او بيقرأ التعليق من غير ما يكون حاسس ان الناس بتتريأ عليه يعرف ان المداخله بهزار و للتحسر على الحال اللى احنا وصلنالو مش تريأه عليك يا مؤدب يامحترم
وياريت اي حد في كل المشاركات اللى فاتت لو فهم عكس كده يغلطي وساعتها والله ماعندي اي مشكله من الاعتزار يامؤدب بامحترم
انما الرد يكون زي اسلوبك كده يامؤدب يامحترم!!!!!!!!!
سبنالك الادب يا مؤدب
وآسف لو انت فهمتني غلط مقدما
إستمرارا في السناريو ، إن الواحد يبقي غلطان وحواره بعيد عن الأدب وبعدين لما حد يقوله أتكلم بأدب بدل يراجع نفسه يحاول يلبس اللي أدامه الغلطاقتباس:
المشاركة الأصلية كتبت بواسطة رامي مصطفى
وبعدين يقولك بهزر
أنا بأه يا رامي مكنتش بهزر أنا كنت برد علي كلامك وقلتلك وبقلهالك تاني لما تحب تخش في حوار وترد أبقي حاول تفهم إتجاه الحوار متجيش تخش في موضوع تقرا العنوان وأخر بوستين وترد علي حد معين بالخصوص بطريقة معينة وتقول مش قصدي .... مهو لو مكانش كلامك في غلط أو أنت حاسس أنك ممكن تضايق اللي أدامك بيه مكنتش تقول مش قصدي من الأول كنت قلت كلامك عادي
سيبك من الناس اللي في باقي المشاركات ، محدش فاضي يسمع هزارك وكلامك الغير مفيد اللي دخلت بيه الحوار عشان ترد عليه من الأول وحاول لما تتكلم تبقي فاهم كلامك بدل متقول كنت بهزر
توقيع المؤدب المحترم