والله كنت داخل أقول نفس الكلام
المفروض فعلا الموضوع يتنقل على المنتدى العام .. حتى الإدارة تاخد بالها!!!
...
عرض للطباعة
بسم الله الرحمن الرحيم
الإخوه الأفاضل
هناك فروق بين المنتدى و مجموعة المالكين على الفيسبوك.
1 - فى المنتدى ممكن أن تقرأ رد معارض للسياره . . أما داخل مجموعة المالكين على الفيسبوك فقلما تجد ذلك أو لا تجده بالمره
2 - فى المنتدى تتنوع الآراء بين مؤيد و محايد و معارض . . .أما على الفيسبوك فلا تسمع إلا الإيجابيات فقط حتى أن بعض المجموعات على الفيسبوك تحظر الرأى المعارض أو نشر أى سلبيات
3 - فى المنتدى أحيانآ تقرأ آراء أهل العلم حتى ولو لم يكونوا من ملاك السياره . . أما على الفيسبوك فلا تقرأ إلا تجارب شخصيه للملاك فقط حتى ولو لم يكونوا على علم و درايه
إحقاقآ للحق . . المجموعات على الفيسبوك تنشر تفاصيل دقيقه و مهمه عن السياره لا تجدها فى المنتدى . . و بالتالى هى مهمه لمن يملك السياره بالفعل و ليس لمن هو مقبل على شرائها
هدى الله الجميع لأرشد أمرهم و أقومه
السلام عليكم و رحمة الله و بركاته
هوا الموضع ده ممكن يكون حقيقه لاكن ان شاء الله تكون مؤقته لغياب الناس الخبره وانشغالهم اما بالحياه او بجروبات الفيس
سيظل المنتدى هنا البيت الكبير الذى ضم وسيضم أكثر الناس احتراماً وعلماً وحياديه
مواضيعه المؤرشفه لا يضاهيها اى جروب على الفيس وانا احد مؤسسى احد الجروبات على الفيس فى مجال السيات وعارف الكلام ده
اعتقد القسم هنا فى سيات وفى اقسام المنتدى عامة غطى قدر كبييير جدا من المعلومات تجعلك لاتحتاج لأستشارة احد ألا قليل جدا العبره هنا بالبحث عنها فقط سواء عبر جوجل او من داخل المنتدى نفسه
أعتقد ان التصفح عبر الموبيل السهل والواضح للصفح علاوة على ان صاحب الاستشاره يريد الاجابه مباشره له دون تعب وبحث عنها والتحدث مباشرة وبسرعه هوا ما انجح جروبات الفيس
لاكن لن تجد أرشفه قويه تلجأ أليها عند الحاجه لك ولغيرك مثل ما هوا موجود فى منتدى نيل موتورز ولن تجد دقة المعلومه الفنيه الاقليل فى جروبات الفيس مقارنة بالمنتدى فكل من هب ودب عمله جروب عن سياره يملكها ولا يعرف فنيات عنها ألا قليل
هنا ضم المنتدى خبراااء بمعنى الكلمه يعرفون الصالح من المعلومه العلميه علاوة على حسن السلوك الشخصى وأمانة المعلومه الموجه لوجه لله تعالى
السلام عليكم و رحمة الله و بركاته
انا عارف اني منقطع انقطاع شديد جدا لكن الظروف هي الي بتحكم من مشاكل البيت للشغل
و حتى انا مقصر جدا مع المنتدى لكن سبحان الله احتجت ادخل المنتدى النهارده جدا و قلت اول ما ادخل اشوف اخبار الجروب ايه
و سبحان الله اللي حسبته لقيته و لقيت الموضوع ده معمول زي ما فكرت و انا بكتب الباسورد بتاعي اني اكيد هدخل الاقي رسالة و او اتنين خاص غير اني هلاقي ناس كاتبه تعليق او تظلم من الجروب اللي خف شغله
مش معنى ان الناس القديمة مشيت يبقا خلاص كدا المنتدى وقف نشاطه ، و مش معنى ان الناس القديمة اللي عندها خبرة و فاهمة ان الناس الجديدة مالهاش لزمة
اساسا مين قال ان الناس القديمة فاهمة و عارفه كل حاجه ؟؟؟؟؟
انا بحب جدا الحكمة اللي بتقول (((( العلم بالتعلم .. و الحلم بالتحلم )))) يعني اللي عاوز يتعلم حاجه لازم روح يتعلمها و يستمر في تعليمها .. لان ببساطه شديدة جدا و هتكلم على نفسي شخصيا انا لسه لحد دلوقتي بتعلم ، و طبعا كل اصدقائي القدام عارفين مواضيعي بجبها منين و بكتبها بناء على ايه
انا اتعلمت داخل توكيلات و طبعا توكيلات بره مصر و لسه لحد دلوقتي بكتسب علم من الماهرين اللي جوه سيات و اودي و كمان بروح ورش مخصوصه التوكيلات بتتعامل معاها زي اودي و سيات
لحد النهاردة و الى اخر نفس هفضل اتعلم
المفروض الشباب الجديد يروح يتعلم و يجي هنا البيت الكبير كما قال مهندس حسام يعلم الناس اللي هتيجي بعده و يفيدهم بخبرته و بمجهوده
مافيش حاجه اسمها الناس القديمة مشيت .. في حاجه اسمها مجهود ناس جديده هتيجي
مهو الناس القديمة دي كانت زمان ناس جديدة ابيض ياورد
انا لما جيت القسم هنا كنت ابيض .. و فاكر اول سؤال سالته هنا في المنتى و كان ازاي اظبط ساعه الداش بورد في السيات
و ساعتها رد عليا المهندس ايهاب ربنا يمسيه بالخير يارب . و ياما قلتله ان نفسي اكون و نفسي اعمل و نفسي و بصراحة الراجل ساعدني و اداني كل ما عنده من معلومات و مواقع و اداني افكار و ادني دفعه خلتني الان بفضل الله تعالى اولاً و بمساعدته و مجهوده معايا بقيت حاجه تانية خاااااااص
بشكره جدا و له خالص التقدير و الاحترام
طبعا باقي اصحابي زي الاستاذ محمد سيد و الاستاذ كريم ابيزا و الاستاذ حسام الصادق و لي اصدقاء تاني كتير عندهم من العلم و الخبرة ماشاء الله و كان ليهم دورررر كبير جدا لا يقل عن دور الاستاذ ايهاب
ناس كلها محترمه جدا و خلوقه و استحملوا عصيبيتي و طريقتي و اسلوبي و هما متفهمين انه ده طبعي
الناس دي كلها قديمه و خبره فعلا لكن مش نقطه و من اول السطر
لسه السطر نهايته ما جاتش و لا هتيجي
بلاش ياس و اللي مش قادر على المشاركه الافضل يمشي علشان ما يحبطش باقي الناس
ان شاء الله انا هحاول بين وقت لاخر ادخل المنتدى و ارد على المشاكل الميكانيكية و الكهربية و المشاكل الفنية بردوا ... لكن انا اسف انا مش هرد على كل ما يخص الكماليات و التجارب و مشاكل الخارجية للسيارة
انا حابب ارد فقط على مشاكل ميكانيكية اكتر و متعلقاتها زي البرمجه و الكهربا و التعديلات الجوهرية في المكاين
شغل ميكانيكا بحت
تحياتي
السلام عليكم
مشكلتنا مش ان الناس القديمه سابت المنتدى والناس الجديده خبرتها قليله او العكس
اخواناالقدام والجداد كلهم خبره واكيد فيه ناس جديده خبرتها اكبر من الاعضاء القدام والعكس
مشكلتنا عدم تفاعل الاعضاء سواء القديمه او الجديده
واخويا اللى بيقول انه بيكتب مشكله يجيلوا الرد بعد يومين والله انا بكتب المشكله في منتدى الدايهاتسوا ما بيجبش الرد اصلا او بعد شهور
طيب ايه الحل
في البداية أحب أشكر الأستاذ صاحب الموضوع وكل اللي شارك في الموضوع
لأن دة وان دل فأنما يدل علي خوفكم علي المنتدي وتقديركم ليه
فعلا المنتدي المشاركة عليه قلت جداً والتفاعل عليه بقي أقل - بس دة مش عشان حاجة اكتر من ان الناس بقت مستعجلة علي الردود ودة اللي بيقدمه الفيس بوك والواتس اب بكل سهولة عن طريق الـNotification اللي بتجيلك بمجرد ماينزل بوست او كومنت في الجروب اللي انت مشترك فيه او عن طريق الـmention او التاج اللي ممكن يعملهولك حد
ودة ناقشناه كتير جداً مع فريق الدعم الفني للمنتدي في أمكانية ادخال خواص زي المينشن او التاج او حتي الأشعارات تجيلك بشكل اسهل بالموضوعات الجديدة لأن الأشعارات مقتصرة فقط علي الموضوعات اللي انت مشترك فيها فقط لكن الموضوعات الجديدة مالهاش اشعارات
وكان الرد ان الخواص دي متوفره في الفيس بوك وغير متاحة في المنتديات بكل اشكالها وانواعها
لكن اللي نقدر نعمله احنا كأعضاء قبل مانكون منسقين او مشرفين اننا ننشر الوعي والفكر بتاعنا اللي موجود في المنتدي علي صفحات وجروبات الفيس بوك والحمدلله ان الأوبشن دة موجود هنا وهو النشر او ما يسمي LinkBack
مميزات الفيس بوك انتم قولتوها وكمان مميزات المنتدي
بس انا احب كمان اضيف بعض الميزات للمنتدي وعيوب للفيسبوك
1- التنسيق في المنتدي اللي مش موجود في الفيس بوك
تنسيق من حيث
- تغيير حجم ولون الخط واللي تقدر تعمله حتي لكلمة في نص الفقرة
- أضافة صورة داخل سياق النص وليس في نهاية البوست زي الفيس بوك
- الأرشفة في جوجل وظهور نتائج بحث بدقة
عموماً اوعدكم ان شاء الله بموضوع تحفة جداً هيعجبكم ان شاء الله بحضرله وهنزله خلال اليومين الجايين دوول بس للأسف مش هنزله هنا في قسم سيات لأنه عام شوية اكتر من كونه متخصص لماركة بعينها
كل الشكر والتقدير لكل من شارك في الموضوع
تحياتي للجميع
البدايه في وقع المنتدي السياسة والاخوان كانو في القسم الاجتماعي كتير وبسبب السياسة ناس كتير مهمه في المنتدي اتوقفت وطبعا مش هقول اسامي وكله بقي يروح علي الفيس
سيبكم انتم .. انتو وحشتونى يا سيتاويه