الموضوع: هل السى اليزيه صينى ؟؟

كتب Islam Mohamed‎




دلوقتى فى ناس بتسأل سؤال مهم هل السى اليزيه صينى ؟ ... لع
طب ليه هى زى ال 301 ؟
طب مين فيهم اللى تقليد للاولى ������ طب ليه ؟العربية جواها قطع من المغرب و الصين و ألمانيا ؟مش من بلد واحدة يعنى ؟ ������
الإجابة : ������
نرجع بالتاريخ لورا شويتين تلاتة كدا لحد الفين و تلاتة ������ لما شركة ستروين قالت احنا نعمل عربية شعبية ( فئة السيدان الصغير ) نبيعها ف الصين و نسميها Elysèe ������������ المهم بقا العربية سمعت و عملت شغل حلو راحت PSA قالت و مالو منعمل عربية شعبية تانية بس نبيعها للعالم كله و ما اخبيش عليكو راحت عاملة عربيتين واحدة اسمها peugeot 301 و التانية سمتها citroën c-elysèe و بعد ما قعدو يجربو العربية دى فى كل حتة ف الدنيا راحو منزلينهالنا ف مصر
اللى خلاهم يجربوها عند طوب الارض هو انهم عايزينها تبقى مناسبة لكل بلد عشان محدش ميشتريهاش ������ شغل فرنسويين بقا
طب ليه الشركة نزلت العربية دى بشكلين ؟
تعجبنى بأسلتك الحلوة ������������������ بص يا معلم هنا كدا بيستفيدوا من ال brand اللى بتبيع فى اى بلد يعنى مثلا ف مصر البيجو بتبيع و مشهورة بس فى الصين ا لستروين هى اللى عاملة شغل اكتر من البيجو ������ زى مثلا ما الاوبترا اسمها فى مصر شفروليه اوبترا و فى كوريا اسمها Daewoo Nubira cdx شغل تجار ������
طب حوار التقليد و انهم زى بعض ايه نظامه ؟
مبدأيا كل حاجة فى العربيتين زى بعض عدا...
الكبوت وغطا الشنطة و الكشافات و الرفارف و الاكصدامات غير كده الاتنين توأم
طيب لما حد بيزعل و يقولك يا عم دى جواها قطع صينى و بلابلابلا تقوله ايه ؟؟؟؟؟!
نقوله يا عزيزى الشركات الكبيرة بتعمل كده عادى يعنى المهم المواصفات القياسية هى اللى بتفصل ما بين الشركة هتركب القطعة دى عندها ف عربيتها ولا لع ������ يعنى عندك مثلا ال BMWاللى بتتعمل عندنا ف مصر ضفيرتها بتاعت الكهرباء معمولة ف مصر... عادى خالص المهم هو المواصفات القياسية ������������
طيب مين الأحسن الصينى ولا الاسبانى ؟!!
اقولك يا عزيزى على حسب السوق اللى العربية نزلاله يعنى مثلا عارفين ان روسيا بلد تلجججج فبيصدرولها عربيات تكون معزولة اكتر من حبيبتتا
عارفين ان المصرين بيمشوا على مهلهم فمش بيحطولنا esp عشان كمان متبقاش غالية علينا
طيب ياعم دا الصينى خفيف و بتاع و كلام نعناع ������������������لا خالص شركة ستروين بتحط ستاندرد لشغلها يعنى سماكة معينة للصاج مثلا مواصفات محددة للشاسيه خصائص محددة للعربية .. تلتزم بيها ف اى مصنع مش جيلى هيا يعنى������
طيب هى ليه PSA بتصنع ف الصين هى غاوية وجع قلب يعنى ������������ متصدرلهم من فرنسا و لا حتا من vigo اللى ف اسبانيا ؟؟
احب اقولك هما بيعملو كدا عشان مش غاويين وجع قلب ������������ ازاى ؟؟
اقولك عشان هما لو عملوها ف اوروبا هيبعتوها ف سفن و تكلف عليهم مصاريف شحن دا غير ان العامل فى اوروبا مرتبه عالى فده هيفلى سعر العربوية ( بصوت على ربيع ) لكن لما يعملوها فى الصين العمال هناك غلابة و بيرضوا بقليله فهتبقى رخيصة وتبييييع ������������
طب فاضل ايه تانى مقولناهوش ؟
اجولك شركة psa عاملة ف الصين تحالف مع شركتين اسم ال 2 jointventures دول :
CAPSA =Changan Peugeot مساهمة Automobile
DPCA = Dongfeng Peugeot Citroën Automotive
‫#‏ادعولى