الاخوه الافاضل
كنت عايز اعرف افضل مكان اركب فيه كاميرا خلفيه
والاسعار
وشاشه مكان الكاسيت
وهل كده هاستغني عن الكاسيت
لاءني ماعرفش فيهم نهائي
وازي بيتعرض افلام عليها
يعني عايز اعرف التفاصيل
كل حاجه
عرض للطباعة
الاخوه الافاضل
كنت عايز اعرف افضل مكان اركب فيه كاميرا خلفيه
والاسعار
وشاشه مكان الكاسيت
وهل كده هاستغني عن الكاسيت
لاءني ماعرفش فيهم نهائي
وازي بيتعرض افلام عليها
يعني عايز اعرف التفاصيل
كل حاجه
الاخ العزيز هوجان
اهتمامى بالموضوع ده موش كامل يعنى 80% او 90% .. و سأعطيك بعض المعلومات الهامه
كنت عايز اعرف افضل مكان اركب فيه كاميرا خلفيه
- عاده لو حتركب كاميرا عاديه بتتثبت مخفيه .. بجوار نور اضاءه نمره العربيه الخلفىه .. موش باينه .. ده هو الطبيعى لتركيب الكاميرا
- فيه كاميرات خاصه بتركب على نمره العربيه .. بس دى ظاهره .. طبعا تتسرق فى بوم
- و فيه كاميرا بتكون الكاميرا برواز كامل تتحط فيه النمره .. بس دى ظاهره .. طبعا تتسرق فى بوم
- و فيه كاميرات عباره عن مسمار ربط لنمره العربيه وراس المسمار هى الكاميرا .. علشان ما تتسرقشى ..
وشاشه مكان الكاسيت .. وهل كده هاستغني عن الكاسيت
وازي بيتعرض افلام عليها
- بالنسبه للشاشه داخل السياره ممكن 3 حاجات
1- شاشه مربعه بتحطها على التابلوه من فوق و بتفتح و تقفل .. بس دى عيبها ان الفلاته بتاعتها ممكن تبوظ حسب كلام الكهربائى .. و دى شاشه منفصله للكاميرا فقط و الكاسيت يفضل زى ما هو .. النوع ده ما عرفشى ان كان فيه منه انواع تدعم هذه الخاصيه ممكن تعرض عليه حاجه ام لا .. عموما لا اعتقد و كمان الشاشه بتكون صغيره 4 بوصه مثلا زى التليفونات
2- مرايه خلفيه بتركب فوق مرايه العربيه الاصليه .. و عند الرجوع مارشيدير هى بتنور و تبقى شاشه .. و النوع ده اعتقد ممكن لو غالى يكون فيه مخرج USB و تعرض عليه افلام .. و دى شاشه منفصله للكاميرا فقط و الكاسيت يفضل زى ما هو.. الشاشه بتكون صغيره 4 بوصه اواكبر قليلا مثلا زى التليفونات
3- كاسيت يشاشه و فيه فتحه USB للفلاشه علشان عرض الافلام على الكاسيت .. و شرط يكون فيه مخرج للكاميرا فى ظهر الكاسيت و بتتوصل عليه الكاميرا .. و هنا الكاسيت حيشتغل و عند الرجوع يصبح شاشه عرض للكاميرا الخلفيه.. الشاشه بتكون صغيره 6 او 7 او 8 بوصه .. دى بترجع للمكان المتاح فى عربيتك و اعتقد التيجو تأخذ 7 او 8 بوصه .. طبعا الكاسيت غالى و بيكون فيه منه عادى او اندرويد .. و اهم حاجه تتاكد انه بيعرض MP4 و الا يبقى زى قلته
لاءني ماعرفش فيهم نهائي .. يعني عايز اعرف التفاصيل كل حاجه
نيجى بقى لاختيار الكاميرات
- منها نوعين من حيث التوصيل .. نوع بيوصل عادى باسلاك .. و نوع اتصاله عن طريق ال WiFi بدون اسلاك و فرق السعر موش كبير
- من حيث زاويا الرؤيه .. تشوف اللى زاويتها واسعه .. بتوصل ل 170 درجه علشان تكشف الجنبين .. و فيه كاميرات بتلف 360 درجه
- من حيث الوضوح .. فيه كاميرات بيكون معاها فلاشات نور بتنور عند شغل الكاميرا .. و الافضل منها بتكون رؤيه ليليه Night Vision يعنى بتشوف طبيعى فى الظلام بوضوح بدون اضاءه ..
- و طبعا فى منها مقاوم للضباب و المياه و الرمال و فيه HD
كل حاجه بسعرها طبعا
- نيجى بقى لو انت عايز تركب كاميرا خلفيه و اخرى اماميه و الاثنين يشتغلوا اتوماتيك على نفس الشاشه بدون تدخل منك .. فى الحاله دى بتركب سويتش خاص بيوصل عليه الكاميرتين و ينقل الرؤيه على الكاميرا المناسبه حسب نقله الفتيس
الاسعار
الاسعار .. فى مصر معرفشى .. بس الفروقات موش كبيره اعتقد
- فيه حاجات رخيصه من كل نوع 20 او 30 دولار .. و فيه حاجات غاليه جدا مكن 100 و 150 دولار حسب الماركه
- كاميرات بتكون من 15 دولار كاميرا بس بدون شاشه .. الى 30 و دى ممكن تكون كاميرا بس بدون شاشه او معاها شاشه .. حسب جوده الماركه اللى انت مختارها .. وطبعا فى انواع غاليه جدا
- كاميرات من 40 الى 60 دولار .. دى كاميرا ممكن يكون معاها الشاشه الداخليه .. غالبا بتكون معاها الشاشه حسب جوده الماركه اللى انت مختارها .. و كمان بتكون WiFi بدون توصيلات اسلاك .. وطبعا فى انواع غاليه جدا
- السويتش علشان تركب كاميراتين ورا و قدام بيكون غالى يعنى ممكن 60 دولار الى 80 الى 100.. ملوش لازمه
- المرايه اللى بتركب فوق مرايه الصالون .. الاسعار حسب النوع و الجوده و الامكانيات الموجوده فيها .. لن تقل عن 50 دولار الى ممكن لغايه 100 دولار .. لو نوع بس للكاميرا اعتقد ممكن 30 او 40 دولار
جميع الاسعار تقريبيه من الذاكره .. و لكن علشان تعطى انطباع عام ليك
تحياتى و اعزازى
اهم حاجه و انت بتشترى حاجه لعرض الافلام كاسيت او غيره
.. لازم لازم لازم تتاكد انها بتعرض mp4
.. و طبعا DVD موش CD
و متخليهوش يتوهك فى الكلام .. لازم تقرأ كلمه mp4 فى الامتددات المدعومه للفيديو .. لو موش وجوده يبقى ما يلزمكشى و الافضل كمان تكون بتدعم mkv .. هى دى الامتدادات الاساسيه الموجوده بكثره الان لاى فيديو يكون عندك
- فيه انواع الشاشه ثابته مفتوحه على طول .. بس شكلها خيبقى يضايق اللى سايق انها مفتوحه على طولاقتباس:
وشاشه مكان الكاسيت .. وهل كده هاستغني عن الكاسيت
وازي بيتعرض افلام عليها
- بالنسبه للشاشه داخل السياره ممكن 3 حاجات
1- شاشه مربعه بتحطها على التابلوه من فوق و بتفتح و تقفل .. بس دى عيبها ان الفلاته بتاعتها ممكن تبوظ حسب كلام الكهربائى
- حاجه اضافيه .. فى كاميرات بشاشه بيكون فيها ميزه اضافيه و هى عرض المسافات فى الشاشه سواء للشاشه المنفصله او للمرايه .. و فى برضه كاميرات بشاشه بيكون فيها انذار صوتى بنفس طريقه السنسور سواء للشاشه المنفصله او للمرايه
- حاجه اضافيه .. الكاميرا لا تغنى عن استعمال السنسور و العكس ايضا صحيح
كاميرا على نمره العربيه
https://www.youtube.com/watch?v=obaiHn8U2Jg
كاميرا ويرلس
https://www.youtube.com/watch?v=qbQDylHVwkI
مرايه اندرويد
https://www.youtube.com/watch?v=mQOFZWrqTOE
مرايه يو اس بى 7 بوصه
https://www.youtube.com/watch?v=lJFEoc-TE7Q
https://www.youtube.com/watch?v=C9t6sevXLT4
نوع العربيه ايه و موديل السنه ؟؟
,تيجو ٢٠١٣اقتباس:
المشاركة الأصلية كتبت بواسطة walid hosny
في نوع ممتاز جدا ماركة زينيت معاه الكاميرا الخلفيه هديه شاشه تاتش بيدعم الانترنت عن طريق اليو اس بي موديم بيشغل جميع انواع اكستنشين الافلام كل حاجه ده ثمنه شامل مصاريف الشحن حوالي 240$ استيراد جديد بالكرتونه. ٢٤٠*٨ = ١٩٢٠ + ٣٪ مصاريف تحويل = ١٩٧٧.٥ + حوالي ٥٠٠
جمرك وضرائب الاجمالي ٢٤٧٧. يوصل البيت عندك كمان ١٠
ايام
للاسف مجموعة الصور صعب جدا عرضها هنا لو عندك email ممكن ابعتلك صور الجهاز و المرفقات المجانيه مع توضيح طريقة الشراء
و طبعا الجهاز فيه جي بي اس معاه هديه اس دي كارد ٨
جيجا فيه كل انواع الخرائط الملاحيه معاه كل كابلات التوصيل و اريال توصيل الجي بي اس بالاقمار الصناعيه .
مشكلة الشاشات ديه
انها بتشجع الحرامية انهم يكسروا الزجاج علشان يخطفوها ويجروا
وبتحصل كتير جدا
الف شكر علي التوضيح الممتازاقتباس:
المشاركة الأصلية كتبت بواسطة tasaka
ابني الكبير عايز يركبهااقتباس:
المشاركة الأصلية كتبت بواسطة elawany13
انا مش غاوي الكلام ده
اخر ي الراديو واذاعه الاغاني
مفيش اكتر من كده
ممكن اعرف لو الكاميرا مكتوب عليهاhd دي معناها رويه ليليه لان البايع قد يقنعني بكده وانا مش مقتنع
الرؤيه اللييليه .. لازم يكون مكتوب فى بيان امكانياتها night Vision او شيئ بهذا المعنىاقتباس:
المشاركة الأصلية كتبت بواسطة Eng/i
ال HD ده صوره عاليه الجوده فقط لا غير .. يعنى الكاميرا دقتها اعلى شويه للصوره
شكرا لاهتمامكاقتباس:
المشاركة الأصلية كتبت بواسطة tasaka
طبعا بيبقي في كاميرات مضاده للمياه ولا كلهم بيبقي فيهم الخاصيه دي
اقرأ الرد رقم 2 فى الموضوع حتلاقى معلومات كتيره لانه رد مطول جدااقتباس:
المشاركة الأصلية كتبت بواسطة Eng/i
http://www.nilemotors.net/Nile/48388...post3876053257
و ده اقتباس من الرد رقم 2
- من حيث الوضوح .. فيه كاميرات بيكون معاها فلاشات نور بتنور عند شغل الكاميرا .. و الافضل منها بتكون رؤيه ليليه Night Vision يعنى بتشوف طبيعى فى الظلام بوضوح بدون اضاءه ..
- و طبعا فى منها مقاوم للضباب و المياه و الرمال و فيه HD
كل حاجه بسعرها طبعا
طبعا مقاومه الميه هنا يعنى امطار الشتاء .. الماء الموجود على الاسفلت .. حاجات زى كده .. ( موش للغطس يعنى )