السلام عليكم
اليوم اشتريت من بائع الزيوت الالمانية زيت لتنظيف المحرك واخبرني انه يترك المحرك شغال من دون حمل مع هذا الزيت لمدة 15 دقيقة ثم يتم استبداله بزيت محرك .. لكن العامل الذي قام بتبديل الزيوت قام بركوب السيارة وتحريكها لمسافة 40 متر تقريبا اثناء احتوائها على زيت الفلاش ! لم يتركها في مكانها .. وبعد ذلك استبدل زيت الفلاش بزيت محرك ..هل هنالك لضرار قد تحدث جراء مافعله العامل من تحريك السيارة اثناء الفلاش؟
لا يوجد مشكلة
من قلبي لك الشكر الجزيل على ردك وتفاعلك الرائع معي
عادي
15 دقيقه مش كتير جدا
خطا.... لاني قرات تعليمات علي العبوة يترك ولا تتحرك بالسيارة...واظن ان حيستهلك الاجزاء الداخلية لان اا friction. لايوجد تزييت
المسافة بسيطة وباذن الله مش هياثر على حاجة
ايه زيت الفلاش ده؟
اقتباس:
المشاركة الأصلية كتبت بواسطة أبو معاذ5
زيت الفلش أو Flush Oil هو أحد الزيوت اللي بتستخدم لعلاج بعض المشاكل في الموتور..
الزيت ده عبارة عن زيت خفيف وعليه مواد مذيبة ومواد تنظيف (غالبا بتبقى مواد معدنية) علشان تشيل الرواسب اللي جوه الموتور خلال المدة اللي فاتت من خدمته.
ليه بنشيل الرواسب؟؟؟
لإن الرواسب دي ممكن تعمل طبقة عازلة بين الزيت والأجزاء اللي المفروض يوصلها الزيت.. وأحيانا ممكن تزود من المقاومة على حركة الموتور.. والمقاومة دي معناها سحب أضعف واستهلاك بنزين أكتر.
بعض الناس بتعتبر تكون الرواسب بنسبة بسيطة شيء مفيد لإنها بتساعد على سد مناطق التسريب في الجوانات والأويلسيلات وكمان من جنب البساتم.
طيب .. هل الأفضل نستخدم زيت الفلش بشكل دوري ولا في حالات معينة؟؟
لو حضرتك بتغير الزيت في مواعيده.. فاستخدام الـEngine Flush ضرره أكتر كتير من نفعه.
الفلش بيستخدم لإزالة الرواسب من المواتير اللي حصل فيها تكون لرواسب طينية (Sludge) ..
حاجة زي كده:
http://carspecmn.com/wp-content/uplo.../1mzsludge.jpg
http://blog.1aauto.com/wp-content/up...2/sludge_4.jpg
http://www.alliedoil.com/wp-content/...oil-sludge.jpg
ودي غالبا بتحصل مع الناس اللي بتسيب الزيت في الموتور وما بتغيروش.. (بعض الناس في أمريكا مش بتغير زيت.. يادوب بيزودوا اللي بينقص وخلاص.. دي أكتر ناس بيحصل معاها المشاكل دي).
استخدام زيت الفلش في فترات متقاربة بيبقى عامل زي اللي بينظف سطح لامع بليفة خشنة... بينظف آه بس بيسيب السطح نفسه مخربش أو مصنفر...
ولو استخدمت زيت الفلش بشكل متكرر فانت كده بتهلك الموتور.. لإن زيت الفلش بيزود الخلوص ويخشن الأسطح المتلامسة... يفرق إيه كده موتورك عن موتور ماشي 500 ألف ولا أكتر؟؟؟
ده غير إن بعض المواتير بتحوش جزء من الزيت القديم اللي فيها بسبب إن فيه أماكن الزيت بيركن فيها حتى بعد تصفية الزيت بالكامل.. ولما تحط زيت الفلش وتصفيه ممكن قوي يفضل منه شوية تقعد معاك لحد تغيير الزيت اللي بعده.
عموما.. تقدر تعرف لو موتورك محتاج فلش ولا لأ بمجرد النظر...
افتح غطا تزويد الزيت وبص على الأجزاء الداخلية اللي تقدر تشوفها.. لو لقيت منظر زي ده... تبقى محتاج فلش
http://cdn2.hubspot.net/hub/68152/fi...es/sludge2.jpg
أو ببساطة روح لأي ميكانيكي وخليه يشيل غطا التاكيهات..
لو موتورك شكله كده... يبقى موتورك زي الفل ومش محتاج أي حاجة:
http://4.bp.blogspot.com/-DIIdbHWOjD...gine-large.jpg
أو كده
http://www.tedsoil.com/images/AMSOIL...m_Jan_2005.jpg
أو حتى كده
https://encrypted-tbn2.gstatic.com/i...Q-1MnaeH9qVlq5
ده الفرق باختصار:
http://www.samarins.com/maintenance/...ine-sludge.jpg
من الآخر... بلاش منه إلا لو احتجته زي الحالات اللي في الصور.
...
ربنا يكرمك ويجزيك كل خيراقتباس:
المشاركة الأصلية كتبت بواسطة borio1704
متشكر جداً على الرد المتكلف ده
بارك الله فيك وتقبل منا ومنكم صالح العمل
كفيت و وفيتاقتباس:
المشاركة الأصلية كتبت بواسطة أبو معاذ5