السيراتو وحيرة ما قبل الشراء

**naguib2005** · 25-11-2008 08:38 PM

انا اسف يا جماعةبس برضه دول 97 الف فلازم اسال كتير
هوه السيراتو ال lx ستيبترونيك و لا لا و يعنى ايه بالتفصيل لمن يعلم
تانى حاجة هل لو توقف انتاج السيراتو قطع غيارها هتقف و هاندوخ عليها زى الفورد مونديو و لا لا
و هل العربية سهلة البيع و لا مش بياعة ارجو الرد و بسرعة
انا سالت هنا فى المنصورة عند عيسى قاللى ان هما عملو مركز صيانة خاص بيها و مفيش مشاكل من قطع الغيار بس الهواجس اللى عندى دى انساها و لا لا

**ahmed_su** · 26-11-2008 11:29 AM

هوه السيراتو ال lx ستيبترونيك و لا لا و يعنى ايه بالتفصيل لمن يعلم

السيراتو اللى بـ97 الف هى اول فئة فى الاتوماتيك (ستيبترونيك) وهو يعنى يمكنك قيادة السيارة اتوماتيك او مادرج عليه الاصطلاح مانويل يعنى تقدر تتحكم فى النقلات ما بين الـ4 سرعات بنفسك سواء بالزيادة او بالنقصان بوضع زراع الفتيس فى الخانة (+/-)

تانى حاجة هل لو توقف انتاج السيراتو قطع غيارها هتقف و هاندوخ عليها زى الفورد مونديو و لا لا

الموضوع ده محدش يعرف يديك فيه اجابة قاطعة بس كما هو معلوم ان اى منتج بيغطى قطع الغيار لموديل معين لفترة محدودة من السنين والعربية انتشارها محدود فاكيد مش هيبقى توفر قطع الغيار زى اى عربية منتشرة

و هل العربية سهلة البيع و لا مش بياعة ارجو الرد و بسرعة

العربية ممتازة وكويسة بس سعر اعادة البيع بيعتمد على نظرة الناس فى السوق المصرى.. والعربية مش مسمعة مع الناس زى التيوتا واللانسر على سبيل المثال فبالتالى اكيد سعر اعادة البيع مش هيكون اللى هو .

**youssefmustang** · 28-11-2008 09:18 AM

وجهة نظر من واحد خبير بيتكلم عن ثقافة المصريين مع السيارات فى حالة اعادة البيع والله بكلمو عن الكيا سيراتو وعن مميزاتها وعن احترام وامانة التوكيل قالى انت لو حتجيب حاجة ليك يبقى هاتها انما لو حتجيب وتغير بعد فترة لازم تشوف انهى عربية اللى متداولة فى السوق زى اولا الهيونداى والانسر و الشاهين لان دول من السهل تبيعهم وانت مستريح لكن الكيا محدش واخد عليها او بمعنى اصح محدش سمع عنها زى الهيونداى فا هتبقى صعبة فى عملية اعادة البيع....
والله انا من اشد المعجبين باكيا عامة وباحترمها جدا لانها كانت معانا من فترة
والله المستعان
اخوك يوسف

**abouwesam** · 29-11-2008 03:16 PM

أحب أبارك لك أنك تشترى عربية كيا سيراتو و أحب أقول لك الأتى:
أنا أشتريت كيا سيراتو أتوماتيك من 4 شهور بعد لما بعت الكيا سبكتراو يعنى أنا باحب الكيا و شايف انها عربية ممتازة.
لكن العربية اللى انا اشتريتها فيها عيب واضح و هو ان الأمامية اليمنى بتخبط الصبح مع اول حركة و الصوت بيقل بعد كدة و رحت الصيانة اكتر من 4 مرات بدون فايدة معاهم.
,انصحك بالأتى :
1-الكيا عربية ممتازة ميكانيكيا و اختيار ممتاز.
2-جرب العربية اللى حاتخدها, مش واحدة تانية, بنفسك قبل ما تدفع فلوس خالص.
3- الأحسن انك تأخد العربية من التوكيل فى أبو راواش و بلاش من محمد زكى لأنة طلع روحى لغاية لما جابلى دفتر الصيانة.
4- فى أبو راواش قول لهم أنك عاوز تجلرب العربية علشان انا قولت لك على اللى حصل معايا و ممكن تتكلم مع المهندس\ خالد مدير الصيانة أو المهندس\ صلاح مدير خدمة العملاء و قول لهم الكيا السيراتو السوداء بتاعة المهندس طارق.
ربنا يوفقك و انا فى الخدمة أى وقت.
مهندس\ طارق الغرورى