للاسف ما ينفعش لانى غيرت معالم الشقه لمحلين ومخزن
عرض للطباعة
يافندم حضرتك اكثر دراية بالشارع والمنطقة وايه النشاط اللي يمشي فيها او النشاط الغير موجود
عموما محلات الاكل مش بتخسر ههههههههه
لكن نشاط جنب البويات ماينفعش غير الحدايد والديكور
لا حضرتك انا قصدى ان عندى محل تانى جمب محل البويات وعايزه افكار افتحه ايه فى منطقه بالمواصفات دى وانا فكرت فعلا افتح محل فول وطعميه وقلت الناس بتروح للمحلات دى وخصوصا انى عايزه اعمله نضيف وشيك والعماله تكون مميزه فايه رايكم وحد عارف ميزانيه للمشروع ده ومرتبات العماله وشكرا
ممكن تستخدميهم كمشغل تفصيل يعنى بشويه مكن مع معرفه تفاصيل التصريف للبضاعه
انا مستنيه افكار اخرى
مطعم فول و طعمية و شوارما و كشرى
يعني انا شايف بالمواصفات اللي انتي قولتيها دي هيكون كويس لو فتحتي مشروع يخدم علي اهل المنطقه اللي فيها المحل ممكن علي سبيل المثال كوافير رجالي او حريمي ممكن محل عطاره ممكن زي ما قولي محل فول وطعميه ممكن محل بقاله وكروت شحن واكسسوارات المحمول ممكن محل لبس للاطفال او حريمي او رجالي ممكن مكتبه كراريس واقلام وتصوير وكدا ممكن محل بلاي ستيشن ممكن محل البان وجبن وممكن مقله لب وسوداني ممكن تبقي مكتبه ومقله وكروت شحن واكسسوارات موبيل في محل واحد واعتقد ان اقلهم تكلفه ومكسب كويس هو الكوافير الرجالي
هو انتي لو هتأجري عامتا والإيجار هيكون في حدود 1200 في الشهر انا شايف دا هيكون كويس ايا كان هتأجريه لأيه لأن دا في الغالب بيكون متوسط دخل اي مشروع تجار صغر بعد خصم الرواتب والمصاريف. عامتا انتي ممكن تأجريه كوافير وممكن انتي تجيبي حد يشتغل عندك ايا كان لو انا هعمل المشروع دا لازم هتعرف علي ناس شغالين في نفس المجال واعرف منهم اكبر كم من المعلومات اللي علي اساسها احدد انا هعمل ايه. انتي كمان ممكن تفتحي كوافير حريمي وتكوني مسؤوله عنه بس انا قولتلك رجالي لأنك مش هتحتاجي غير كرسي حلاقه ومرايتين كبار وعده حلاقه وشويه كريمات وحاجات كدا موضوع انك تأجريه او تكوني مسؤوله او حد يشاركك دي ترجعلك انتي بعد تدرسي الفكره الكويس