أعراض جديدة لضبط فيشة الأوكتان أرجو الرد

**fathiazab** · 11-02-2016 04:06 AM

في البداية أود ان أقدم الشكر لكل أعضاء المنتدى الكرام لما وجدته من حسن المعاملة وسرعة الاستجابة ومشاعر الاخوة والادب واللياقة اخص بالشكر خبراء اللانوس الاستاذ العبقري عصام غنايم والاستاذ محمد ممدوح والاستاذ طارق والاستاذ ظريف ومتأسف لو فيه حد انا مش عارفه فقال النبي صلى الله عليه وسلم : لم يشكر الله من لم يشكر الناس... وهؤلاء الناس أصحاب فضل فأنا احب هذا الجمع الكريم جدا وأسأل الله سبحانه أن يجمعنا بهذا الحب في جنة الخلد مع أشرف الخلق محمد صلى الله عليه وسلم
ادخل في الموضوع باختصار
من كام يوم حاولت أنفذ موضوع ضبط فيشة الاوكتان مع اني قرأته في المنتدى من أكتر من سنتين لكنى مشغول والحقيقة بتحرج اقف في الشارع ومعنديش جراج
المهم ضبطها على بنزين ٨٠ طبعا وبعدها حسيت بقوة وعزم في العربية ما شاء الله وتوفير في البنزين . وكنت فرحان جدا اني قدرت اعمل حاجة بأيدي ودعيت لاعضاء المنتدى بإخلاص وحب
لكن ...
بدأت أحس بسخونة في العربية جاية من التابلوه عند كرسي القيادة بحسها اوي عند رجليا
بالاضافة الى ان مؤشر الحرارة بقى عالى من الاول . لكنه لم يصل الى قبل النصف بدنشة
والسخونة انا بخاف منها لانها كانت سبب في تغيير وش السلندر معايا وتغيير دورة التبريد بالكامل من ستة شهور تقريبا وكلفتني مبلغ مش بطال
فأنا قلقان وخاصة في الايام الغالية دي
آسف جدا على الإطالة لكنه من قبيل الحب اتمنى الرد

**pepo2011** · 11-02-2016 09:03 AM

اخي الفاضل بنزين 80 بيحتاج حرق اكتر مما ينتج عنه حرارة اكبر وده اللي حصل مع حضرتك عادي جدا
زي ماتكون مثلا حطيت 80 في عربية عادية بيحتاج منك تدوس دوسة اكبر شوية عشان العربية تسحب وتمشي وتجمع المهم العربية حرارتها ماتزدش وتتابعها في الغليان وبالتوفيق

**fathiazab** · 11-02-2016 01:49 PM

أشكر حضرتك على الرد...وافهم من كلامك انه لا داعى للقلق من هذه السخونة..وخاصة فما حدث لي من جراء هذه السخونة من ذي قبل...؟؟؟
اتمنى من باقي الاخوة الادلا برأيهم
اشكر حضرتك مرة تانية

**pepo2011** · 11-02-2016 02:05 PM

الشكر لله فقط
لكن طالما السخونة في حدود الامان المسموح مفيش مشكلة خصوصا ان الفارق مش كبير طبعا لانها استاندرد قبل النص بشرطة
لكن طبعا لاقدر الله ماحدث لك سابقا اكيد الحرارة تخطط هذه العلامات

وبرضو تابعها والاخوة الاعضاء معانا هايردو عليك

**fathiazab** · 11-02-2016 05:15 PM

اعزك الله بالإيمان..
وبخصوص ما حدث للسيارة من قبل ..كلام حضرتك صحيح كانت المية بتنقص كل يوم واحيانا كانت العربية بطلع بخار من الكبوت والناس كانت بتلفت نظري فالشارع..وكانت كل يوم بغير حاجة ..إما الكوعة والترموستات..أو حاجة من شجرة خرطيم التبريد ..أو طبات المية في الموتور..إلى أن جابت جوان وتخطى الأمر الى وش سلندر
فسبب قلقي هو السخونة كعرض جديد ظهر بعد ضبط فيشة الاوكتان على بنزين ٨٠ ..وانا دائما عيني على مؤشر الحرارة والقربة صباحا ..مفيش نقص الحمد لله..
اللهم تلك الحرارة الصادرة من التابلوه
أشكر حضرتك..ويسعدني جدا أن تقبل صداقتي

**fathiazab** · 13-02-2016 01:29 AM

مفيش حد يرد .. يا اهل البيت الكبير ..نايل موتورز

**Mecha** · 13-02-2016 03:01 AM

جرب تركب ردتير اكبر

**pepo2011** · 13-02-2016 09:41 AM

المشاركة الأصلية كتبت بواسطة fathiazab

اعزك الله بالإيمان..
وبخصوص ما حدث للسيارة من قبل ..كلام حضرتك صحيح كانت المية بتنقص كل يوم واحيانا كانت العربية بطلع بخار من الكبوت والناس كانت بتلفت نظري فالشارع..وكانت كل يوم بغير حاجة ..إما الكوعة والترموستات..أو حاجة من شجرة خرطيم التبريد ..أو طبات المية في الموتور..إلى أن جابت جوان وتخطى الأمر الى وش سلندر
فسبب قلقي هو السخونة كعرض جديد ظهر بعد ضبط فيشة الاوكتان على بنزين ٨٠ ..وانا دائما عيني على مؤشر الحرارة والقربة صباحا ..مفيش نقص الحمد لله..
اللهم تلك الحرارة الصادرة من التابلوه
أشكر حضرتك..ويسعدني جدا أن تقبل صداقتي

اسف اخي لتاخري في الرد
صداقتك ةسام علي صدري وتاج علي راسي اخي الكريم
طالما الميه مظبوطة يبقي الحمدلله وخير
الحرارة من التابلوه وارد يكون حاجة مفتوحة او لباد اتشال من مكانة
شوف سروجي او كهربائي يراحعلك عيه غير كده ماتخفش
وحضرتك حاسس بالحرارة لان الجو برد طبعا فطبيعي تشعر بيها داخل السيارة
لكن في الصيف مش هاتحس باي حاجة
وشوف بوابة التكيف لو مفتوحة هاتدخل هوا سخن برضو

**fathiazab** · 14-02-2016 12:44 AM

استاذنا المحترم.. زادك الله حسن خلق .. واكثر من امثالك .. وحفظك من كل سوء
اليوم عرفت سبب المشكلة وهي ان المراوح كانت عطلانة بسبب قافلة في علبة فيوزات الحوض
والكهربائي عملها وده كان سبب زيادة الحرارة
وغيرت مية الريدتير كمان بنفسي مياة خضرا امريكي سعر العبوة 40 جنيه ملقتش حاجة انضف عندنا غير النوع ده وبدأت الحرارة ترجع لمعدلها الطبيعي
انا عاجز عن الشكر ..سعيد جدا بصداقتك ..جمعنا الله في الدنيا على الحب وفي الاخرة في جنة الخلد
اخوك فتحي عزب

**fathiazab** · 14-02-2016 12:47 AM

المشاركة الأصلية كتبت بواسطة mecha

جرب تركب ردتير اكبر

اشكر حضرتك على الاهتمام والرد...المراوح كانت واقفة وما اخدتش بالى لان الجو شتاء ..الحمد لله

الموضوع: أعراض جديدة لضبط فيشة الأوكتان أرجو الرد

LinkBack

أدوات الموضوع

عرض

-

-

-

المواضيع المتشابهه

فيشة الأوكتان لانوس 2013

مش لاقي فيشة الأوكتان

استفسار عن فيشة الأوكتان

فين فيشة الأوكتان ؟

فيشة الأوكتان فى الأوبترا

الكلمات الدلالية لهذا الموضوع

المفضلات

المفضلات

ضوابط المشاركة