مش عايز اتغرب طول عمري .. بس مش عارف اعيش في مصر

**abokoko** · 11-02-2016 08:01 PM

المشاركة الأصلية كتبت بواسطة tasaka

considering your age .. It's time to get married , but don't rush things

start your master degree .. Meanwhile start looking for a wife .. but don't rush it

after that .. Leave and never come back

حلوة الجملة الاخيرة
غادر ولا تعود ابدا
والله كانت حلم في يوم من الايام وحالت بيني و بينه الظروف الماليه
وانتهي بسبب الاستسلام للواقع الاسري

اهرب بجلدك

**عزيز محمد** · 11-02-2016 08:16 PM

خبطتين في الراس توجع، وحضرتك شغلت وهتشغل نفسك بكذا خبطة: النزول - العمل الحكومي - شراء شقة وتجهيزها - البحث عن عروسة - إتمام الزواج - دراسة الماجستير - البحث عن وتأسيس عيادة

رأيي مفيش داعي يبقى كله كدا مع أو ورا بعضه، لإن كل خطوة من دي هي مرحلة كاملة للناس اللي أصلا عايشة هنا ومتعايشة وعارفة سكك الحاجات

لو ناوي تفضل في مصر يبقى تبدأ الدراسة بسرعة وممكن معاها تبدأ في تكوين عيادتك مع التأقلم مع ظروف العمل الحكومي، وتأجل الزواج مثلا ما أمور حضرتك تستقر والعيادة تبدأ تدر عائد وتكون تقدمت في الدراسة شوية وتكون كمان خياراتك المستقبلية بقت أكثر وضوحا

لو ناوي تسيب مصر بعد فترة يبقى دراستك أولا وأخيرا وفقط لإن أي حاجة تانية اكيد هتعطلك

**amr011111** · 11-02-2016 10:37 PM

كونك طبيب ديه ميزة كويسه لانك ممكن تفتح عياده فى اى مكان. يعنى تقدر تفتح عياده فى مكان شعبى وساعتها هتبقى مصاريف فتحها اقل من لو فتحتها فى مكان راقى. تقدر تاخد شقه ايجار جديد وتجيب اجهزة فيها وان شاء الله العياده تجيب التانيه اهم حاجه تراعى ربنا فى شغلك ثم تعمل سمعه كويسه بين المرضى كأسعار وأهتمام ومتابعه وبالتوفيق

**romioromio** · 12-02-2016 11:26 AM

المشاركة الأصلية كتبت بواسطة tasaka

Considering your age .. it's time to get married , but don't rush things

Start your master degree .. meanwhile start looking for a wife .. but don't rush it

after that .. leave and never come back

Thanks for the advice

**mr_vampire** · 12-02-2016 02:47 PM

لولا انك وضحت ان مفيش مجال للسفر تاني لظروف عائلية كانت السبب فنزولك نهائي. كانت نصيحتي الوحيدة الاخيرة انك تتجوز وتسافر وتعيش برا حتي لو مش هتعرف تحوش حاجة. يكفي تعيش باسرتك فمكان نضيف. لكل شيء سعر.