اخر ميعاد بكره و فعلا عايز رايكم ضروري . هل اترك العمل ؟

**Omar1001** · 13-02-2016 08:20 PM

السلام عليكم و رحمة الله و بركاته

الناس الي هنا في المنتدي بجد من الناس الي انا بثق جدا في رايهم و عشان كدة عايز اخد رايكم في نقطة مهمة جدا بالنسبة لي .

دلوقتي انا شغال في شركة من الشركات و الشغل كويس و كل حاجة لكن بمرتب صغير
1500 جنيه

انا واحد من اولي ثانوي و انا لي تجارب في عمل مواقع علي الانترنت
و مازلت حتي الان .

بصراحة انا عايز ادخل في مجال الويب ديفلوبمنت و ابدء دبلومة بي اتش بي كامله
و اكملها بكورس جافا ان شاء الله

فسؤالي انا مينفعش اشتغل و في نفس الوقت اخد الدبلومة دة لان تقريبا المواعيد متقاربه
فهضطر اسيب الشغل الي انا فيه حاليا

فالاول عايز اعرف رايكم في المجال بشكل عام ان يكون مجال عملي المستقبلي ان شاء الله
و هل في طلب للعمل دة في مصر و خارج مصر و هو الاهم ؟

ارجوكم نصائحكم لان بكره يعتبر اخر ميعاد للتقديم
و لازم اخد قرار النهاردة ان شاء الله

**Bassem Youssef** · 13-02-2016 09:19 PM

في غيرك بيدفع ال 1500 من جيبه عشان ميقفلش شغله الخاص

احمد ربنا في ناس قاعده علي القهاوي jobless

شغل النت عموما في مصر ملوش سوق

**zoro almaz** · 13-02-2016 11:46 PM

متسيبش الشغل واتعلم اللغة اونلاين <هتوصل>

**Karim Alaa** · 14-02-2016 02:38 AM

فرى لانسينج مع ناس برا هتعيش برنس لو انت موهوب و مركز فى شغلك بس نصيحه متسبش الشغل اضغط على نفسك و اتعلم انت من اى موقع اونلين lynda.com مممتاز و ظبط مواعيدك زى منتا عايز عشان لو مقدرتش تنافس فى الفرى لانسنيج كويس يبقى معاك شغلك و فى نفس الوقت الى يطلع من الديفالبونت يبقى زياده ايا كانت كام و فى الوقت الى يريحك انت بعد شغلك اسمع كلامى عشان متتعبش امسك العصايه من النص

**pepo2011** · 14-02-2016 09:15 AM

ماتسيبش الشغل طبعا لان المجال ده غير مضمون في مصر وهايبقي قدامك كتير علي بال ماتتعلم وتاخد خبرة وتبدا تشتغل وتكسب احمد ربنا علي نعمة الوظيفة غيرك مش لاقي

**melouk1** · 14-02-2016 01:23 PM

شغلك لحد كام ؟
و بعد شغلك بتعمل ايه
عل تفضل الخروج مع صحابك على انك تنمي نفسك
اكيد عندك ميقلش عن خمس ساعات فراغ كل يوم
متسيبش الشغل واتعب متدلعش بعد الشغل :)

**Mohamed_Hamid** · 14-02-2016 01:25 PM

انا اخويا مهندس وعنده 31 سنة ومش لاقى شغل
خليك فى اكل عيشك وطور نفسك ذاكر اونلاين واشتغل freelancer

**Mecha** · 14-02-2016 02:19 PM

ليه اخر ميعاد بكره
الناس عادة محتاجه وقت قبل ما تسيب شغل قضت فيه فتره.العادي بعد اول الشهر

**4fun14** · 14-02-2016 02:32 PM

سيب الشغل وركز ف المجال اللى انت بتحبه..والشاطر فيه بيوصل والرتبات احسن كتير من 1500 اللى انت خايف عليهم دوا

**Abdo_Eldesokey** · 18-02-2016 04:02 PM

التفكير ده مع احترامي الكامل ليك Expired خلاص.. محتاج تتعلم حاجة أو تطور من نفسك يبقى وانت في شغلك وبتقبض .. مش تسيب شغلك عشان تتعلم .. وسيبك من كل الكورسات والدبلومات دي أغلبها اشتغالات وهتدفع فلوس كتير ع الفاضي

كل الي انت محتاجه .. عزيمة وإصرار بس .. وخش على مواقع الكورسات الـ Online وسجل في الكورسات الي تحبها ودوس فيها جامد ، المحتوى بتاعها أفضل بمليون مرة من الكورسات الي في مصر ، إلى جانب طبعاً إنها مجانية وغير مرتبطة بوقت معين
دي أشهر مواقع للتعليم على الانترنت ، ومتنساش كمان الـ YouTube عليه كورسات كاملة كتير وتقدر تلاقي منها عربي كما
https://www.coursera.org/
https://www.edx.org/
https://www.udacity.com/
https://www.udemy.com/

تمنياتي ليك بالتوفيق في حياتك وشغلك :)