افيدونا يا اهل الاسكودا جزاكم الله خيراال
السلام عليكم ياجماعة انا بدور علي عربية كويسة وفي رينج من ٧٠ ل٨٠ ومحتار بين الاسكودا a4 ولانسر بومة بس بعد ماركبت الاسكودا الكفة رجحت لصالح الاسكودا جدا خصوصا اني كنت راكب فورد بس عندي كام استفسار استحملوني وهحاول الخص الكلام في نقط
اولا اي الفرق بين الموديلات المختلفة للa4 انا شايف انها من ٩٨ ل ٢٠٠٩ نفس الشكل الخارجي تقريبا هل في فروقات في المواتير او الفتيس واي الفرق بين المكنة الكبيرة والصغيرة؟
ثانيا اخبار الفتيس الاوتو فيها اي هل فعلا في مشاكل انا مش فارق معايا الاوتو اوي لو ممكن اضحي بالاوتو في مقابل راحة البال ماعنديش مشكلة وهل فعلا العربية الاوتو مقفولة علي سرعة ١٦٠؟؟؟
ثالثا والمهم اسعار قطع الغيار والصنايعية ايه انا مش عاوز اكرر مأساة الفورد يعني مثلا الموتور بكام والفتيس بكام الحساسات والصنايعية لازم حد متخصص ولا ايه
رابعا ودي نقطة مهمة اوي بالنسبالي اخبار التكييف ايه ؟؟؟
خامسا السعر انا الصراة شفت اسعار متفاوتة من ٦٠ ل١٠٠ وايه اهم حاجة اخد بالي منها وانا بشتري واكشف عن العربية فين؟؟؟؟؟؟
استحملوني معلش انا لسة جديييييد معاكم
