لوجان ولا افيو 2016

**mo7aabdo** · 13-02-2016 09:21 PM

السلام عليكم اعضاء المنتدى الكرام

انا فى حيره كبيره جدا ..عايز اجيب عربيه زيرو ادفعلها مقدمه فى حدود 60الف ل 65الف وقسط مش اكتر من 1500 والمقارنه اتحصرت بين اللوجان و الأفيو فى الفئه السعريه دى و انا حيران جدا بين الأتنين ...اللوجان فيها امكانيات عاليه جدا وكماليات ممتازه ..بس على ما اسمع ان قطع غيارها غاليه جدا و احيانا ما بتبقاش موجوده وده غير ان اعاده بيعها صعبه و بتخسر كتير

اما الأفيو فقيره اوى فى كمالياتها بس قطع غيارها متوفره جدا ومش غاليه واعاده بيعها كويسه .

حد يفيدنا يا جماعه ربنا يكرمكم

**hanyyacot** · 14-02-2016 08:15 AM

اللوجان طبعا احسن بكتير من الافيو, الافيو كلها مشاكل وهاتصرف كتير عليها, اللوجان تقفيل احسن , اعتمادية اعلى , عربية اوسع و اعلى عن الارض , توكيل افضل بكتير , سعر اعادة البيع بتاعها طبعا كويس جدا دلوقتى

**mo7aabdo** · 15-02-2016 11:22 AM

يعنى انا لو جبت اللوجان وحبيت ابيعها مثلا بعد 6 او 7 سنين ان شاء الله -ولو فى عمر - ممكن اببعها بسعر كويس و بسرعه ولا ها دوخ عشان ابيعها

**salam100100** · 15-02-2016 11:35 AM

انا مبحبش الفرنساوى
لكن فالمقارنه دى انا هجيب الفرنساوى

اللوجان كماليات وامان اكثر من الافيو

**hanyyacot** · 15-02-2016 11:52 AM

المشاركة الأصلية كتبت بواسطة mo7aabdo

يعنى انا لو جبت اللوجان وحبيت ابيعها مثلا بعد 6 او 7 سنين ان شاء الله -ولو فى عمر - ممكن اببعها بسعر كويس و بسرعه ولا ها دوخ عشان ابيعها

والله شوف انتشار العربية دلوقتى وانت تحكم بنفسك

**AboBassem** · 15-02-2016 12:18 PM

فى رأيي الشخصي اللوجان افضل

**أحمد عثمان** · 15-02-2016 01:55 PM

اللوجان طبعاً.
العربية أفضل في كل شئ, و كمان 7 سنين, كله بيتساوى, لكن اللوجان حتكون حالتها أفضل بإذن الله لو ثبتنا عامل القيادة بين السيارتين لأن تقفيلها أفضل و عفشتها أقوى و ده مهم جداً في الشوارع بتاعتنا.
و لما تحب تجيب عربية فكر في نفسك شوية و ازاي ممكن تستمتع بالعربية و تبقى مبسوط بيها, مش مجرد حبيعها بكام, و حتى في النقطة دى, اللوجان إنتشارها دلوقتي ممتاز و للعلم مصنع جينرال موتورز متوقف بسبب عدم توافر العملة لشراء قطع الغيار و دي حاجة تقلق بخصوص كل السيارات المجمعة في مصر و مش جينرال موتورز بس و لكن كل سوق التجميع, و انا شايف إن الفترة اللى جاية دي بتاعة المستورد.
ربنا يوفقك.

**mo7aabdo** · 16-02-2016 11:22 AM

المشاركة الأصلية كتبت بواسطة أحمد عثمان

اللوجان طبعاً.
العربية أفضل في كل شئ, و كمان 7 سنين, كله بيتساوى, لكن اللوجان حتكون حالتها أفضل بإذن الله لو ثبتنا عامل القيادة بين السيارتين لأن تقفيلها أفضل و عفشتها أقوى و ده مهم جداً في الشوارع بتاعتنا.
و لما تحب تجيب عربية فكر في نفسك شوية و ازاي ممكن تستمتع بالعربية و تبقى مبسوط بيها, مش مجرد حبيعها بكام, و حتى في النقطة دى, اللوجان إنتشارها دلوقتي ممتاز و للعلم مصنع جينرال موتورز متوقف بسبب عدم توافر العملة لشراء قطع الغيار و دي حاجة تقلق بخصوص كل السيارات المجمعة في مصر و مش جينرال موتورز بس و لكن كل سوق التجميع, و انا شايف إن الفترة اللى جاية دي بتاعة المستورد.
ربنا يوفقك.

جزاكم الله خيرا ..و ان شاء الله ها جيب لوجان