عايز افتح حساب بالدولار في بنك .... يفضل الاجنبي

انهي بنك الاسرع و الحساب بيتفتح بكام و بياخدوا كام كل شهر ؟؟؟

بطاقتي مكتوب فيها البكالوريوس و مش عندي سجل تجاري

عندك حساب فى بنك اصلا او سجل تجارى و ضريبى سارى ؟

لا
انا كانت ان مش عندي سجل تجاري

الموضوع بسيط جدا معظم البنوك ممكن تفتح فيها حساب بالدولار عادى جدا مثلا بنك فيصل الاسلامى اعتقد مطلوب 200 دولار لفتح حساب و بياخد كام فى السنة .....هتستغرب لو كان المبلغ اقل من 1000 دولار بتفع مبلغ مش كتير و مش فاكر بالضبط بس قليل جدا العجيب لو صفرت الحساب يعنى سحبت كل اللى فيه متدفعش حاجة, hsbc يمتاز بأنك ممكن تعمل حساب تدخل عليه من النت و تحول او تودع مش عارف لازم تفتح بكام بس برضه مبلغ مش كبير بس بياخد منك وقت لو اول مرة , saib ممكن تفتح فيه و انت واقف فى 5 دقائق و عموما انت لازم تحدد عايز تفتح حساب ليه لو منتظر حوالات من الخارج يبقى تبعد عن البنوك الحكومية و معظم المعلومات ممكن تعرفها من الاتصال بخدمة العملاء لكل بنك على الخط الساخن و بالتوفيق مع خالص تحياتى

لا مش بسيط لو معندكش حساب فى اى بنك حاليا و مكتوب فى البطاقه حاصل على و من غير سجلات تجاريه يبقى انسى يا برنس و المنتدى هنا فى تجربه كذا شخص حاول يفتح حساب بعد التعليمات الجديده من سنتين ممنوع فتح حساب الا بوظيفه فى البطاقه او جواب من جهه العمل بانك شغال معاهم او سحل تجارى و ضريبى سارى سواء بالجنيه او بالدولار و تقدر تجرب بنفسك فى اى بنك يريحك كلهم هيقولولك نفس الكلام و المواضيع اهى

http://www.nilemotors.net/Nile/482660-a.html

http://www.nilemotors.net/Nile/484115-a.html

أنا فتحت حساب فى أحد البنوك بالدولار بالضبط فى 5 دقائق و لم يطلب منى اى حاجة من اللى حضرتك بتقول عليه و ده كان فى شهر اغسطس الماضى و كان الفتح ب500 دولار فقط لا غير فقط حصل على صورة الرقم القومى لا غير بس فعلا مكتوب فيها وظيفة يمكن هو مطلبش منى لما قرأ الوظيفة المثبتة على الرقم القومى ؟

بنك إيه يا أستاذ علي !؟
ali ashraf

ما الراجل كاتب اهو فى وظيفه فى البطاقه :D ايوه يا استاذ على مهو مطلوب وظيفه فى البطاقه او جواب من الشغل انك شغال فيه او سجل تجارى لو اعمال حره و بما ان حضرتك البطاقه مكتوب فيها وظيفه فحضرتك معندكش المشكله دى خالص و الاستاذ Mahmoud Naguib معانا اهو فى المشاركه و يقدر يقولك قالوله ايه لما راح يعمل حساب

استاذ Mahmoud Naguib واضح انك مخدتش بالك من اخر كلام الاستاذ على انه مكتوبله وظيفه فى البطاقه و عليه عمله فى 5 دقايق ممن غير اسئله مش زى وضع حضرتك فى المعاناه الى انت فيها

بنك القاهرة
حساب بالدولار في نفس اليوم
ولاي وجد حد ادجني \والفائدة علي الحساب ربع سنوية 0.5%