المشاركة الأصلية كتبت بواسطة تامر.محمد
هي جميلة بس الشوارع هنا محتاجة دبابة مش دراجة :)))))))))))))
فعلا و ممكن جدا نجدد ثقافة الشعب باكمله و نجعل ركوب الدراجات الوسيلة الاساسية للتنقل
حنوفر كتير جدا على نفسنا و على الدولة و حانرحم البيئة اللى ادمرت بنسبة كبيرة جدا بسبب جهلنا
لو اصبحت الدراجة جزء من ثقافتنا حنلاقي الدولة بتهتم و بتشجع باقامة طرق خاصة بالعجل و مواقف خاصة بالعجل
الدولة عليها :
1- طرق رئيسية خاصة بالدراجات
2- مواقف خاصة بالدراجات و توفير امن لمنع سرقتها
3- تشجيع اطفال و تلاميذ و طلاب المدارس و المعاهد و الكليات على استخدام الدراجات
(على الدولة توفيرها للطلاب باسعار رمزية او بسعر التكلفة فى شكل اقساط و عمل ورش داخل تجمعات المدارس و الجامعات لصيانة الدراجات مجانا )
4- كل جهة عمل تشجع العاملين لديها على اقتناء و ركوب الدراجة و توفير اماكن لركنها (مساحة ركن سيارة واحدة سيدان يمكن ركن مكانها 21 دراجة )
ماذا استفيد انا (كلام ليا و لكل اللى بيسمعونا ) من استخدام الدراجة :
تعالوا نفتكر قانون علمى مهم
الطاقة لا تفنى و لا تستحدث من العدم ... حلو الكلام
احنا كلنا الصبح بنعمل ايه ..... طبعا بناكل .... و الاكل دا بيتحول ببعض العمليات الكميائية الحيوية الى وحدات طاقة ..... خلاص اخدنا الطاقة يبقى ممكن نستخدمها بدل ما تتحول الى دهون و تتراكم مناطق الجسم المتفرقة .
1- استفادة بدنية كبيرة جدا جدا جدا
* حتساعد كل انسان عنده عادات سيئة زى التدخين انه ييبطل
* حتساعدك انك تظبط وزنك بدون ما تحاول تدور على وقت معين فى الاسبوع تروح الجيم
* حتعلم جسمك الاتزان فى ظروف مختلفة و حتخليك تستخدم عقلك بحيوية اكبر
* حتتعلم انك تكون نشيط جدا
* عضلات قوية و مش كبيرة يعنى جسم رياضي متناسق و عضلة قلب قوية
2- الاستفادة المادية :
* لو انت بتستخدم سيارتك الخاصة فى مشاويرك ... يبقى انت ملزم بالمصروفات الاتية .... ما تستهلكه مع كل حركة للسيارة .... بنزين و زيوت و سيور و تيل و طنابير و البطارية و اطارات و جنوط و داغير الاجزاء الكثيرة جدا المكلفة جدا المعرضة للتلف بدون سبب او عمر افتراضي او حوادث لا قدر الله .... على عكس الدراجة التى استهلاكها بيكون بسيط جدا .... احنا اغلبنا بيحرق بنزين فقط فى الشهر بثمن عجلة جديدة .
* لو انت بتستخدم مواصلات .... حتوفر كل جنيه انت بتدفعه .... و حتترحم من سلبيات كتير جدا موجودة فى المواصلات بنشوفها كل يوم ..... زى انك ممكن تقعد ساعة او اكتر منتظر الميكروباص او المواصلة علشان تروح او تروح مكان معين (استخدام الدراجة الهجين ساعة لو انت شاب ممكن تمشى فيها مسافة 20 -25 كم (و ممكن اسرع من كدا بس حيحتاج مجهود ) و دى مسافة ممتازة فى ساعة لو انت بتستخدم المواصلات العقيمة او شغلك بينك و بينه المسافة دى و بتاخد بالعربية وقت اكبر .... و طبعا ممكن يكون عندك Ebike دراجة بها موتور كهربائي و يمكنها السير بسرعات اعلى من 80 كم / ساعة و لمسافات بتوصل ل 120 كم و لكن طبعا اسعارها غالية شوية لقلة الانتشار .
*صحية بدنية كويسة يعنى باذن الله امراض اقل .
3-المجتمع كله حيستفيد بالبيئة النقية النضيفة
* استخدام الدراجة يستنزف الطاقات السلبية و حتقلل خروج مجرمين للمجتمع (نعتبره زى مشروع ال break dance الامريكي او ال parkour الفرنسي و زى كل برامج ال freestyle اللى تعملت علشان تخرج الطاقات السلبية اللى فى الاطفال و الشباب .
انا في فترة ما فكرت اشتري سكوتر , لقيت انه مش هاينفع امشي بيه على الدائري و صرفت نظر
بعيدا عن حوار المسافة و الشوارع اللي طالعة و مرهقة :))))))