المشاركة الأصلية كتبت بواسطة ali ashraf
نشر بعدد اليوم 14 فبراير بجريدة المال 10 شركات سيارات توقف الحجز على طرازاتها لأجل غير مسمى و اليكم نص الخبر
أحمد نبيل وشريف عيسى وأحمد عوض:
قال شادى ريان، رئيس مجلس إدارة «المصرية للسيارات»، إن العديد من العلامات الأوروبية لجأت، خلال الفترة الماضية، لإغلاق الحجز على طرازاتها بعد امتداد حجوزاتها أكثر من عام بسبب نقص الدولار اللازم للاستيراد، ومن أبرزها «مرسيدس» و«جيب».
الحمد لله الشعب اغتنى جدا جدا و حجوزات المرسيدس و الجيب وصلت لسنة
يعنى اعلان فى جريدة من المصرية للى حجزوا اوعوا تفتكروا حتشتروا بالسعر ايام الحجز - لا طبعا انتوا اغنياء - السعر حيزيد جامد جدا
و اللى عايز كاش يدفع اوفر برايس عالى جدا
وأكد يسرى إسماعيل، مدير عام شركة الجيزة الوطنية للسيارات، الموزع المعتمد لـ«مرسيدس بنز»، وقف الحجوزات على بعض طرازات «مرسيدس»، موضحًا أن أزمة توفير الدولار وراء عدم قدرة «الجيزة الوطنية» على استقبال مزيد من الحجوزات.
ما توعوا تجيبوا مرسيدس و يارب كل عربية تجيبوها تولع او تغرق (دا غير ان اصلا اغلب الاوروبي بيجي باليورو المفروض )
خلاص حققنا اكتفاءنا الذاتى من كل احتياجات الشعب المصري علشان نجري نشترى المرسيدس
البنوك المصرية عندها دولارات (و هى المفروض فلوس توزع بطريقة معينة لتعم الفايدة على الشعب المصري كله و الزيادة بعد كدا يتجاب به السلع الترفيهية )
اوعى حد يقول لى المرسيدس مش سلعة ترفيهية !.
الطبيعي فى الشركات المحترمة انها تشترى ب X من الدولارات و تصنع للمستهلك المحلى و تبيع بالجنيه و يكون فيه جزء للتصدير على الاقل يجيب لك مكسب يساوى نفس ال X من الدولارات و بكدا العجلة تدور
لكن بالطريقة دى اسمه استهتار و استنزاف لموارد الدولة
و اللى مش عايز يشتغل بالطريقى دى ما يوعى يشتغل
المفروض الدول المحترمة تسمح للشركات اللى زى دى انها تاخد X الدولارات اول مرة فقط و بعد كدا العجلة تدور غير كدا يبقى اسمه جهل و رجعية و تخلف و مفيش دولة بتعمل كدا
وتوقَّع إسماعيل أن ينخفض حجم مبيعات الشركة من العلامة التجارية الألمانية «مرسيدس»، بنسبة تصل إلى %50.
و قد اكدت الشركة انها ستقوم بتعويض خساراتها من المشترين الجدد سعاد الحظ بزيادة الاوفر برايس
فما هو الاوفر برايس غير فلوس بيدفعها المواطن و ملهاش اى اثبات على الورق يعنى اتاوة (بالتفاق بين المستورد و الموزع)
فيما كشفت مصادر أن هناك العديد من الطرازات تم إغلاق باب الحجز عليها، منها «سيات ابيزا»، و«فولكس فاجن جيتا»، و«
نيسان سنترا»، و«نيسان قشقاى»، و«جيب رنجييد»، و«جراند شروكى»، وكل طرازات «كرايسلر».
وأشارت المصادر إلى أن أزمة الدولار وراء قلة المعروض وزيادة أمد قوائم الانتظار، بالإضافة إلى بيع السيارات بزيادة سعرية «Over Price»، والذى تخطَّى 100 ألف جنيه لبعض الطرازات الأوروبية.
100 الف جنيه بس مش قليلين شوية ... دى عربيات قيمة جدا و امكانياتها عالية و حلوة
يا راجل زود ماحدش واخد منها حاجة ... هههه
وقال علاء السبع، رئيس مجلس إدارة مجموعة «السبع أوتوموتيف»، عضو مجلس إدارة الغرفة التجارية بالقاهرة، إنه تمّ إيقاف حجز 4 شركات للموديلات المستوردة خلال الفترة المقبلة.
وأوضح السبع أن أبرز الشركات التى قرّرت وقف الحجز هى: «مرسيدس ونيسان وتويوتا وهوندا».
فى داهية
لما مرسيدس كانت شغالة فى مصر .... هربت ليه
و نيسان شغالة .... فين الاستثمار ... هو الاستثمار تيجي تسنزف دولاراتى و لا تجيب شوية من ارباحك العالمية و تستثمر فى مصر و تمشي العجلة (غير كدا مش استثمار ... يبقى اسمه استحمار )
تويوتا .... ما هى كانت مستعدة تحول مصر مركز لتجميع كورولا و هايس و هايلكس و مصر كانت حتبقى مركز للتوزيع لافريقيا ... راح فين الكلام ده
هوندا .... مش مشكلة هى مبيعاتها قليلة اصلا
فيما أكد يحيى السبع، مدير «السبع أوتوموتيف»، أن قشقاي وجوك والموديلات المستوردة من «كيا» تعتبر أبرز الموديلات التى قرّر وكلاؤها إيقاف الحجز لأجل غير مسمى. وكشف حسين مصطفى، المدير التنفيذى لرابطة مصنِّعى السيارات، أن مرسيدس وهيونداى أوقفتا الحجز على سياراتها المستوردة؛ لعدم توافر العملة اللازمة للاستيراد.
هنا الكلام كله على السيارات المستوردة فقط و لكن لما ترجع لاول المقال تلاقى السبع بيتكلم عن سنترا و هى دى كمان استيراد
وأرجع مصطفى زيادة أسعار السيارات المستوردة، خلال الفترة الماضية، إلى نقص المعروض وزيادة الطلب.
فعلا الطلب عالى جدا على العربيات ... حاجة غريبة
بس العيب على الدولة التى لا توجد شبكة نقل جماعى قوية
و عيب على المواطن اللى بيروح لمعرض و عارف ان السلعة ثمنها مبالغ فيه عن الواقع بكتير جدا .
من جانبه قال يحيى عبد القدوس، رئيس قطاع التسويق بالمجموعة البافارية للسيارات «BMW»، إنه تمّت زيادة مدة الحجز على موديلات «BMW» المستوردة لتتراوح بين 3 و4 أشهر فى ظل عدم توافر الدولار لاستيراد كميات من تلك الطرازات.
المفضلات