الموضوع: استفسار او مناقشة حول فوانيس شبورة (فوجات) الفيرنا

الاصدقاء والزملاء عايز اسألكم على كل ما يخص تركيب فوجات للفيرنا
انا معايا فيرنا 2012 كاملة وطبعا بتنزل من غير فوجات وقررت انى اركبهم ولكن اتمنى انى اركبهم على الضفيرة الاساسية بتاعة العربية دون اى تدخل جراحى من حد ههههههههه
وياريت بس تخلليكو معايا واحدة واحدة فى اللى هقولو وتناقشونى فيه وتفيدونى ويمكن نخرج بحاجة مفيدة فى الموضوع ده
دلوقتى العربية زى ما كلنا عارفين ان موجود فيها اسفل الفانوسين الرئيسيين الاماميين الفيش الخاصة بفوانيس الفوجات مربوطة ومركونة على جنب والفيش دى متصلة بعلبة الفيوزات اللى عند البطارية
ولما نيجى نبص على مكان كتاوت الفوجات هنلاقي طبعا الكتاوت مش موجود زى ما كلنا عارفين ولكن المكان اللى بيركب فيه الكتاوت الترامل بتاعته كلها كاملة (ال 4 فرد موجودين) وده معناه ان الجزء اللى المفروض يدخل جوا العربية بتاع فيشة المفتاح كمان موجود بداخل العربية
واعتقد ان ده يوصلنى لاكتر من نتيجة اولا ان الفوجات تشغيلها من الممكن يكون عن طريق تغيير ذراع الاضاءة خلف الدركسيون الى ذراع المالتى فنكشن
ثانيا من الممكن ان تكون الفيشة الخاصة بالمقتاح موجودة ولكن شكلها مختلف عن المتعارف عليه
ثالثا وده انا شخصيا باستبعده لان معنديش اى منطق بيقول ان الضفيرة يبقى فيها جزء ناقص وهو ان الضفيرة تكون واصلة لحد علبة الفيوزات الداخلية على يسار رجل السائق دون استكمالها
الكلام ده كله انا مش عارف اوصل لاكتر منه لانى محتاج اما انى اشوف ضفيرة كاملة استيراد او انى احصل على مخطط السيارة الرسمى والحالتين غير متاحين بالنسبة لى فياريت حد يشاركنى فى الموضوع ده
ومشكور ليكو جميعا مقدما

المشاركة الأصلية كتبت بواسطة nader

لازم تجيب مفتاح الفيرنا، المفتاح مخصص للعربية بحيث انه يركب مكان الطبة مظبوط ويركب على الفيشة
بص الوان الفيش ممكن تختلف مع التجميع المصري :)
فالاضمن انك تجيبلي صورة الفيشة ومكانها

لو انت تقصد الفيشة الموجودة تحت التابلوه فوق رجلك الشمال فدي الفيشة اللي بيركب فيها كبل جهاز كشف الاعطال او الاسكانر

وبما انك هتركب الفوج بنفسك فشوف الصورة دي فيها بيانات الفيشة بالتفصيل ومكانها ومكان تركيب المفتاح كمان



طبعا انت مش هتفك التابلوة كله، انت هتفك بس الجزء الموجود في الوسط

بص يا استاذنا الفيشة دى مكانها خلف مفاتيح التكييف مباشرة