ايه رايكم فى فلل ستيلا مصر الجديدة ولا شقة فى مدينتى ؟
ايه رايكم فى فلل ستيلا مصر الجديدة ولا شقة فى مدينتى ؟
مدينتي طبعاً
ياريت اسعار الفلل في استيلا مش دي اللى ع طريق مصر الاسماعيليه؟
اي Compound بيقيم على حسب الخدمات اللي فيه ،، يعني ببساطه بتلاقي خدمة ٢٤ ساعة شغاله تحت أمرك لو في أي حاجة بتحصل أو لا قدر الله شيء طارئ ،، زي مثلا يوم زي ده في هوا شديد ، مدينتي مثلاً لو كلمت خدمة العملاً قولتلهم شوية ورق شجر وقعوا على عربيتي يطلعو يجروا يشوفولك حل للمشكلة ، الأمن ٢٤ ساعة بشكل إحترافي منظم بدوريات ثابته و متحركة ،، لنضافة ازي كنس السلالم يومي و المسح اسبوعي و ممكن بالتلفون يعيدوا على الحاجة لو مش معمولة صح ،، الاسانسير لو عطل في نص ساعة بيكون طقم متخصص من الشركة المصنعة بتصلح ، دي غير مدينتي دي بلد تانيه مدينة تانية خالص فيها أجمل مساجد في مصر كلها و كل حاجة متوفرة فيها و نادي تحفة ،، و عندك الشروق ادامك دقيفة بالعربيه لو حابب اسواق شعبيه بأسعار أرخص و جودة كويسه برده ،، ده اللي مخليها غاليه ،، الخدمات اللي بجد ...
مدينتي طبعا
استيلا متطرفه ومنعزله
الفيلات مترصصه جنب بعض زي المساكن الشعبيه
الشروق افضل منها بمراحل
يارييت الاسعار ف الاثنين
شقة ايجار في مدينتي تعتبر صفقة رابحة, الأسعار في الأرض بمعنى الكلمة في رينج الشقق في مدينة نصر مثلاً. معنديش فكرة عن فرص التمليك.
اجمل شقة في مدينتي إيجارها لا يتعدي ٢٤٠٠ جنيه او ٢٥٠٠ و يبدأ من ١٥٠٠
بحكم شغلي فى مجال العقارات في القاهرة الجديدة أقدر أقولك وبقوة طبعا مفيش أي وجه مقارنة بين مدينتي وستيلا !
فى المجمل كدة لما تحب تسكن في أي كومباوند جديد لازم تشوف سابقة أعماله وهل هو جاد فعلا ولآ لآ فى مواعيد التسليم والخدمات والأمن وخلافه
حابب أقولك ان طلعت مصطفى واحد من أفضل رجال الأعمال في مصر غير انه عنده فكر ازاي يبني مدينة كاملة وفيها كل حاجة واللي مش هتضطر تخرج منها إلا لسبب واحد اللي هو لو شغلك بره
وده واضح جدا في الرحاب مثلا
مدينتي فعلا زي ما اتقال أكتر من مرة هي مدينة عالمية على أرض مصرية إدارة قوية وناس بتفهم وعارفة ازاي تريح سكانها
طبعا من غير كلام مدينتي !
نصيحة صغيرة على جنب
لو حابب تشتري في مدينتي خليك ف b1.b2.b3.b7 متشتريش أبدا ف b6 أو b11 لأسباب كتير صعب أوضحها كلها هنا
أرشحلك وبقوة طبعا b1.b3 لو معاك كاش ... ولو هتقسط خليك ف b7
لآزم تختار شقتك صح يعني حاول تبقى جنب خدمات وفيو جاردن مثلا
مدينتي حياة تانية ممكن متفهمش معنى الكلمة دي إلا لما تعيش فيها
ولو محتاج أي مساعدة أنا ليا شغل كتير فيها كلمني بس