الموضوع: عايزة اسافر مصر بس فيه شوية عوائق قلقيني

انا قلت ادخل اشوف الردود قبل ما اطلع على المعهد عشان اقدم على اجازه واشوف موضوع السفر

لقيت كل التعليقات تقريبا ملهاش دعوة بالموضوع

يعني انا قلت اني مش ملحدة اكتر من مره ولو ملحدة هقول عادي

وانا مليت من النقاش في الموضوع ومليت من اصراركم العجيب على الكلام فيه انا زهقت بجد

مش بتكلم في المواضيع السياسيه الا في المنتدى ولا بتكلم عن ايماني وايمان الناس حاجه متخصش حد

انا لو هسافر عايزه اعرف هعرف العنوان ازاي ؟ تليفون زوجة والدي من صاحبنها في السعودية لكن معرفش هما فين في مصر

ولو نزلت مصر ممكن والد بنتي يعرف ؟ هو بتوصله رساله لما اخدنا الفيز بس افتكر يحقلها تنزل مصر بدون فيزه فممكن يعرف ازاي ؟

ليه ماسفرش انا خايفة يموت مش هقدر منزلش عايزه اشوفه

المشاركة الأصلية كتبت بواسطة hilal

يا سيدي أنا أختلف معها ولكني أحترمها ولم أنتقص منها
كل الموضوع أنني أؤيد رأي زوجة أبيها في عدم زيارتها له

موضوع الحادها أو عدم إلحادها ، ليس مطروحا
فهي مازالت شابة والعبرة بالخواتيم ،
وقد تتوب عما كتبته هنا في هذا المنتدى ، وحذفته الادارة ،
وكثير من الأعضاء يتذكرون هذا الموضوع

وأنا أتمنى أن يفرح والدها بزيارتها
وأكثر من ذلك أتمنى أن يفرح ربها بتوبتها.

أما الزميل الذي سبني والذي ساعدها في طلاقها وسعى في خراب بيتها ، فحسابه عند ربه.

ليس مطروحا ايه انا زهقت من كتر طرحه

يا استاذ هلال ادم ما ادخلش في طلاقي رغم انه كان يقدر

هو ساعدني ادخل بنتي المدرسه لانها كانت بدون اوراق رسميه والدها مكنش عايز يعملها حفيظة عشان هتتسجل في بطاقة مع ولاده

ساعدني مره تانية في المستشفى بنتي كانت تعبانه وملهاش اثبات مرضيوش يدخلوها لانهم افتكرونا اجانب

اتصلت بوالدها مردش كلمت المحامي لانه الرقم الوحيد اللي اعرفه قالي انا قي جده حكتله عن الموضوع قلي هتصرف ولقيت رقم بيتصل وكان ادم بيتصل

جه ونقلنا لمستشفى خاصة ونومي بنتي للصبح وممشيش الا لما اطمن عليها

لا ساعدني في طلاق ولا رضي يدخل المحامي في الموضوع واعتذر ولا شوفت منه الا كل احترام


لكن انت قلت اني بشتم بابا ودا محصلش وقلت اني ملحده ودا محصلش


فكل ما ارجوه من حضرتك انك لو هتتكلم معايا تكون امين في كلامك لاني مش هقدر اشتغل دفاع على طول

المشاركة الأصلية كتبت بواسطة khaled_sabry

معلشى انا كنت منقطع عن المنتدى الاجتماعى فتره فمش عارف اخر الاخبار
بس ليه حضرتك بتتهمها بشكل مباشر بالالحاد ؟؟
ما اذكرشى انى شوفت ليها بوست بتعلن فيه الكلام ده قبل كده

ثانيا مع احترامى ليك و ليها : لكن حاسس بالتحامل عليها نتيجه لبعض القرارات الخاصه فى حياتها؟
انسانه شخصيه انا نفسى اقدرها جدا - هى بمنتهى البساطه كانت زوجه ثانيه لزوج لم ترغب فيه بفارق عمرى كبير و ام لطفله صغيره
اى سيده اخرى فى ظروفها سوف تستسلم لمجرى تدفق الحياه .. و لكن انظر اليها الان !!!
فعلا انا اقدر هذه السيده التى تسعى جاهده لتوفير الحياه الكريمه لها و لطفلتها

الحاجه الوحيده فعلا الى ممكن انتقدها فيها - انها بتطرح مواضعها الشخصيه على المنتدى بإفراط يسمحلنا بمتابعه بتفاصيل حياتها الخاصه

اعمل ايه قولي حل انا لو مسالتش مش هعرف اتصرف

ولو هكتب في اكتر من منتدى او بيوزر جديد لازم اقول المشكلة من اولها واشرح تفاصيل طويله

اعمل ايه غير اني اسال

بس مش بتكلم مع حد يعرفني في اي حاجه

شكرا لحضرتك

أختنا الكريمة... إنسانة

أولاً: والدك سيفرحه رؤيتك وإن ظننتِ غير ذلك، فاحرصي على زيارته واسعي إلى ذلك سعياً حثيثاً. المرأة صاحبة زوجة والدك مؤكد تعرف عنوانهم وتفاصيل لا تعرفينها عن حياتهم بحكم تواصلها معها. كلميها وخذي منها العنوان

ثانياً: إذا كنت تعرفين الرقم الأرضي لبيت والدك، فسيسهل عليك معرفة العنوان من خلال دليل الهاتف الأرضي في مصر.

ثالثاً: لو رآك أبوك وفعل بك الأفاعيل اصبري عليه وقبّلي يديه، أنا لمست من كلامك محبتك له ومكانته الكبيرة في قلبك.. صدقيني لو - لا قدر الله – لم يكتب لك رؤيته مرة أخرى ستحزنين حزناً كبيراً طول حياتك، وستشعرين بذلك لما تكبرين في السن، خصوصاً إذا تكررت معك القصة وابتعدت ابنتك عنك..

رابعاً: أنصحك بالصدق مع طليقك. تواصلي معه ولو عبر وسطاء وقولي له بأنك ستأخذين ابنتكما معك لزيارة والدك المريض. هو سيعرف حتماً إن أخفيتي عنه، لذا الأفضل أن تختصري الموضوع من البداية وتذكري أن "الصدق ينجيك". وهو سيقدِّر لك ذلك

خامساً: صِلِي رحمك، وبرّي والدك وإخوانك، اصبري على أي كلمة يقولونها لك. صدقيني "الدم بيحن" ومهما حصل سيسعدهم رؤيتك