خطر عليه وخطر على بنتي
هي ممكن من قهرها تقوله هاتها اربيها وتنتقم من البنت وبعد كدا تتصرف معاه
لا انا مش هقدر اهدد لاني مش عايزة مشاكل ومش هقدر اخلي بنتي معرضه لكدا
عرض للطباعة
اخيرا ظهرتي. كنت هبعتلك رسالة اسأل عنك لكن شعرت انك مشغولة و مش بتدخلي المنتدي اساسا.
انا مذهولة فعلا . القانون السعودي في صفه حتي لو يدعها عند صديقه او مع مربية ؟ كل ده بسبب السفر الي مصر؟
ايه يا بنتي كل ده؟ انتي قفلتيها كدة خالص. انتي ادري التفاهم احسن. انا لم اقصد تهدديه ابدا لكن كنت اعتقد ان موقفه ضعيف و مش في موضع تهديد لك.
عموما البعد عن المشاكل افضل لانه والد ابنتك و مضطرة للتعامل معه . ربنا ييسرلك امورك و يهديه
لا يوجد سبب منطقي لهذه الخطوة
إلا لو كانت متلازمة ستوكهولم
إبحثي عن السبب أو العلاج
يسعد مساك
كلامك اسعدني جدا انا بشكرك جدا على حرصك
وانا ممكن اكون بحسبها بتعقيد بس من كتر القصص اللي بسمع عنها واللي مريت بيه انا بترعب لما بتخيل اي حاجة من دي تحصل لبنتي
وانا هكون مرتاحة اكتر وانا بسلك كل الطرق اللي بيها مخليش حد عايز يضرني واخد بالي من كل حاجة حتى لو موقفه ضعيف هو بيهددني انه ياخدها فلازم اعمل حسابي انه ممكن يكون يقدر
كنت في الاول هاخدها من مغير ماقوله ولو عرف كنت هقوله خفت على بابا ونزلت اطمن عليه
لكن كدا مش عارفة ايه الضمنات اللي ممكن تضمنله اني مش هستقر هناك
انا باخد كلامك على محمل الجد ووصلني تحذيرك بشكل واضح وفهمته ولكن شوفته متاخر
و هوضحلك عشان تعرف الدافع اللي خلى امامي حل واحد وهو الرجوع للسعودية على انه محفوف بالمخاطر
بس الاول لازم اقولك اني حاليا تلاشى من عندي اي شعور سلبي من بابا اشترط التعليم والشغل ودول اللي خلوني عرفت اقف على رجليا كتب الشرطين ليه لو كنت مش هماه ؟ يمكن كان عنده مشاكل انا معرفهاش
الخلاصة اني نفسي اشوفه حتى لو مفيش سبب هل دا غلط ؟
انت مؤمن بالكلام دا ولا لا ؟ ( وقضى ربك ألا تعبدوا إلا إياه "وبالوالدين إحسانا "إما يبلغن عندك "الكبر" أحدهما أو كلاهما فلا تقل لهما أف ولا تنهرهما "وقل لهما قولا كريما" ، واخفض لهما جناح الذل من الرحمة وقل ربي ارحمهما "كما ربياني صغيرا ")
كلمتني عن الايمان بالله كثيرا وفي القران اقترنت عبادة الله بالاحسان بالوالدين , جبت الكلام دا من عندي ؟
بعيدا عن ايماني من عدمه صدقني هذه اكثر كلمات انسانية قرأتها في حق الوالدين على الاطلاق
تاني حاجة انا دخلي من البعثة لو انا سافرت مصر بدون موافقته عرفت انه ممكن يرفع عليا شكوى ويوقف الخدمات فمصدر دخلي الوحيد هيتوقف وهتتلغي بعثتي
تالت حاجة العصبية الزائدة في ردودك مش مطمئنة ياريت يرجع هدوئك المعتاد
موضوع الدول الي قلتها اتمنى فعلا الهجرة وبشكر حضرتك جدا لو هتفيدني في الموضوع دا لكن هجرة مش لجوء
بس انا مش هقدر اقبل شيء بدون مايكون عندي المقابل المادي او تكون خطوات اقدر انا بامكانياتي المادية او العلمية عليها غير كدا نفسيا مش هقدر اقبل حاجة زي دي بدون مقابل اقدر عليه
لا أقصد إطلاقًا موضوع رغبتك رؤية والدك
وطبعًا عارف فضل بر الوالدين في ديني
وكان موقفي هيختلف لو مرحب بك وتعرفي العنوان
لكن مش تنزلي تدوري عليهم .. وإنتِ لا تعرفي شيء عن البلد
ونزولك للسعودية خاطئ
لو كنتِ مصرة على رؤية والدك وكان عندك عائق واحد وهو العنوان دلوقتي رميتي نفسك في عوائق أكتر
ولو كان عندك فرصة تشوفيه دلوقتي مفيش فرصة
ولكن طالما أخدتي قرارك بنفسك يبقى تحملي كل عواقبه بنفسك
ونقطتين لازم تفهميهم
أولًا القرآن آيات إلاهية .. مش كلمات إنسانية
ثانيًا حتى لو فيه تعاليم بتلاقي نفسك متماشية معاها وبتنفذيها ..
دا محصلته ( لا شيء ) طالما خارج دائرة الإسلام
الهجرة أنا تحت أمرك .. ومتقلقيش ممكن بعد ماتهاجري وتستقري تردي مصاريفها بالشكل اللي يناسب وضعك المادي .. لو دا شرطك
وفيما يخص العصبية في ردودي
إنتِ عندك قدرة على الصبر يمكن من طول سنين مشكلتك إكتسبتيها
لكن أنا جبت جاز
أديلك شهرين بتلفي حولين نفسك عايزة تنزلي مصر
دا بالنسبالي ( عك )
عايزة تستمري فـ ( العك ) ومش عايزة تحلي حل جذري يبقى عندي رجاء
بلاش تكتبي حاجة تانية متعلقة بالمشكلة دي بعد ردي
عشان زي ماقلتلك كدا طاقتك على الصبر وبطئك الشديد في حل مشاكلك وعكك كله مهلك لأي حد عنده شوية أعصاب
وعندي رجاء تاني متخليش وضعك حاليًا يخليكي تتفاوضي على شيء مكتوب .. لا تكتبي شيء ولا تمضي على شيء مهما كان
وهترجعي لكلامي بعد فترة وتتأكدي من واقعيته .. مش هتقدري تسافري مصر من السعودية .. إنسي .
متكتبيش تاني عن مشكلتك دي ..
يا رب اصلح الحال
استاذ eso101 ليه التشاؤم ده . هي مش ناقصة حد يخوفها . لا تلومها علي حرصها ، دي بنتها اللي خايفة عليها مش شئ مادي لو فقدته مش مهم .
كمان هي وحدها تماما و لا يوجد من يوجهها و ليس لها من تستشيره غيرنا.
هي حريصة علي ابنتها و لا تريد تركها مع اغراب من غير المحارم و حريصة علي زيارة والدها المريض و تذكر له الخير فقط .هل تعتقد ان يتركها الله ؟. ان شاء الله يفك كربها و يهديها للطريق الصحيح.
مشكلتك اتحلت ؟
هل من جديد ؟
هو معلشى انا داخل فى وسط الخناقه و عاوز اسأل سؤال بره الموضوع خالص
بس ده كلام مهم و انا اول مره اسمعه و فيه قطاع عريض من الشباب بيحلم بيه اصلا و انا من ضمنهم
ازاى اسره تنفع تهاجر لسويسرا او السويد و عاوزه قد ايه فلوس تقريبا
مش بسأل على كندا و استراليا لأنهم نزلين برامج هجره رسميه و معلنه
لكن سويسرا و السويد على حد علمى مالهمشى برامج هجره بالمعنى المفهوم
و كل ابواب هجرتهم تنحصر (على حد علمى) فى الزواج من حامله للجنسيه