الى كل مضارب او متاجر فى الدولار ......
بصو يا جماعه
أنا من كتر ما قريت فى المنتدى عن ناس عماله تسال عن سعر الدولار بغرض التجاره او المضاربه او ناس عماله تسخر من القرارات الى البنك المركزي أخدها ( معتبر ان نواياهم سليمه لانى مدخلتش قلوبهم ) و ناس عجيبه عماله تحط كومنتات ضحك و سخريه من حال البلد قال يعنى هوه عايش فى سويسرا و بيدخل على نايل موتورز من هناك او حياخد طيارته الخاصة اول ما البلد تبرك و يفلق على بيته الى فى جينيف
أحب بس أقول حاجه صغيره - متقلقوش خالص حتطربق علينا كلنا و على بيوتنا كلنا و على عيالنا كلنا و لن ينجو اجد فاتقو الله يرحمكم الله
نيجى بقى للمهم
١- هوه و انت مسافر بره البلد الى اى وجهه خلقها ربنا بما فيها أمريكا نفسها مينفعش تاخد معاك بوكت مونى غير دولار ..... هوه مفيش حاجه اسمها يورو او استرلينى و تغير من مكاتب تغير العمله الى هناك فى الحته الى انت رايحها بالسلامه .... و لا هوه يا دولار يا اما اخييى ما هو زى ما أنتم عارفين ان الدولار وصل ٩ فى الصرافات ما كده اليورو أرخص بقى طب ما تاخد يورو :) و اوعا تقولى مش حتلاقى حد تغير منه بره يورو او استرلينى- دا حتى البلاد الافريقية - أزعل منك قوى لانى بسافر حوالي ١٥ مره فى السنه وجهات مختلفه فى العالم بقالى ٦ سنين )
٢- بالنسبة لبطاقات الخصم المباشر لو بتشترى او بتسحب فلوس - هوه مفيش حاجه اسمها حساب باليورو و معاك الكارت المباشر عليه تسحب منه - هوه لازم دولار
تصدق او حتى ان لم تصدق - أنا بقالى ٦ سنين بسافر بمعدل ١٥ مره فى السنه و كل مره ليه اروح البنك بالتأشيرة و التذكرة و اخد على الأقل ٢٠٠٠ دولار شوف بقى لو كنت بضارب و بتاجر كنت عملت قد آيه و اقصم برب العزه أنى لم افعل و لو حتى مره - عارف ليه - لانى مسلم احترم ديني و لا ارضى ان تتدنى نفسى
الى حيفع تمن ده مش انت او أنا - الى حيفع تمن الى انت بتعمله فى نفسك و فينا هوه الى مش لاقى يأكل و الى مش لاقى يتعلم و الى مش عارف يربى عياله او يأكلهم .... اتقو الله و اعدو ما ستقولوه لله يوم الموقف العظيم لكى تنجو بنفسك
طبعا أنا كلامى واضح وضوح الشمس و اعتقد ان اول تعليق حيبقى ..... أصل همه الى عملو .... أصل همه الى سوو ..... أصل همه الى زفتو .....
ارجع بس أفكر - فكر حتقول آيه لمولاك و مولانا يوم الموقف العظيم ساعتها مش حقوله أصل همه .... لانه حيسالك سوْال مباشر عن نفسك الإمارة بالسوء
وربنا يدى كل واحد على قد نيته و عمله
لأ هناك ازمة فى اليورو و الاسترلينى
تحياتى أولا و قبل كل شئ انا مش مضارب فى الدولار و ليس لى مصالح من ارتفاع الدولار او انخفاضه.
اجاوب الاول على سؤال هل اليورو و الاسترلينى متوفر كبديل للدولار.....؟ الاجابة لأ طبعا غير متوفر و الا مكنش فيه مشكلة من الاساس ..... هى مكاتب الصرافة و البنوك بتحصل على العملات منين ؟ طبعا من حصيلة التعاملات المالية سواء من الدولة أو الشركات و الافراد , البنك المركزى يعتمد على سلة عملات و احتياطى من الذهب , بالنسبة للعملات ف90% بالدولار و 10% باليورو , واظن المحاولات المتكررة من البنك المركزى لضبط سعر الدولار كانت بطرح دولارات فى السوق مش يورو , ثانيا كام من الافراد و الشركات تتعامل بالدولار و كم منها باليورو , الغالبية العظمة بالدولار , موضوع انك تنزل السوق علشان تسأل عن 2000 و لا 5000 يورو معلش ده كلام غير منطقى و ده لا علاقة له بأزمة الدولار , الازمة سببها احتياج الشركات المستوردة ( و ما اكثرها للدولار ) يعنى مثلا شركات السيارات محتاجة مئات الملايين من الدولارات مش هتقدر تجمعهم من مكاتب الصرافة مثلا مش حضرتك تقول 2000 دولار ...مش ده اللى خلق المشكلة.
الشئ الثانى حضرتك مسئلتش نفسك الشركات المستورة للسيارات الاوروبية المفروض على كلام حضرتك معندهاش مشكلة الشراء من اوروبا باليورو و دفع الجمرك باليورو ...طب ليه فى مشكلة ؟ يا ريت حضرتك تجاوبنى.
الحقيقة لازم اوضح شئ مهم :
1-عندما يريد الشخص ( اى شخص) وضع مدخراته فهو يتحرى على ما يعرف بالملاز او الملجأ الآمن يعنى يضع امواله فى اشياء مضمونة الا تخسر من قيمتها الكثير خصوصا فى الازمات ( عملات تابعة لأقتصاد قوى , ذهبو, عقارات الخ) , طيب اسوق مثل بسيط لو كان عندك 100 الف جنيه مصرى ( قدرته الشرائية مثلا تجيب 1000 قطعة من السلعة اكس ) من شهرين بالضبط و بحسبة بسيطة هتعرف ان الجنية المصرى خسر 15% من قيمته مقابل الدولار بمعنى ال100 الف جنيه هتجيب 850 قطعة فقط من نفس السلعة بعد مرور الشهريين السابقين.
2- نفى الحقيقة لا يعنى انها غير موجودة ....يعنى لازم نعترف بوجود ازمة اقتصادية و الغرض هنا هو طرح المشكلة للنقاش و ايجاد الحلول ( طبعا احنا لا بنحل و لا بنربط بس ده لا يمنع النقاش ) و اكيد احنا مش فى سويسرا او لمريكا احنا فى قلب الاحداث و لو حصلت اى مشاكل فنحن اول المتضررين و ده اولى لنا بالنقاش.
3- هل هناك سياسات متضاربة و هل السياسة المالية غير سوية ؟ الاجابة طبعا بالقطع و المجال هنا لا يتسع لهذا الباب و النقاش فيه.
4- اخيرا و رجوعا للامثال و التراث الشعبى استلهم المثل الفصيح " يابخت من بكانى.........."
