المروحة تعمل مع تدويرة الكونتاكت

من سنة أو أكثر كان عندى مشكلة إن مروحة الرادياتير كانت لا تعمل عند سخونة المحرك وقد قمت بتغيير ترموستات المروحة (اللى بيبقى متركب فى الرادياتير) علشان كان بايظ وتم تركيب غيره والدنيا اتظبطت .
النهارده بقى العملية اختلفت شوية فقد فوجئت بإن المروحة تعمل مع تدويرة الكونتاكت ومابتفصلش .
فهل برضه العيب يكون هو الترموستات بتاع المروحة اللى جاى من الرادياتير ؟ تعليقة مثلا أو تلميس ولا ممكن يكون إيه ؟
والسؤال المهم بقى دلوقتى هو إنه نظرا لضيق المكان بحوض العربية وعدم التمكن جيدا من فك الترموستات هل لازم أفك الرادياتير كله بره العربية (مع العلم إن فى المرة الأولى تم فك الرادياتير برة العربية بواسطة الكهربائى) ولا فيه طريقة تانية ؟
أرجو الرد ومعاونتكم على تحليل الموقف قبل التوجه مرة أخرى للكهربائى

هي سوزوكي مش كدا
ولو فرضنا مفهاش لعب ، العربيه دي شغلها مريح مش ضيقه. هتحل ترمله او فيشه من ترموستات المروحه
ان دارت يبا الريليه معلق توصيل هتغيره ، ان مدارتش يبا الترمو عامل شورت ، لو عندك افو تقدر تقيس الطرفين وتعرف ان كان موصل طوالي

هي سوزوكي مش كدا
ولو فرضنا مفهاش لعب ، العربيه دي شغلها مريح مش ضيقه. هتحل ترمله او فيشه من ترموستات المروحه
ان دارت يبا الريليه معلق توصيل هتغيره ، ان مدارتش يبا الترمو عامل شورت ، لو عندك افو تقدر تقيس الطرفين وتعرف ان كان موصل طوالي
فك الردتير سهل جدا. هتجيب كونتينر نضيف تحت الردتير وتفتح الحنفيه ، هتخل الخرطومين فوق وتحت . واتنبن كلامب ماسكين فوق بمسامير راس ١٠ او ١٢ وتفك الفيش هيطلع في ايدك.شغلانة تلت ساعه زي الحلاوه

أولا أشكر رد حضرتك على إستفسارى
ثانيا أنا فعلا قمت بفصل الفيشة (الكلبسة) اللى جاية من الترموستات (اللى فى الرادياتير) فالمروحة بطلت ومع توصيلها تانى المروحة تشتغل والكهربائى قال إن الترموستات عاوز يتغير .
لاحظ حضرتك إنى كمان عاما مفتاح لتشغيل المروحة دايركت فى حالة إن الترموستات علق أو باظ والمفتاح ده طبعا دايما مقفول ولم يستعمل أبدا منذ أن تم تركيبه لأنى لم أحتاج إليه .
هل كده الموضوع يبقى ترموستات يحتاج تغيير ؟