| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 18

  1. #1

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    Thumbs down تقرير و انطباع عن رينو لوجان بعد ٣٠.٠٠٠ كم بعد سنة و نص - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم و رحمة الله و بركاته

    بقالي كتيير مختفي بالتقارير عن العربية فقولت انزل تقرير عن العربية بعد سنة و نص مشيت فيهم ٣٠.٠٠٠ كم متضمن انطباعي عن العربية و المشاكل اللي وجهتني و حلها
    العربية لوجان ٢ موديل ٢٠١٥ كومفرت
    ماشية ٣٠.٠٠٠٠ كم و كسور
    هتكلم عن العربية نقطة نقطة و وجهة نظري الشخصية

    - الشكل الخارجي :



    مقدمة العربية هجومية ليها برستيجها بتعجبني و هي ماشية وحش داخل عليك لكن تشوف شكل الشنطة بيبقي هيغمي عليا مع ارتفاع العربية ورا و الخلوص الكبير اللي بين الكاوتش و البودي ساعتها مش هيغمي عليا بس لا ده انا هتشل بس النقطتين دول حلهم بسيط اولا الارتفاع اظبط الكاوتش كما هو موصي به ٣٢ قدام و ٢٩ ورا هتلاقيها اتعدلت شوية و فيه توازن و الحل التاني جنط اكبر او كاوتش بروفايله اعلي بس هيكون ع حساب الثبات اما الشنطة هو سبويلر صغير عبارة شفة كده بتظبط شكل الشنطة
    نيجي للتصميم اللي اختلف عن القديم و البومييه اللي حصل مخلي شكلها حلو بس مش شايف ايرودينامك في التصميم بس مش هتبقي محتاجها لانها في الاصل عربية مدينة و انا جبتها كعربية للمدينة في المقام الاول
    حاجة تانية بالنسبة الشكل كانت العربية محتجاها و هو الحلية النيكل اللي راكبة ع الفوجات زي اللي بتنزل برة و بدور عليها مش لاقيها هنا شكلنا ممكن نجيبها شحن من برة و نركبها
    الاكصدام اللي ورا كان محتاج شوية شغل و ينزل شوية مع تظبيط السبويلر الصغير اللي قولت عليه العربية ديه اتظبطت خلاص الا لو حابب تضيف حاجة
    كده خلصنا من الشكل الخارجي

    - الشكل الداخلي :



    تصميم التابلوه و الابواب حلو و بسيط مش معقد بس موضوع عصاية الفتيس البعيدة شوية كنت اتمني تبقي اعلي و اقصر و حلها اني بنزل الكرسي و اقرب من الدريكسيون شوية لكن برجع في كلامي عشان اراعي بعد الامان عن الدريكسيون فبرجع لنفس

    النقطة تاني زرار الانتظار بعيد شوية كنت اتمني يكون اقرب لان الواحد بيستخدمه كتير عند المطبات او التوقف المفاجئ

    مازلت متضايق من موضوع زراير الازاز الخلفي في التابلوه مش في الباب جنبي

    زرار الكلاكس اللي في الدراع عاجبني بصراحة بس ده لو ماشي في طريق مستقيم لكن عشان الف يمين او شمال و ادوس عليه مبعرفش و بتجنن

    درج التابلوه صغير اوي بالرغم ان التابلوه حجمه مش صغير و كنت اتمني لو كان طول التابلوه يقل شوية و يتيح وسع للصالون لكن معرفش هل التصميم معتمد ع الامان ام مجرد للشكل و التصميم العام

    موضوع البلاستيك السيلفر اللي راكب ع الابواب مجنني بصراحة عشان ازعاجه و عدم ثباته و زنه



    احلي حاجة عاجباني غير الوسع تصميم الفرش بالرغم انه قماش مش جلد بس عاجبني لدرجة اني معملش فرش تفصيل بس الموكيت مستفز و عايز اركب فرش جلد للارضية عند جينز كار عشان مجرب شغله كتير من سنين بس المشكلة في الوقت مش لاقي وقت اروح اعمله فالموكيت اتبهدل اخر بهدلة

    الساوند سيستم في العربية كويس و مش محتاج تعديل ع الاقل بالنسبة لي

    نيجي للشنطة بصراحة ما شاء الله واسعة و بتشيل بس يعيبها تقفيل الفوانيس الخلفية عشان مفيش تقفيل اصلا بس حلها بسيط تفصلها غطا جلد بس انا هفصل و اصب لها غطا بلاستيك خلاص هيبقي جاهز و هبقي انزلكم تقرير بيه ان شاء الله

    الحوض و تقسيمته كويسة و تحس ان لو حد حب يشتغل في العربية هيشتغل بسهولة بس نيجي برده لمشكلة التقفيل زي الفوانيس الخلفية المرة ديه الضفيرة نفسها سلوكها متسابة كده بشكل مستفز بصراحة و ديه حلها تجيب خراطيم تقسمها و تغطيها او يتفصل لها علبة و خرطوم يغلف الاسلاك برده
    بس عاجبني انهم نزلوا الكبوت بمساعد يرفعه
    كده تقريبا خلصت العربية من الداخل

    - أداء العربية :

    بالنسبة التسارع فالعربية عادية بالنسبة شخص زيي بعتبرها بطة بسبب وزن العربية مع موتور ١٦٠٠ كامة ٨ صمام و طبعا عارفين كام هورس باور و العزم فلو الموتور ع بدن اخف كان هيبقي افضل العربية ديه محتاجة الموتور بتاع الاوتو ع الفتيس المانيوال هتلاقي وحش معاك بس طبعا زي مقولنا في الاول ديه بنسبة كبيرة عربية مدينة فمتحلمش باكتر من كده منها

    اكتر شئ بيستفزني صوت الموتور العالي و بلية الفتيس المعتادة في كل موديلات اللوجان المانيوال يعني لو صوت الموتور فيه نعرة رياضية كان هيبقي مقبول بالنسبة لي لكن جرار زراعي عاملي صداع و عشان نوصل للنعرة ديه ليها حلين اسهلهم و افضلهم فلتر هوا رياضي بلاش تلعبوا في الشكمان و حد يقنعكم بالفكرة الفاشلة اللي اسمها ديفيل

    طبعا عزل العربية اتحسن عن الشكل القديم و ده اللي مهون الصداع شوية بتاع الموتور و الازعاج برة لما بقفل الازاز
    و عجبني ان العربية مصفحة من تحت و ده امان للموتور من تحت

    بالنسبة للعفشة للاسف العفشة ناشفة لدرجة لا تناسب شوارعنا و مطبتنا لما بمشي في شوارع مكسرة و مطبات بالرغم انه نادرا بس بتعب جدا بسبب العفشة و نشوفيتها الميزة ان العربية عالية فمفيدة في المطبات و ايام ابشوارع لما غرقت بسبب المطرة
    و بفكر في المستقبل ان شاء الله اعمل تعديل لنوع المساعدين يهدي النشوفية ديه شوية

    بالنسبة الثبات زي مقولت سابقا العربية عالية عن الارض مع عدم وجود ما يساعد ع ثبات العربية فثباتها عادي و محدش يفكر يتهور بيها ع سرعة عالية عشان ربنا يسترها معاك
    و طبعا الباور زيت و تقيل بزيادة فده مفيد ع السرعات العالية للأمان

    بالنسبة للفرامل فهي ما شاء الله كويسة في التماسك و بتكون افضل لو غيرت الكاوتش لكاوتش افضل من اللي بينزل ستوك و بصراحة اسعفتني كذا مرة بس يعيبها التيل اللي بيخلص بسرعة اللي بيخليها تقعد معايا اكتر من ناس كتير ان اغلب طرقي سريعة مبدخلش بيها وسط البلد الا نادرا عشان بسيبها مبنزلش بيها تحت عشان الواحد يرتاح من حوار الركنات و الزحمة و الحمد لله ع نعمة المترو و باصات الرحاب و مدينتي و شركات الليموزين زي اوبر و كريم احيانا و يبعد عنا الميكروباصات و التاكسيات و قرفهم و استغلالهم و تعاملهم السئ
    بس للعلم ان العربية ناشفة شوية في السواقة مقارنة بباقي العربيات يعني لو نازل من كوري عامة او ياباني هتحس بفرق الشاسع في نعومة العربية لصالح الكوري و الياباني

    - بالنسبة للتوكيل و الصيانات

    انا بعتبره من التوكيلات الكويسة و خاصة انه لو فيه حاجة محتاجة تتغير في الضمان بتتغير عالطول بدون مماطلة ع الاقل ده اللي حصل معايا اكتر من مرة
    بس ليا تعليق ع التوكيل في طول وقت الصيانات لان اي صيانة بروح ٨-٩ الصبح مبمشيش قبل الساعة ٣-٤ العصر يعني يوم بيضيع و الواحد بيروح بالعافية نظرا لان مفيش وقت
    تاني حاجة حكاية الغاء صيانات دورية ٥.٠٠٠ و ١٥.٠٠٠ و .... و ..... الفترة ديه نظرا لاهمية الصيانات ديه من فحص العربية خلالها و كان فيه ورقة متعلقة هناك مكتوب فيها ضرورة الصيانات ديه و عدم متابعتها مع التوكيل او مراكز الصيانة هتخرج العربية من الضمان طب ايه الوضع دلوقتي يا اساتذة ؟؟!!

    اما قطع الغيار و الصيانات و اسعارها المتغيرة و مرة عملت مشكلة بسبب ان العميل اللي بيدفع جنبي نفس صيانتي و التيل و لقيته بيدفع اقل مني و السعر اللي اتقالي و انا بحجز كان حاجة تالتة طب ازاي ؟؟؟!!! و عدلوها و اعتذروا و دفعت زيه و ده حصل معايا مرتين و في نفس الوقت شايف ان الصيانات و بعض قطع الفيار سعرها عالي شوية

    و اخيرا و ليس اخرا ان فيه بعض المهندسين بيستخفوا بعقلك و يعاملوك ع انك جاهل لا تفقه شئ في العربيات لعدم الاهتمام ميعرفوش ان الواحد كان بيعمل تقارير عن العربيات اصلا اول ما تنزل و كويس ان عددهم قليل جدا و مع ذلك اغلب اللي اتعاملت معاهم من مهندسين هناك بيحترموا عقلك و يتناقشوا معاك و المناقشة بتكون مفيدة للجميع و هم معروفين هناك
    و لسه ناوي ان شاء الله اجرب مركز فرينش موتورز لاني لقيت كله بيشكر فيه و مبيقعدوش وقت طويل و في نفس الوقت بيني و بينه دقيقتين و اتعاملت معاهم مرة في فحص سريع و كان الاستقبال و التعامل كويس المهم يكونوا كده في الصيانات برده

    بالنسبة المشاكل اللي وجهتني :

    - قطمة دريكسيون و تم تغييرها في الضمان
    - مساعد و تم تغييره في الضمان
    - اويل سيل كرنك خلفي و تم تغييره في الضمان و ربنا يستر ع الامامي
    - كوبلن كامل و تم تغييره في الضمان
    - دراع النور و الكلاكس بيعلق من وقت للتاني و كل مرة يعملوه و يرجع تاني بعد فترة و لسه متمش تغييره
    - بوابة ريسايكل لسه متمش تغييرها و فيها بيات للعربية اسبوع
    - و فيه زيت ع علبة الباور و لسه هنشوف ايه قصته الصيانة الجاية
    - تنفيس الشكمان بشتكي منه كل صيانة اخر صيانتين يحلوه و يرجع ينفس تاني بشكل اقوي لما اتجننت راكب عربية منفسة اجدعان
    طبعا موضوع الحرارة اللي بتطلع ع الواحد من تحت التابلوه قصتها معروفة و حلها بس ما علينا بتنفع في الشتا
    مش فاكر كان فيه حاجة تانية ظهرت و لا لأ بس كفاية كده أصلها ارزاق و انا مبخت

    - طب العربية محتاجة ايه و بتكلم عن نفسي لو حد عنده اضافة يتفضل
    - محتاجة سبويلر صغير ع الشنطة زي اللي بيركب ع الـ F30
    - ممكن اكصدام خلفي فيه شوية شغل يناسب الاكصدام الامامي و تصميم العربية
    - حلية نيكل في الاكصدام قدام حوالين الفوج لايت
    - تغيير نظام الاضاءة كله الي ليد او هالوجين ابيض و ممكن تعمل نظام اضاءة كويس في Tunning mania
    - جنوط اكبر درجة مع مراعاة المقاسات و الوزن لعدم التأثير ع العفشة او الابقاء ع المقاس الحالي مع تعديل الكاوتش بمقاس اعرض درجتين و ارتفاع اقل درجة
    - تغيير الكاوتش الستوك بنوع اعلي زي بريدجستون و نقشة مناسبة هتحسوا بفرق شايع و املوا نيتروجين من بريدجستون نفسهم هو اكتر مكان يثق فيه في اني املي نيتروجين من عنده او اظبط زوايا
    - و بمناسبة تغيير الستوك لو طلعت من الضمان او خلص جرب تغير لزيت كاسترول او امسويل و شوف الفرق و كذلك افضل عن نفسي تغيير زيت الفتيس ع ٥٠.٠٠٠ او ٦٠.٠٠٠ كم بنوعية نضيفة برده نفس اللزوجة
    - تغيير المستعدين لمساعدين زيت ع غاز
    - طقم بارات
    Front strut bar
    Rear upper & lower strut bars
    Side bars
    اما لو قلبك يطاوعك تفك الرفارف و تركب fender bar لو متاح عيش حياتك بس انا معرفكش
    - و ممكن اللي حابب فلتر هوا رياضي يبقي تجيب فلتر يكون replacement بلاش universal و خلافه طالما متعرفش التأثير او تعمل تعديل ع كومبيوتر العربية لنسب خليط الهوا و البنزين عشان متأثرش بالسلبع الاداء و استهلاك البنزين
    او تريح نفسك و تغير الفلتر الستوك كل ١٠.٠٠٠ هيفضل الاداء كويس
    - موضوع البوجيهات لسه ببحث فيه و مستقرتش ع حاجة بخصوصه لحد دلوقتي و عامة الحالي كويسين
    - فرش ارضية جلد ده مهم جدا مع الشنطة برده بجانب فرش للكراسي للحفاظ ع الفرش الستوك و نصيحة فرش الكراسي يكون تفصيل مش كسوة عشان متندموش و عن تجربة افضل فرش تفصيل جربته كان من Jeans Car

    http://www.nilemotors.net/Nile/133983-a.html

    - تقفيل ضهر الفوانيس الخلفية و كذلك اسلاك الضفيرة في الحوض
    - عايز ازود عزل العربية شوية عن طريق اضافة طبقة ٧ مم او طبقتين ٥ مم لباد تحت عازل الكبوت و تحت فرش الارضية جلد طبقة ٧ مم او طبقتين لباد ٥ مم برده تحته و كذلك الشنطة ارضيتها و باب الشنطة برده و كان نفسي للأبواب طبقة بس قلبي مش مطاوعني افك فرش الابواب دلوقتي
    - تغيير الاريال الطويل بواحد اقصر ميزدش عن ٣٠ سم شكلا و اامن من الكسر عن الطويل انا شيلته في البيت اصلا عشان اتقرصت قبل كده
    - و اخيرا نفسنا باب الشنطة يتفتح من جوة و ديه حلها بسيط جدا كل اللي هنحتاجه ناخد المقاسات و الطول و نجيب السلك و الورد المناسبة و نوصل و نعدل السوست فتفتح لوحدها اما اللي هيسأل ع باب تانك البنزين هي ليها حل بس انا شايف انها كده أأمن و ده المغزي من تصميمها بالشكل ده عشان محدش ينسي العربية شغالة و يملي بنزين و ساعتها العواقب هتكون وخيمة
    - فيه بقي شوية تكات بسيطة ممكن تضاف مستقبلا زي وحدات رفع الازاز و يتوصل ع السنتر و باركينج سينسورز عشان اللي معندوش في الفئة بتاعته
    معتقدش محتاجة حاجة تانية من وجهة نظري

    و اخيرا في المجمل و بشكل عام العربية كويسة و شغالة و مش وحشة و مناسبة بشكل كبير لشوارعنا بس بالنسبة لي او بالنسبة لواحد بيركب او ركب عربيات مختلفة اعلي منها فالعربية كأداء عادية جدااا و ماشية مش توب يعني اما لو واحد نازل من عربية قديمة او اقل منها هيلاقيها كويسة جدا و في جميع الحالات محدش ينكر انها الافضل في فئتها من ساعة ما نزلت سواء الشكل القديم او الجديد بالرغم كل اللي ظهر

    لو حد ناوي يعمل فرش عند جينز كار او يغير نظام الاضاءة عن توننج منيا او يجيب كاوتش من بريدجستون فيه خصم لاعضاء نايل موتورز

    http://www.nilemotors.net/Nile/459996-a.html

    و ده كان تقرير لرينو لوجان ٢ ٢٠١٥ بعد سنة و نص من الاستخدام و اللي عنده استفسار يتفضل و انا ان شاء الله ارد عليه


  2. #2

    الصورة الرمزية A7medelfe2y

    رقم العضوية : 62259

    تاريخ التسجيل : 15Feb2010

    المشاركات : 880

    النوع : ذكر

    الاقامة : tanta

    السيارة: yarbbbbbbbbbb

    السيارة[2]: Aveo 1.5 m.t 2009

    دراجة بخارية: no

    الحالة : A7medelfe2y غير متواجد حالياً

    افتراضي -

    تقرير محترم وحيادي جدا بدون تحيز


  3. #3

    الصورة الرمزية graffittiii

    رقم العضوية : 97030

    تاريخ التسجيل : 30Apr2011

    المشاركات : 1,345

    النوع : ذكر

    الاقامة : Tanta

    السيارة: isa

    السيارة[2]: punto

    دراجة بخارية: Not interested

    الحالة : graffittiii غير متواجد حالياً

    افتراضي -

    طول عمرك باشا

    بس إنت حطيت ع العربية حطت السنين بصراحة هههههههه
    أنا معرفش عنها حاجة بس فـ الشكل شكلها وحش أوي .. بالنسبالي الأفيو شكلها أحلي .

    مجبتش سيرة التكييف ؟
    و موتور المانيوال مختلف عن الأوتو أصلا ؟ ولا Control remapping بس ؟

    [all1=#88ff00][OVERLINE](((سبحان الله وبحمده .... سبحان الله العظيم )))[/OVERLINE][/all1]


  4. #4

    الصورة الرمزية autowahba

    رقم العضوية : 184749

    تاريخ التسجيل : 17Feb2016

    المشاركات : 9

    النوع : ذكر

    الاقامة : قويسنا

    السيارة: فورد اسكورت

    السيارة[2]: فيات 127

    الحالة : autowahba غير متواجد حالياً

    افتراضي -

    هو حضرتك قلت ان الشنطة مبتفتحش من جوة اومال بتفتح ازاي لازم تنزل تفتحها ؟؟؟؟
    وتانك البنزين نفس الحوار كده ؟


  5. #5

    الصورة الرمزية mrghost

    رقم العضوية : 2585

    تاريخ التسجيل : 12Oct2007

    المشاركات : 4,564

    النوع : ذكر

    الاقامة : cairo

    السيارة: alto 2015

    السيارة[2]: verna 2015

    دراجة بخارية: لا يوجد

    الحالة : mrghost غير متواجد حالياً

    افتراضي -

    عمرو باشا تقرير حيادى وزى الفل
    بس انت كده شركت العربية خالص
    انا معايا فيرنا وكنت ناو. ادخلها فى لوجان بس بصراحه كده الفيرنا احسن


  6. #6

    الصورة الرمزية عقرب عجوز

    رقم العضوية : 184634

    تاريخ التسجيل : 15Feb2016

    المشاركات : 71

    النوع : ذكر

    الاقامة : القاهرة

    السيارة: رينو

    السيارة[2]: كيا

    الحالة : عقرب عجوز غير متواجد حالياً

    افتراضي -

    تقرير محترم وزي الفل
    ربنا يباركلك فيها


  7. #7

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة a7medelfe2y مشاهدة المشاركة
    تقرير محترم وحيادي جدا بدون تحيز
    الله يخليك يا باشا تسلم بس المهم الناس تفهمه صح


  8. #8

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة graffittiii مشاهدة المشاركة
    طول عمرك باشا

    بس إنت حطيت ع العربية حطت السنين بصراحة هههههههه
    أنا معرفش عنها حاجة بس فـ الشكل شكلها وحش أوي .. بالنسبالي الأفيو شكلها أحلي .

    مجبتش سيرة التكييف ؟
    و موتور المانيوال مختلف عن الأوتو أصلا ؟ ولا control remapping بس ؟
    ههههههههه حبيبي يااااااه من سنين السنين ع المنتدي
    الاتنين بالنسبة ليا واحد بس افيو عندي شوية تعليقات ع توكيلها
    التكييف كويس مش وحش بس مش قوي زي الياباني و الكوري طبعا
    موتور المانيوال ٨ صمام كامة واحدة
    موتور الاوتو ١٦ صمام ٢ كامة و طبعا فرق هورس باور بس مع فتيس اوتو مش هتحس بفرق كبير بين الاتنين غير استهلاك بنزين و تيل اكتر بس


  9. #9

    الصورة الرمزية pepo2011

    رقم العضوية : 158339

    تاريخ التسجيل : 03Apr2014

    المشاركات : 2,282

    النوع : ذكر

    الاقامة : القاهرة

    السيارة: BMW 318i

    السيارة[2]: Peugeot 405

    دراجة بخارية: HONDA CBR 600F

    الحالة : pepo2011 غير متواجد حالياً

    افتراضي -

    تقرير محترم جدا ومشكور علي المجهود
    بالتوفيق


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة autowahba مشاهدة المشاركة
    هو حضرتك قلت ان الشنطة مبتفتحش من جوة اومال بتفتح ازاي لازم تنزل تفتحها ؟؟؟؟
    وتانك البنزين نفس الحوار كده ؟
    حضرتك بتفتح لوك الشنطة من زرار السنتر لوك جوة العربية لو مش قافلها بالمفتاح و بتكتفي بقفل السنتر لوك و لما تفتح السنتر لوك زي الابواب لازم تدوس ع الزرار و تفتح الشنطة الفكرة بتاعتي انك تفتح الشنطة باللوك و يكون فيه دراع يفتح باب الشنطة بسوستة زي انواع تانية



 
صفحة 1 من 2 1 2 الأخيرةالأخيرة

المواضيع المتشابهه

  1. تقرير صيانة الـ10000 رينو نيو لوجان / لوجان 2
    بواسطة Amr Axel في المنتدى قسم خاص بالسيارة لـــوجـــــان
    مشاركات: 5
    آخر مشاركة: 19-06-2015, 11:39 PM
  2. تقرير استلام متواضع .. رينو لوجان اوتو
    بواسطة كوباية شاى في المنتدى قسم خاص بالسيارة لـــوجـــــان
    مشاركات: 21
    آخر مشاركة: 10-07-2012, 08:00 PM
  3. تقرير مصور رينو لوجان 2011 الروماني
    بواسطة elsherif_2000 في المنتدى قسم خاص بالسيارة لـــوجـــــان
    مشاركات: 17
    آخر مشاركة: 05-07-2011, 09:08 AM
  4. تقرير صيانة 20000 كيلو رينو لوجان
    بواسطة akerima في المنتدى قسم خاص بالسيارة لـــوجـــــان
    مشاركات: 17
    آخر مشاركة: 29-05-2011, 05:03 AM
  5. انطباع اولى عن لوجان فول اوبشن
    بواسطة ahmadalsattar في المنتدى قسم خاص بالسيارة لـــوجـــــان
    مشاركات: 48
    آخر مشاركة: 19-01-2010, 03:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2