المشاركة الأصلية كتبت بواسطة aymanabdelwhab
بص يا باشا
التوكيل زفت وطين ومش مقدر الجوهره اللي هو بيبعها
زيه زي اغلب التوكيلات حاليا في مصر لازم تسوق قله الادب عشان تعرف تاخد حقك منهم
العربيه معايا بقالها شهرين .. عربيه محترمه جدا وتسوي اكتر من فلوسها بجد .. لو تفتكر كانت نزلت في 2014 الهاي لاين ب 175 الف وربنا يعوض علي الناس اللي جبتها بالسعر ده بقي
طبعا دي غير الفئه اللي بتنزل دلوقتي بس مازال سعرها اكتر من رائع لاي حد بيفكر في عربيه محترمه
الانتشار .. زي منتا شايف بقي عليها سحب كتير وصدقني التمييز في العربيات الزيرو حاجه حلوه لانك هتقني مش ااقل من 5 سنين دي زيرو يعني فاما تبقي ماشي الناس تبص عليك احسن ما تركب شارك اللي امه محمد كلها راكبها وياريت فيها ربع وسائل الامان اللي في التوليدو .. بس احنا شعب ماشي بسياسه القطيع ...
وربنا يكتبلك اللي فيه الخير