في حاجه محيراني جدا يا جماعه
انا عايز حد يكون جرب العربيتين النيو اكسنت1.6 و السيتي1.3
مع وضع في الاعتبار فرق السعر
يقولي مين احسن من ناحيه ثلاث جوانب
1-الاعتماديه؟(مش عشان الهوندا سيتي يباني خلاص يقول السيتي احسن ياريت تقييم عادل مش بالسمعه فقط)
2-سعر قطع الغيار و الصيانه مين ارخص؟؟(يايريت حد يدي مثال باسعار)
3-سعر اعاده البيع
ارجوكم يا جماعه لاني حيران جدا و مش عايز حد يقولي مثلا هات نيسان صني
انا عايز حد يرد علي اسألتي واحد اتنين تلاته
متشكر جدا و اسف علي الاطاله و مستني ردكم
هات نيسان صني
ههههههههههههههه
الاعتماديه :السيتى عربيه كويسع وكانت مع صاحبى عمره ما اشتكى من حاجه ولاعيوب..كانت مشكلتها الوحيده الثبات و كانت موديل 2005
القطع :متوفره للعربيتين فى التوكيل وقليله خارج التوكيل...اما الاسعار طبعا الهوند غاليه بس فى ناس بتيشتكى ان الاكسنت قطعها غاليه.
اعادة البيع :السيتى بتنزل جامد صاحبى لما بعها سعرها كان نازل جدا..الاكسنت معرفش.
بس الهوندا افضل بصراحه كفايه ان توكيل محترم
سيتي يا باشا وممكن كمان تفكر فى جين 2 او بيرسونا 2009
الهوندا اعتمادية معرفة طبعا بس الهيونداى اثبتت اعتمادية لا يستهان بها على الاطلاق
قطع غيار انا شايف ان الهيونداى ارخص بكتير
سعر اعادة البيع الهيونداى طبعا يكسب و باكتساح
و عارف لو تسالنى اجيب ايه هاقولك هوندا علشان توكيلها مريح على الاخر و كنت هاشتريها بس كفة الجين2 رجحت
الي هيجنني اني سألت عن الهوندا سيتي 2008 و مش لاقيها تخيلو!!:(
اولا الهوندا سيتى 2008 مش موجودة خلاص ...لان التوكيل بيجهز لنزول ال 2009 اللى هتكون شكل جديد تماما
ولكن لو قارنا بين الاتنين
الهوندا بالطبع اكثر اعتمادية من الهيونداى بكتير ...يابانى ومعمرة جدا
اسعار الصيانة تقريبا واحدة ولمكن توكيل الهوندا احسن بمراحل من غبور
قطع الغيار السيتى اغلى طبعا من الهيوندا ولكن معمرة اكتر بكتيييير
اعادة البيع للاتنين مش فارقة كتير
بس خلى بالك الاكسنت 1600 والهوندا 1300 يعنى فى فارق بين القوة للاتنين
لو فارقة معاك الحصان يبقى الاكسنت طبعا
ولكن حاليا لو بتفكر فى السيتى يبقى تدور على كسر زيرو لانها مفيش خلاص
ولو فكرت كدة يبقى تشوف ال1500 هوندا ....فول اوبشن ..بجد راااااائعة واحسن بمراحل من الاكسنت
وربنا يوفقك