سخونه الجالينا

**Ahmed Refaaat** · 18-02-2016 01:02 AM

السلام عليكم . يا جماعه انا معايا جالينا 2007 والعربيه بسبب السخونه جابت وش سلندر قبل كدا . واشتريت وش جديد وركبته وطرمبه ميه جديده والريداتير كشفت عليه وسلكته والراجل قال تمام مافيهوش حاجه والمراوح تمام بس بتشتغل سرعه واحده . بس هتجنن بعد ده كله برضو العربيه بتسخن جامد فى الزحمه لدرجه انها قربت تدخل على الشرطه الحمره . فاانا مش عارف اعمل ايه خايف تجيب وش سلندر تانى لا قدر الله . لو حد عنده نفس المشكله دى او حل ليها ياريت يقولى . والف شكر لكل اعضاء نايل موتورز

**bluemail** · 18-02-2016 02:34 AM

عليكم السلام
المراوح بتشتغل علي كام؟
والترموستات اخبارها ايه؟

**pepo2011** · 18-02-2016 09:04 AM

لازم الاول تشوف الترموستات والمراوح بتشتغل امتي وهل مظبوطة ولا لاء
وبعد كدع هاتعرف مشكلتك في الكهربا في المراوح ولا في دورة التبريد

**tasaka** · 18-02-2016 09:28 AM

والمراوح تمام بس بتشتغل سرعه واحده . بس هتجنن بعد ده كله برضو العربيه بتسخن جامد فى الزحمه

سبب السخونه على السرعه البطيئه بيكون عاده مراوح
سبب السخونه على السرعه اعاليه بيكون عاده رادياتير ا دوره تبريد

هل المراوح عندك المفروض بتغير سرعتها و دلوقتى لا ( سرعه واحده ) ؟ .. لو كده يبقى تحل المشكله دى اولا و تجرب

**abokoko** · 18-02-2016 10:17 AM

الحراره علي سرعه ممكن تكون ترموستات الكوعه

**Ahmed Refaaat** · 21-02-2016 11:40 PM

هى الترموستات انا كشفت عليها والحمد لله طلعت تمام . المروحه بقى بتشتغل سرعه واحده وبعد ال93 . فاانا مش عارف اعمل ايه . بفكر اركب مروحه تبريد اضافيه ايه راى حضرتك

**Ahmed Refaaat** · 21-02-2016 11:43 PM

العربيه فى الزحمه الحراره بتزيد خالص . لكن على سرعه بتبقى تحت ال90 والحمد لله . يبقى كدا العيب منين .ولو حد يعرف كهربائى كويس ياريت يقولى عليه .

**tasaka** · 22-02-2016 01:04 AM

المشاركة الأصلية كتبت بواسطة ahmed refaaat

العربيه فى الزحمه الحراره بتزيد خالص . لكن على سرعه بتبقى تحت ال90 والحمد لله . يبقى كدا العيب منين .ولو حد يعرف كهربائى كويس ياريت يقولى عليه .

سبب السخونه على السرعه البطيئه بيكون عاده مراوح
سبب السخونه على السرعه اعاليه بيكون عاده رادياتير ا دوره تبريد

هل المراوح عندك المفروض بتغير سرعتها و دلوقتى لا ( سرعه واحده ) ؟ .. لو كده يبقى تحل المشكله دى اولا و تجرب

**Ahmed Refaaat** · 23-02-2016 03:37 AM

هى فعلا المروحه بتشتغل على سرعه واحده .

**Ahmed Refaaat** · 28-02-2016 02:38 AM

لو حبيت اجيب حساس حراره بتاع مراوح الريداتير بس يكون بيشتغل قبل ال90 بحيث اعرف اشغل السرعه التانيه للمروحه . فهل فى نوع معين بتاع اى عربيه بس يركب عادى مع الجالينا ولا مافيش