تغيير زيت الفتيس لعربيه استرا j

كتب Ahmed Samir


http://nileup.com/up/uploads/nilemotors_14557524461.jpg



السلام عليكم يا شباب النهارده عايز انقلكوا تجربه كده فى تغيير زيت الفتيس لعربيه استرا J كنت بشتكي من دبه فى الفتيس فى النقلات وروحت التوكيل وتم الكشف على زيت الفتيس وتم تغيير زيت الفتيس على الضمان وده كان شئ كويس طبعا من منصور فى ارضاء عملاءه ومحاوله منه فى حل مشاكلهم الاحساس بقي بعد تغيير زيت الفتيس:
1- النتشه شبه اختفت
2- الفتيس انعم ونقلاته انعم بكتير عن الاول
3- استجابه الفتيس بقي سريعه فى النقلات
حبيت انقلكم تجربتي بس فى الموضوع واي استفسار انا تحت امركم
محلوظه: الصوره دي صوره من على النت بس اكيد الزيت بينزل باللون الاسود طالما محتاج يتغير

نوع الزيت AC delco dexron VI

تكلفه اللتر الواحد حوالى 95 جنيه الفتيس المفروض بيكون جواه 9 لتر بس مش كل ال 9 بينزل اللى بينزل حوالى 5 لتر بس والمصنعيه معتقدش هتعدي ال 200 جنيه

سياسه التوكيل الجديده دلوقتي ان الزيت مبيتغيرش لكن قبل كده كان 60 الف كيلو
تجارب الملاك قالت ان كبيره 30 الف كيلو والصراحه انا كنت عامل 29 الف كيلو تقريبا والزيت نزل شبه محروق

تمام الحمدلله ان الاعطال اختفت
لكن السعر كتييييييييييييييييييير