الموضوع: انا قررت أجيب شيفروليه لانوس زيرو

عربيه اعتمادية اعطالها قليه جدا مشاكلها محدودة ومعروفة قطع غيارها متوفرة بكثرة ةاسعارها معقوله ولها بدايل كتير مش هتحتاج تروح التوكيل الا للصيانات الدورية عموما علي حسب طريقة سواقتك ومعاملتك للعربية مشاكلها
فرامل مش قوية علي السرعات العالية غالبا مش هتحتاج التوكيل الا في الصيانات او وجود عيب صناعة بس عموما السيارة من اكثر السيارات انتشارا في مصر توكل علي الله

المشاركة الأصلية كتبت بواسطة tareksakr

عربيه اعتمادية اعطالها قليه جدا مشاكلها محدودة ومعروفة قطع غيارها متوفرة بكثرة ةاسعارها معقوله ولها بدايل كتير مش هتحتاج تروح التوكيل الا للصيانات الدورية عموما علي حسب طريقة سواقتك ومعاملتك للعربية مشاكلها
فرامل مش قوية علي السرعات العالية غالبا مش هتحتاج التوكيل الا في الصيانات او وجود عيب صناعة بس عموما السيارة من اكثر السيارات انتشارا في مصر توكل علي الله

موضوع الفرامل ده مقلقني شوية خصوصا لو في سفر يعني العربية دي كويسة في السفر ولا اشوف حاجة تانية؟

انا معايا لانوس 2015 زيرو
بسافر بيها كتير وببقا ماشي 180 وما شاء الله تمام مفيش أي مشاكل ,, الفرامل ضعفها لما تكون محمل معاك ناس يعني لو مركب مثلا 3 معاك فمبتمشيش بسرعات عالية والأهم مش على طريق السفر المهم داخل المحافظة لإنك بتحتاج تدوس فرامل كتير بعكس الطرق الصحراوية السريعة .
خد بالك لإن التقفيل مصري فبالتالي وللأسف ممكن تلاقي عيوب كتيرة ,, يعني لازم تقلب فالعربية كلها لما تيجي تشتري لإن بيفرق عربية عن التانية ,, عندي مثلا الموكيت فيه حتى قصيرة غلطو فيها أثناء القص مثلا فظاهرة كأنها حته مقطوعة مكنتش واخد بالي منها ,,
عيب ظهرلي بس دي حالة فردية ,, إن الكلاكس لما بلف التارة للآخر مبيشتغلش ,, وعملتها فالتوكيل على حسابهم بس رجع تاني وعمل تاني ولسه مودتهاش
بالنسبة للتوكيل الرخم فيه مواعيده ,, يعني بتحجز بالتليفون قبلها وبتروح فميعادك وبياخروك دايما للساعة 3 او 4 العصر مهما رحت بدري
كان عندي عيب تاني وانا بشتريها ان الشماسة بتاعت الكرسي الي جنبي كانت مش ماسكة كويس والمعرض قالي هتغيرها فالتوكيل عادي ,, التوكيل عملت معاهم مشكلة عشان يرضوا يغيروها ,, كانوا بيقولوا انته اشتريتها كده يبقى انتى موافقع عليها ( وانا اشتريتها عشان اللون حكمني لان مكانش فيه غيرها وكنت هستنى شوية عشان يجيبو اللون الي عايزه ) ولما قالو هيغيروها ملقتش عندهم القطعة دي تخيل فالتوكيل ومفيش وطلبوها وجات بعد فترة وركبوها بس الي ركبت كمان مافيهاش مراية زي الاصلية الي بتكون فيها ,, فاوعى تشتري حاجه فيها عيب ولو صغير ويقولك التوكيل هيغيرها
كل حاجه تانية تمام بس طبعا على قد السعر ,, يعني الكاسيت عاجبني اوي ان فيه ماكن للفلاشة والي عاجبني اكتر مكان للميموري كارد فمبتكونش ظاهرة اصلا وخصوصا ان ابني كان هيخبط الفلاشة برجله ويبوظ الكاسيت كذا مرة ,, السماعات طبعا الدقة مش هتكون زي ما تكجيب ساوند سيستم
بس هيه بصراحة ممتازة وانا محمل عليها جدا , وكمان الازاز الجانبي الخلفي والي ورا متفيم من الشركة ودا بيتثبت فالرخصة ودي حاجه حلوه
لو فيه اي سؤال عايز تسألو قول :)

اقترح عليك لادا جارانتا افضل من حيث
- الارتفاع عن الارض
- جودة التقفيل
- التكنولوجيا
- السعر
- المتانه

السلام عليكم ورحمة الله وبركاته اللوجان افضل من الفيرنا والانوس ربنا يوفقك

لو الفلوس حاكماك ومش عايز تزود المبلغ
اللانوس جميله وحلوه واعتماديه واقتصاديه وقطع غيارها ببلاش صيانتها سهله توكيلها رغم انهم بصمجيه بس من بساطتها كويسين فيها معايا 2013 كنت باعمل كل صياناتها في التوكيل اسعارهم معقوله جدا عدا صيانة 45الف فضلت معايا سنتين ونصف بدون مبالغه كل صيانه اعملها عندهم تخرج العربيه زي الزيروا اي حاجه كنت عايز اعملها واغيرها كانوا متعاونين لأني كنت باعمل الصيانه بأنتظام حتى الشبكه الاماميه بعد سنتين لونها اتغير روحتلهم غيروها مجانا بدون شلش .الصيانه في فرع المنصوره فيه هناك المهندس احمد زوق جدا ومتعاون انما فرع شربين نصابين وبصمجيه وحراميه ومابيفهموش في التكاتك حتى.
وكنت مركب شاشه وكاميرا وماحدش منهم قالي ضمان وغيرو دا دول كانو بيعرضوا لو عايز اركب وحدة رفع اجيبها من بره واركبها عندهم بنفس سعر الصنايعيه اللي بره
مشكلتها الوحيده الفراااااااااامل ضعيفه بجد
لو حد مختلف معايا يركب لانوس لوحده ويجربها وبعدها على طول يركب اي عربيه تانيه لوحدوا برده فرق جااامد حتى لو مع 128
معلش توهتك
لو دي اقصى الامكانيات فهي جميله
بالتوفيق لو فيه اي استفسار كلمني
01018144416

السلام عليكم حضرتك هتدفه 90000 الف في لانوس لا طبعا عندك لادا جرانتا و عندك لوجان طيب تختار ايه لو انته عايز قطع غيار رخيصه يبقي لادا جرانتا لكن لانوس 90000 الف حرام

المشاركة الأصلية كتبت بواسطة khaled edrise

السلام عليكم حضرتك هتدفه 90000 الف في لانوس لا طبعا عندك لادا جرانتا و عندك لوجان طيب تختار ايه لو انته عايز قطع غيار رخيصه يبقي لادا جرانتا لكن لانوس 90000 الف حرام

السلام عليكم ورحمة الله وبركاته ممكن تقول لينا الادا جرانيتا دى بكام ومن امته العربيات الروسى كانت ناجحة فى مصر دى عيوبها اكتر من مميزاتها دى الانوس رغم انها صناعة بلغارية احسن منها واللوجان احسن من دول ولوكان فى مصر اسبيرانزا انفى كانت مسحت السوق كله لكن للاسف مخدتشى دعايه كافية وسعرها اقل من الفيرنا والانوس وصينى طيب ما الفيرنا هندى والانوس بلغارى واللوجان نفسها مش بتتباع فى فرنسا بلدها وانا مش عارف انصحك بايه كله عيوبه اكتر من مميزاته العربيات دى بتتباع فى مصر بس تلوث الجو مفهاش امان اى كلام شعب دمه رخيص لنا الله لنا الله