جولف 2 تستاهل ولا لاة؟

السلام عليكم انا كان معايا بولو 1999 1000 سى سى وبصراحة انا كنت بشد مع ار عربية تتخيلوها لحد ما صدفة على الطريق شديت مع عربية جولف 2 وبصراحة اتخيطت واتمسح بيا الطريق,الصراحة حلوة,المهم وقفت صاحبها وعرفت ان العربية متسقت فيها موتور 2000 سى سى 2e, وبصراحة من ساعتها كرهت العربية البولو مع انى كنت من اشد المعجبين نيها ويالفعل بعتها وجبت جولف 2 وحطيت فيها موتور 2000 سى سى وبصراحة شدتها من الالف الى الياء ومش عاوز احكيلكوا على التسرع والسحب والاداء من الاخر البولو جنبها بسكلتة (سورى لاصحاب البولو) بس يا جماعة انا كان فى دماغى شغل عايز اعملة فى العربية بس خايف من قدم الموديل العربية موديا 91 وخايف اصرف وفى الاخر كا دة يروح لان سوق المستعمل راح فى دهية اوى,ف اية رايكم ,العربية تستاهل بصراحة لان الجولف 2 دي حكاية,تستاهل الصرف والتظبيط الصح ولا اية؟اللى مخوفنى بس حكاية الموديل,معلش طولت عليكم,اسف,على فكرة يا جماعة البى ام على الطريق ما بتحكش مع الجولف نهائى وعن تجربة,مستنى ردودكم,باى

ياباشا جميل اوي اللي انت عملته ده

بس اللي انا عايز اقولهولك ان المفروض متخافش من قدم الموديل اد ماتخاف من انك مسقط موتور 2000 لان الناس بتخاف من الحوارات دي وتقريبا كله بيبعد عن العربيات اللي مسقطة مواتير

فانا من ريي ياباشا لو انت م حاطت حوار البيع ده في دماغك ولا عاوز تبيع قريب والكلام د ظبط فيها زي مانت عايز لان بجد العربية دي من اكتر العربيات اللي انا بحترما وبجد ممتازة جدا جدا جدا

وليا واحد صاحبي مظبطه خليها وهم ماشاء الله

ربنا يباركلك فيها ويكفيك شرها

شكرا على ردك , انا مش بفكر فى البيع حاليا بس اكيد هييجى يوم وتبيع لسبب ما الله اعلم,الموتور انا ثابتة 1300 مش 2000 دة اولا والحاجة التانية والله والله العربية مبتاكلش بنزين نهائى تصدق دية ؟لانها انجكشن والموتور مظبوط الحمد للة,انا عوز اقولك انها اكتر من البولو بشوية,ومرة تانية شكرا على ردك وعلى فكرة انا من اسكندرية بردة,سلام

ياباشااهلا بيك ولعنا اسكندرانية زي بعض

طيبمدام انت اسكندراني بقى انا مستنيك تيجي معانا المقابلة بتاعت الاسكندرانية

هتكون في كارفور يوم الجمعة امام الطارق موتورز

وده راب الموضوع بتا المقابلة فيه كل التفاصيل

ياريت تيجي ياباشا

http://www.nilemotors.net/Nile/showthread.php?t=47628

اقتباس:

---

المشاركة الأصلية كتبت بواسطة vwlover

السلام عليكم انا كان معايا بولو 1999 1000 سى سى وبصراحة انا كنت بشد مع ار عربية تتخيلوها لحد ما صدفة على الطريق شديت مع عربية جولف 2 وبصراحة اتخيطت واتمسح بيا الطريق,الصراحة حلوة,المهم وقفت صاحبها وعرفت ان العربية متسقت فيها موتور 2000 سى سى 2e, وبصراحة من ساعتها كرهت العربية البولو مع انى كنت من اشد المعجبين نيها ويالفعل بعتها وجبت جولف 2 وحطيت فيها موتور 2000 سى سى وبصراحة شدتها من الالف الى الياء ومش عاوز احكيلكوا على التسرع والسحب والاداء من الاخر البولو جنبها بسكلتة (سورى لاصحاب البولو) بس يا جماعة انا كان فى دماغى شغل عايز اعملة فى العربية بس خايف من قدم الموديل العربية موديا 91 وخايف اصرف وفى الاخر كا دة يروح لان سوق المستعمل راح فى دهية اوى,ف اية رايكم ,العربية تستاهل بصراحة لان الجولف 2 دي حكاية,تستاهل الصرف والتظبيط الصح ولا اية؟اللى مخوفنى بس حكاية الموديل,معلش طولت عليكم,اسف,على فكرة يا جماعة البى ام على الطريق ما بتحكش مع الجولف نهائى وعن تجربة,مستنى ردودكم,باى

---

سبحان السميع العليم
حضرتك عايز تغير العربية البولو عشان جولف 2 طلعت منك
لاحول ولا قوة الا بالله
طيب سيبك من الجولف القديمة دى وهات فيرنا زيرو هتطلع 60 جولف 2 سواء 2000 سى سى او اى حاجة
دة لو بتفكر فى السحب والتجميع

اة ,بص يا با مهندس احمد اولا شكرا على ردك,اول حاجة انا مش من الشباب اللى انتة فاكرهم بتاع شد وغرز بس انات بحب العربية اللى انا راكبها تكون قوية بس مش اكتر والشد دة بييجى بالصدفة مش مقصود, بالنسبة للبولو انا ماغيرتش عشان الجولف طلعت منى العربية البولو موتورها كويس بس مع التكييف ومع التحميل بتقل كفائتة ودة مش موجود مع الجولف الحاجة التانية الجولف اكبر واوسع والشنطة اكبر,ما تاخدش بظاهر الكلام,اما بالنسبة للفيرنا عيب يا بامهندس لما تكون فى قسم الفولكس وتقول ان الفيرنا الزيرو تطلع من اى عربية جولف ولو كانت 2000 سى سى وانا هسيب باقى الاعضاء يعلقو على الموضوع , ان كنت فى فرح واحد صاحبى من حوالى اسبوع وبالصدفة والله عربية فيرنا شدت معايا والله العربية كانت هتتقلب فى ملف مع العلم انى خدت الملف وانا معايا واحد بس والفيرنا كانت متروسة ناس,عيب يا باش مهندس انت فى قسم فولكسسسسسسسسسسسسسسسسسسس , وبتتكلم عن معشوقة الشباب جولفففففففففففففففففففففف ف , تصبح على خير

هههههه اديك قولت كانت هتتقلب
مهو عشان كدة تطلع انا مش هقلق تطلع سرعات لا طبعا
تطلع على الاقل اول نقلة وتانى نقلة ودة عشان العربية اصلا هواء
وراكب فيها ماتور 1600 2 كامة
فدة هيساعد الفيرنا انها تجرى زى الصاروخ
بس هيا دى الفكرة
وبعدين يا باشا انت ظلمتنى اوى :sad:
انا مش فاكرك من الشباب اللى بتحب الشد ولا حاجة انا بس مستغرب
لانك معاك عربية حديثة وعايز تنزل لحاجة موديل 88 او 89 او حتى 91
الواحد بيتقدم مش بيرجع دى حاجة
الحاجة التانية يا راجل 2000 سى سى اية دة كفاية التراخيص والبنزين وخلافة
حضرتك بقا لو عايز تغير صح
هات الاوبل استر 2004 1600 16 صباب عربية بجد محترمة لاقصة درجة
لان جميع الجولفات طبعا زى منت عارف الشباب (اللى بتحب الشد) هالكنها
واسف للاطالة

اجماعة الموضوع ببساطة ان الفيرنا فعلا فيها موتور جار وانا من رايي ان الموتور اللي في الفيرنا ركب في بودي تاني هيكون من افضل المواتير لانه بجد جبار

وباش مهندس احمد بيتكلم في النقطة دي يا اسلام على ما اعتقد وكان قصده الفرق في التكنولوجيا وكده

اما لو كان بيتكلم على العربية ككل فانا مش معاك نوهائي يا باش مهندس احمد

موتور الفيرنا جميل بس يا جماعة فى التجميع مش زى الجولف نهائى,يالنسبة للترخيص يا باشمهندس انا ثابت الموتو 1300 سى سى والبنزين انا فى ردى على محمد انها مش بتاكل بنزين نهائى زى مانتو فاكرين وبعدين يا جماعة انا واحد من الناس ما بعترفش يالفيرنا خالص كفاية انهم مسمينها عربية الحوادث,استرها يا رب معانا ,ما تزعلوش منى انا فولكساوى صميمممممممممممممممممممممم ممممممممممممممممممممممممم

طبعا يا ghalasa باشا
التكنولوجيا كمان بتفرق
وهو دة اللى هيخلى الفيرنا تطلع
ناس كتيييييييير اوى فاكرة عشان دى كورى هتبقى تعبانة وكدة

اقتباس:

---

المشاركة الأصلية كتبت بواسطة vwlover

موتور الفيرنا جميل بس يا جماعة فى التجميع مش زى الجولف نهائى,يالنسبة للترخيص يا باشمهندس انا ثابت الموتو 1300 سى سى والبنزين انا فى ردى على محمد انها مش بتاكل بنزين نهائى زى مانتو فاكرين وبعدين يا جماعة انا واحد من الناس ما بعترفش يالفيرنا خالص كفاية انهم مسمينها عربية الحوادث,استرها يا رب معانا ,ما تزعلوش منى انا فولكساوى صميمممممممممممممممممممممم ممممممممممممممممممممممممم

---

انا كمان مش بحبها ولما بشوفها ماشية على الطريق بقول ربنا يستر للناس اللى جوة

بس يا باش مهندش اخر الفيرنا كام على الطريق؟180 قول يا سيدى 190 مش هزعلك ودة مش هيحصل ولو حصل انت عارف اللى هيكون,انا ركبت مع واحد صاحبى معاة جولف 2 فيها مكنة 2000 سى سى abf 160 حصان جاب 220 بس العربية فيها عفشة رياضية والعربية لسة فيها تانى كمان انا مش عاوز اقولك انا كنت نايم فى الدواسة والعربية ستابل جدا, تقولى فيرنا فيرنا اية يا باشا؟ اما بالنسبة للاوبا استرا اة الكورسا 2004 دول تقفيل مصرى من منصور مفيش من العربيات دية فى اوروبا نهائى

كنت سيبت البولو وسقطت فيها ماتور 1400 او 1600 و كانت
تبقى حكاية وموديل حديث وكمان تقدر تشد مع اى حد براحتك وعلى فكرة التكيف اشتغل معاها زى الفل والسحب تمام وطبعا لو جنط 14 بتاعها استيراد ومساعدين غاز كنت شوفت البولو بجد و برضة كنت حتثبت الموتور فى الرخصة على انة 1000 . انا عملت اللعبة دى وشغالة تمام

الجولف جولف والموديل ده من الموديلات اللي مالهاش دعوة بالموديل دي عربية مبتعجزش زي البي ام دبليو الام فورتي كدة الموديلات دي ليها عشاقها وليها اندية لملاك الموديلات دي في مختلف انحاء العالم انما الفيرنا وغيره عربيات حلوة اه بس عربيات تجارية في المقام الاول مش عربيات عمر طويل
ويجعله عامر

كلام الاخوة صح 100 / 100 الجولف فعلا حكايه
أنا لسه جايب جولف 2 موديل 89 . بصراحه حكايه في الثبات والقوة مع أنها 1300 . وبرغم أني مش بحب الشد و الغرز إلا أن سمعتها الكبيرة في المواضيع دي خلتني أجرب و النتيجه كان أكثر من رائعه أنا بأتخيل لو الموتور كان 1600 ولا 2000 مكنش حد يقدر يكسبها أبدا.
دة طبعا غير أتساع الصالون وأحساسك بالفخامه برغم أنها موديل قديم

اقتباس:

---

المشاركة الأصلية كتبت بواسطة ahmed21015

طيب سيبك من الجولف القديمة دى وهات فيرنا زيرو هتطلع 60 جولف 2 سواء 2000 سى سى او اى حاجة
دة لو بتفكر فى السحب والتجميع

---

مش هقدر أسكت بعد سماع هذا الكلام
واضح إن حضرتك لم تجرب أبداً جولف2 مشدودة بموتور 2000 CC
لا تقارنها بشيء في الجري لا فرنا ولا غيرها
ومسألة إنه يجيب فيرنا دي مسألة فلوس
الجولف2 بحوالي40000 والفيرنا بحوالي 70000

أنا معايا جولف2 1300 CC رغم إني لست من هواة الجري والسحب إلا أنها أجبرتني على الوصول لسرعة 160 كلم /س وأكثر في أحيان كثيرة
وثبات بسم الله ماشاء الله

حضرتك متهيالك
الفيرنا تكنولوجية ماتور اعلى والعربية اصلا خفيفة مجرد ما تكبس بنزيد زيادة بتنط
لكن الجولف مش هتنط
ياريت تكون فهمت النظرية
(مش عشان المانى يطلع من الكورى)

اقتباس:

---

المشاركة الأصلية كتبت بواسطة ahmed21015

حضرتك متهيالك
الفيرنا تكنولوجية ماتور اعلى والعربية اصلا خفيفة مجرد ما تكبس بنزيد زيادة بتنط
لكن الجولف مش هتنط
ياريت تكون فهمت النظرية
(مش عشان المانى يطلع من الكورى)

---

سؤال يا أستاذ أحمد
هل حضرتك جربت الجولف2 بموتور 2000 CC ؟؟؟؟

لا انا جرب الجولف
4 1600
مش زى الفيرنا فى الاول والتانى بتاعها خالص

اقتباس:

---

المشاركة الأصلية كتبت بواسطة ahmed21015

لا انا جرب الجولف
4 1600
مش زى الفيرنا فى الاول والتانى بتاعها خالص

---

كويس
جرب الجولف2 ال 2000 cc
وقل لي على الأخبار
بس طلب متزودش عن سرعة 240 في الغرز
أنا مبهزرش حاول تجرب واحدة منهم وقلنا الأخبار

يا جماعة السيارات الألمانى سابقة عصرها بزمان
1- كربراتير السيارة مرسيدس 200 مو 77 3قطع فقط فى وسط عصر البكات و العك .
2- العفشة الخيالية لهذة السيارة و التى لم تكرر فى اى موديل فى فئتها من حيث راحة الراكب و تناولها لمطبات الطريق .
3- كربراتير الجولف 3 1992 لا هو كربراتير و لا هو إنجيكشن فهو هاف انجكشن فهو جسم كرلراتير بداخله رشاش واحد فهو يكاد يكون منعدم المشاكل عمليا اريح من الكربراتير و من الإنجكشن .
4- الفيرنا ورق بالتجربه / الجولف زلطة

انت راجل بتفهم فعلاا الجولف جولف من رأي مفيش بعدها بس عاوزة الي يظبتها