ياريت ما تبخلوا علينا بالمعلومه ( لمغسلة سيارات )
سلام عليكم ورحمة الله وبركاته
الموضوع باخصتار انى بطلب النصيحه من اى حد عنده مغسله
انه يساعدنى في معرفة طبيعة عمل الماكينات وانا ان شاء الله هشترى كل من :--
1- كمبروسر 200 لتر ايطالى وده لاقيت سعره فى حدود 3,500 والصينى 2,500
2- مكنة غسيل 3 حصان 150 بار ايطالى وسعرها يبدأ من 4,200
3 - مكنسة 3 موتور 100 لتر صينى تبدأ من 1,500
4- مكنة الفوم ودى تقريبا سعرها ثابت فى السوق كله 750 جنيه فقط
جميع الاسعار بتاريخ اليوم 18/2/2016 من شارع الجمهورية ونزلت وجيبتها بنفسى علشان لو حدكان عايز يعرف اسعار ,,, الاسئله اللى محتاجها بس من حضراتكم تتلخص فى الاتى : -

1 - هل هناك ماكينات اخرى محتاجها غير الماكينات دى ؟؟ ولو فيه برجاء زكرها ,,
2- الماكينات ددى كويسه فى عملها ولا مضطر انى اجيب حاجات اكبر ؟؟
3- انا هشتغل على كهرباء عاديه بتاعت محل فهل الماكينات دى محتاجلها انى اجيب مولد كهرباء ويسد برضو فى حالة انقطاه التيار الكهربائى ؟؟
4- انا عايز اعرف الاجور الخاصه بالعمال تبدأ من كام فى مناطق مدينة نصر ومصر الجديدة ؟؟
5- اخر سؤال المجال ده بيترخص ويتعمله سجل تجارى وبطاقه ضريبيه ازاى ؟؟

انا اسف على الاطاله لكنى والله محتاج مساعدتكم فعلا ,, ياريت اصحاب التجارب يفيدونا بخبراتهم ,, شكراااا للجميع ,, سلام عليكم