-
عمرة نوبيرا
السلام عليكم ورحمة الله وبركاته
يا جماعه انا عربيتي نوبيرا 2004 كانت بتنقص زيت و الميكانيكي قالي عايزه شنبر وفتحنا لفينا البساتم كمان متاكله وقالي نجيب مكنه شورت بلوك وانا مرضتش عشان قبل كده كان معايا كيا شوما وسقطلها مكنه كامله وطلعت اوحش من الاولى وبعتها.وجبت طقم بستم وشنبر يا باني وطبب ميه وغيرت بلية وسير الكاتينه بالمره وجبت اغلى حاجه عشان اشتري دماغي وعملت شغل خراطه ب 400 جنيه دلوقتي العربيه عند الميكانيكي بقالها 4 ايام هل المده دي مش طويله؟ وممكن اعرف مصنعية العمره دي كام؟
عشان هو كل شويه يقولي الموضوع كبير دي العمره بتتعمل في 15 يوم
شكرا يا جماعه ومستني ردكم
-
العمرة يوم للفك
وقول 3 ايام للمخرطة
ويوم تقفيل
ويوم تسقيط
-
فين ردودكم يا جماعه دي اول مشاركه ليا في المنتدى
-
شكرا على ردك يا بشمهندس معنكش فكره مصنعية العمرهدي كام؟
-
٤ ايام ولا حاجه في عمره ، شغلانة وقت وصبر
المهم خرطت الشمايز او غيرتهم
خرطت الكرنك وجبت طرمبة زيت وطقم سبيكه
الوش راح بتوضب
عشان كدا عاوزه وقت وحرص عالي. والا هتخرب في الاخر. يوم ايه واحد للتقفيل !!!
-
يوم فك و المكنة تروح للخراط
و بعد كدة شغل الخراطة ...مسح وش - خرط شمايز - خرط كرنك - روديه للصبابات يعنى من يومين ل 4 ايام و لو الوش عايز لحام بتاخد مشوار زيادة لبتاع اللحامات و وواضح من السعر بتاع الخراط ان مش معمول شغل كتير فيها
بعد كدة يوم تجميع و غسيل للمكنة و ممكن تسقيط كمان
بعد كدة يوم تسقيط و تركيب سيور و ضبط كاتينة
و بعد كدة التليين على السلانسيه ب صفيحة او صفيحتين بنزين و هى واقفة و دى تاخدلها يوم
مصنعية الميكانيكى هتبقى فى حدود 400 - 500
Content Relevant URLs by
vBSEO 3.6.0 PL2