الموضوع: أيهما تفضل ... قيادة سريعة أم قيادة أقتصادية ؟؟

العربية هي اللي بتحدد بنسبة كبيرة لو كانت عايزة تتساق كده ولا عايزة كده

لو هختار هحب العربية اللي بتجري ومحدش بيفرق معاه إستهلاك البنزين

إستهلاك البنزين يزعل في حالة واحدة أن تكون العربية إسهتلاكها كبير وكمان بطة ::

السرعة شهوة ربنا يحفظنا من شر انفسنا
لو حسبتها هتلاقيها مش فارقه

المشاركة الأصلية كتبت بواسطة م/أحمد عبد الفتاح

فيه عامل مهم دايماً بنغفله وهو الزمن - انا لو ماشى بسرعة ٦٠ كم/ساعة لمسافة ١٢٠ كم حاخد المسافة دى فى ساعتين - ولو مشيت بسرعة ١٢٠كم/ساعة حنفترض إن استهلاك البنزين حايتضاعف بس المسافة حتقطعها فى ساعة واحدة بس بدل ساعتين فتبقى الحسبة متساوية فى الحالتين - فيه كمان عامل مهم تانى وهو كيفية التسارع يعنى هل بتحرق على العربية وبتتسارع بسرعة ولا بتوصل للسرعة العالية فى هدوء وبتاخد وقتك - كل مالار بى ام بتاع الموتور زاد بيزيد استهلاك البنزين .
النقطة الفاصلة فى استهلاك البنزين هى طريقة القيادة driving behavior وفى معظم العربيات الجديدة المزودة بكمبيوتر، الكمبيوتربعد عدد معين من الكيلومترات بيبرمج نفسه فى استهلاك البنزين على سلوك السائق driver behavior بمعنى هل إنه عنيف فى التسارع agressive ولا بيتسارع بهدوء - والإحساس بطبيعة وسلوك السائق بيتنقل للكمبيوتر عن طريق دواسة البنزين - علشان كده فى بعض السيارات بيبقى من المستحب كل فترة تعمل فلاش للكمبيوتر علشان تشيل البرمجة المؤقتة لسلوك السائق ودى بتبقى حسب ماركة العربية فيه بعض العربيات بيبقى ليها طريقة بتختلف عن الماركات التانية ممكن يعملها صاحب العربية بنفسه .

فعلا في معظم أن لم يكن كل السيارات الحديثة يوجد نظام لتوفير الوقود و بالفعل لاحظت أن تصميم السيارات كهيكل يكاد يكون واحد لخفض الاستهلاك عن طريق خفض مقاومة الهواء لأدني درجة ممكنة بالاضافة لتخفيف الاوزان و تخفيف وزن المحرك و زيادة قدرته مع خفض أستهلاكه للوقود

كما لاحظت ايضا أنه يوجد مدي سرعات في كل سيارة يكون عندها أستهلاك السيارة للبنزين اقل مايمكن
يعني مثلا في الالنترا md أستهلاك البنزين أقل مايمكن في مدي سرعات (90 - 130) كم/س
بتحقق تقريبا من (5.7 - 6.4) لتر / 100 كم

أما زيادة عن 130 كم/س يرتفع الاستهلاك الي ما فوق ال 6.8 لتر / 100 كم و قد يصل الي 8 لتر / 100 كم مع سرعات أعلي من ال 150/ كم/س

بينما تحت سرعة ال 90 كم/س أيضا يرتفع الاستهلاك الي أن يبلغ أقصاه في مدي (40 - 60) كم/س و هنا لاحظت وجود خطوط حمراء اللون علي تلك السرعات و كأنها سرعات حرجة تمثل أعلي استهلا وقود لتلك السيارة

طبعا الحاقا لكلام الاخوة الاعضاء .. فأن السير بسرعات مرتفعة فوق ال 120 كم/س في مسافات قصيرة لاتتجاوز ال 200 كم لن يمثل فرق كبير في الزمن (يعني بنتكلم عن 10 دقائق أو بالكتير أوي ربع ساعة) و هو لايمثل شئ نظير أستهلاك مرتفع للبنزين و أستهلاك للأعصاب نظرا لخطورة الطرق هنا في مصر و ما قد تواجهه من تصرفات بعض السائقين الاخرين (نقل ثقيل - ميكروباص - و أخرين) علي الطريق نتيجة لأستهتارهم بأرواحهم أو جهلهم بقواعد القيادة خاصة علي الطرق السريعة

من الاخر فقد مارست كلا الاسلوبين بنفس السيارة ووجدت انه لافرق بين سرعة مرتفعة مع استهلاك بنزين مرتفع و سرعة معتدلة و قيادة متأنية مع أستهلاك بنزين أقتصادي بالنسبة لعامل الوقت ففي الاخر أجد ماوفرته من الوقت هو 10 دقائق أو ربع ساعة بينما أجد الفرق في أستهلاك البنزين كبير و يستحق

طبعا هناك عامل اخر مهم جدا ....
هو كيف تتحرك بالسيارة من وضع الثبات أو السرعة البطيئة الي وضع الحركة أو زيادة السرعة

فعند الضغط علي دواسة البنزين بعنف للتحرك بالسيارة بسرعة و زيادة السرعة بشكل سريع يرتفع معدل الاستهلاك اللحظي و قد يصل الي ( 30 لتر / 100) بينما عندما تتحرك بهدوء و تتيح لسيارتك الوقت للنقل المتتالي من السرعة المنخفضة الي السرعة العالية يكون الاستهلاك اللحظي أقل بكثير (حوالي 10 لتر/100 أو اقل) - شايفين الفرق ؟؟

أضف الي ذلك ثبات السرعة , بمعني أنك لو ماشي بسرعة 120 كم/س مثلا في نفس الحارة و لمدة ساعة مثلا علي نفس السرعة بينخفض الاستهلاك تدريجيا علي عكس لو ماشي بسرعات متغيرة كل بضع دقائق و بتنقل من حارة لحارة لتفادي الزحام أو تخطي السيارات الاخري من حارات متعددة

من الاخر كده و بعد تجارب 4 سنوات علي سيارتي و بعض السيارات الاخري قررت أن تكون قيادتي متأنية علي الطرق السريعة و في نطاق السرعات الاقتصادية لتحقيق اقصي أستفادة ممكنة من أمكانيات سيارتي مع الحفاظ عليها بحالة جيدة قدر الامكان

و احب طبعا أشوف أرائكم و تجارب كل منكم مع سيارته