أخيرا إسترديت مقدم حجز السيارة بدون خسائر ...والتفكير الآن فى واحدة آفيو جميع الكماليات و تقفيل كورى..اهى على الأقل ماركة معروفة وتقفيل أجنبى...
عرض للطباعة
أخيرا إسترديت مقدم حجز السيارة بدون خسائر ...والتفكير الآن فى واحدة آفيو جميع الكماليات و تقفيل كورى..اهى على الأقل ماركة معروفة وتقفيل أجنبى...
الف مبروك يا باشا
طيب مكان من الاول ياباشا اللي كان هيخليك ترمي 70 الف جنيه في صيني
يلا الحمد لله الواحد مش بيتعلم ببلاش
وان شاء الله ربنا يباركلك في الفلوس وتجيب اللي انت عايزه
طيب ايه السبب انك تغير رأيك ؟
صحيح والله على قد مانا مبسوط انك خدت فلوسك كلها,على قد مانا عايز اعرف هي الfrv فعلا وحشة ولا اية الي غير رئيك
الأفيو عربية ممتازة ومعروفة توكل على الله ال لف ار فى لسه عاملة ذى البطيخة ياحمره يا قرعة + التوكيل اثبت انه لا يفقه شى فى التعامل نع العملاء بزيادة الأسعار على الحاجزين
tb enta aih el 5lak tfkr fl frv mn el awl
hwa est5sar w 5las?
ya3ni mst3'rab gdan
aan lo moktan3 bshe2 w zad tamno hafdl moser 3alhha
msh ashof el ar5as fen w ashtri
3l 3mom kol wad 7or bs el aveo aslan msh gmda zi manta mot5il
ba3d el 100 hatla2iha markeba :D
rbna ywfa2na kolna
أعزائى ... أولا ..شكرا لكل من تمنى لى التوفيق فى شراء سيارة أخرى..وربنا يبعد عننا جميعا شر طريق العربيات كلها..ثانيا للأخوة المستغربين (ومنهم من تهكم ...ليه معرفش!!! ) أقول أن ال Frv شدتنا جميعا بشكلها وتصميمها وحجمها ولكن المهم أن جميعا كنا نعلم فى الأول بان محركها من انتاج متسوبيشى اليابانية أو حتى من مصنع متسوبيشى فى الصين..(فى الحالة دى بيكون المدون على المحرك هو نفسه مثل اليابانى )ولكن إتضح أنه صناعة تقليد مثل كل ما نعرفه عن صناعات صينية..ثم بسؤال توكيل الصيانة لبريليانس فى إسكندرية عرفنا أنهم لايعلموا عنها أى شىء حتى برنامج الصيانة لم يصل لهم ..وأن يتلاعب بنا أصحاب المعرض فى فرض زيادة علينا رغم حجزنا فى 31-10-08 ثم أصبحت فجأة متوفرة بالسعر الجديدكل ذلك شكك طبعا فى مصداقية من استورد السيارة وبالتالى ايه مستقبل مثل هذه السيارات وفى هذا المنتدى العزيز كثيرون قدموا شكاوى للجهات الرسمية وده طبعا مش من فراغ والبافارية لها سوابق عرفناها متأخر ..وكلنا تعبانين فى فلوسنا وكان احسن المتوفرين هى الأفيو..(ولنا تخفيض للشركة التى اعمل بها) خفيفة بقى على الطريق مش مهم لان ده بعد سرعة 140 كم/س وانا مش من هواة اسرع من كده..وفى حكمة قديمة بتقول : قبل ما تشترى فكر ازاى ح تبيع...!!!
ساعات بحس بنوع من الضيق فى مواضيع زى ديه
كل ماتقول على عربيه تلاقى اللى يقولك وحشه طيب تجيب ايه يعنى؟
العربيه الصينى و فيه اجماع على ان الصينى ضايع على الرغم ان فيه ناس بتشكر فيه و بجد مش عارفين ايه خلفيتهم عن العربيات انا مش قصدى اذم فى حد بس لو انت كنت راكب عربيه قديمه او مثلا 128 و ركبت A113 مثلا هتكون طبعا مبسوط جدا و ده مش معناه ان الصينى حلو ولا حاجه
او عربيه زى A620 عربيه ممتازه و اختها الصغيره بيقولو بفخر ان هى موتور تكنولوجيا نمساوى حاجه تحزن بجد
و بعدين الافيو خفيفه بعد ال 140 هو المفروض هيمشى على كام؟؟؟؟
و ال FRV انا معرفش عنها كتير غير ان هى صينى و فيها Options keteer
اللى اعرفه ان اى اوبشنز زياده و السعر قليل او فى نفس متوسط سعر تانى يبقى اكيد الدنيا مش مظبوطه ديه معادله سهله
يعنى الصينى مكسبه للتجار اكبر من الكورى و فى نفس الوقت العربيه محمله كماليات يبقى لازم نسأل ده على حساب ايه---
المهم انا نفسى لما حد يحدد اتجاهه ان احنا نعمله Support مش ان احنا نعيد لخبطته و نزيد حيرته
اكيد هو حس ان ال FRV مش عربيته و رايح يجرب حاجه تانيه يعنى ممكن ندعيله ربنا يوفقه نرشده يخلى باله من ايه مش نقول مثلا ان اللى انت سيبتها احسن من اللى رايح تجيبها ده بيبقى كلام محبط جدا فى وقت هوه محتاج support
شكرا جزيلا على ردك العاقل و ربنا يوفق الجميع