فيه واحد اخد من 3 سنين و 4 شهور تأجيل 3 سنين
المشكلة انه لسه ملاحظ انه المفروض كان يروح من 4 شهور عشان يجدد التأجيل تانى أيه موقفه القانونى دلوقتى لان فيه ناس قالت هيقال انه هيكون فاقد دفعه و اقرب دفعه لابسه هيدخل فيها و سنه حاليا 28 سنه
عرض للطباعة
فيه واحد اخد من 3 سنين و 4 شهور تأجيل 3 سنين
المشكلة انه لسه ملاحظ انه المفروض كان يروح من 4 شهور عشان يجدد التأجيل تانى أيه موقفه القانونى دلوقتى لان فيه ناس قالت هيقال انه هيكون فاقد دفعه و اقرب دفعه لابسه هيدخل فيها و سنه حاليا 28 سنه
يداري اليومين دول وميخلصش اي ورق في الحكومه ولا رخصه ولا بطاقه وكلها سنتين ويبقي في الامان
بص يا سيدى هو كده متخلف عن التجنيد زيه زى الى مرحش خالص و لما هيروح 99% هيدخل الجيش احسنله يستنى سن ال 30 و يروح المحكمه هيدفع غرامه فقط من 3 الاف ل 10 الاف حسب حالته الماديه الى يقدرها القاضى و بياخد اعفاء نهائى و متقلقش مفيهاش اى حاجه لكن لو راح غالبا و شبه مؤكد هيتاخد اولا لانه تخلف ثانيا لانهم من اول الثوره لحد النهارده محدش بقى بيخرج و لا ياخد تاجيل الا بس بس الطبى الشديد و العائلى لسه واحد معانا فى المنتدى راح و عنده 29 يجدد التاجيل و لسه السبب موجود زمان كانو بيدوله النهائى على طول ده اجلوه سنه و قالوله تيجى لما تتم التلاتين تانى يمكن فى السنه دى يخلص السبب او نحتاجك فالوضع فى التجنيد اليومين دول شديد بس كده
يا لهوى ، هو مأخدش اعفاء لحين زوال السبب هو قدم فى اواخر سنه 2012 مش فاكر الدفعه بالظبط ومواليده اخدت تأجيل 3 سنين فى الارجا
بس لما يستنى لحد تجاوز ال30 هياخدها رديئة ؟
طيب لو لينا ظابط فى منطقه التجنيد ممكن يقولنا وضعه قبل مايروح بالظبط هيكون ايه ولا هيكون مش عارف وعلى البركة كدة ؟
انا نفس قصته وانا وحيد وعدي سنه تقريبا او اكتر وسني30 وعايز اروح بس مقلق
معلش متزعلوش منى انا فى سن والدكم انا و اخوتى الثلاثة الصبيان دخلنا الجيش و ادينا الخدمة الوطنية اولا احساسك باداء الخدمة العسكرية ( والله ماهى انشاء) بيدك شعور بالرضا عن النفس و بمرور الوقت بتبقى تجربة و ذكرى جميلة و اكيد هتستفيد منها على المستوى الشخصى انا واثق انكم هتزعلوا منى بس بلاش التعليقات المحرجة
الخوف لو اتمسك في اى كمين في الفترة دى نظامه هيبقي ايه
الاستاذ علي
تحياتي لحضرتك
ليس لي علم بموضوع البوست ...لذلك لن افتي فيه
تعليقي بخصوص اخر كلمة في مداخلة حضرتك ...و هي (بلاش التعليقات المحرجة)
فانا اشعر بك و اعلم ان الواحد علشان يعبر عن راية على اي موضوع في هذا القسم و في مواقع التواصل الاجتماعي بصفة عامة قد لا يسلم مما سميته التعليقات المحرجة...لذلك انا قلما اشارك...و قد تهورت من يومين و ادليت بدلوي في موضوع ما....اختلف معي بعض المحترمين و خالفوني الراي بادب و احترام...لكن للاسف فوجئت ببعض المستظرفين مجاهدي الانترنت الذين يشعرون بانه لا يوجد افقه او اطهر منهم على وجه الارض... يشاركون بعبارت لا معنى لها و لا تخلو من اتهامات مرسلة ....ده غير السخرية السمجة التي تخلو من اي طرافة ....فناشدت الادارة لحذف الموضوع و استجابوا لي الحمد لله..........و لي صديق له كلمة احييه عليها ...ان غالبا شجعان الفضاء الاليكتروني هم نعاج في الواقع....يعني اللي تشوفه فاتح صدره على الانترنت غالبا هو جبان في الحقيقة... الشئ المحزن انك اذا دخلت على المنتديات العربية تجدهم اكثر رقيا ...تقبل تحياتي
يا استاذى الفاضل ردك على راسى طبعا و لن اسمح بأحراجك فى موضوعى او الادارة لن تسمح بذلك او العقلاء فى المنتدى الى اغلبهم فى قمه الاحترام و الادب
بالنسبه للخدمة فى الجيش انا فخور بخدمة بلدى و قدوة حسنه وطالع منه مترقى وعلى علاقة حتى الان بأفراد و صف و ضباط القوات المسلحة وليست علاقة استغلاليه ولكن علاقة محبه و عمل و خلافه ويكفى ان لما بسمع صوت حد من زمايلى بنفضل نضحك طول المكالمة ونفتكر لحظات بحلوها وبخطورتها فى قمه السعادة ويكفينى فخرا لما بقول اننا كنت بأمن شعب مصر فى استفتاء الدستور و الرئاسه السابقين و يكفينى فخرا ان الى بيحب يفتخر وينول الشرف بيلبس البدله دى حتى الاطفال لما بتتصور ويكفينى فخرا ان الى اتعاملت معاهم بلا استثناء من اول عسكرى مستجد لحد قائد الوحدة وهو لواء اركان حرب لما كنت بديله التحيه كان بيمد ايده يسلم عليا يمكن كلامى ده محصلش مع ناس كتيرة وكان التعامل معاهم عكس كلامى تماما وده خلاهم يشعروا بجزء من الغضب لكن اقسم بالله العظيم دى الحقيقه لان المسؤوليه الى كانت علينا اداريا و عسكريا كانت كبيرة جدا واندهشت لما قولت ان كل فرد فى الجيش بيحمل سر عسكرى لا يمكن ابلاغ اى شخص بيه ولقيت ناس رديت عليا انه مفيش الكلام ده نظرا لوحدته او يمكن قدراته
و على فكرة انا دفعتى جالها استدعاء و لم يصلنى حتى الان و قررت اروح بنفسى اسئل عليه وعرفت من زمايلى الى لحد انهاردة بنتصل ببعض وهروح اسئل لانى مؤمن بمبادئ زى لو مش انا الى هروح وقدرى الدفاع عن مصر هيبقى مين غيرى ؟ وبالنسبه لشغلى انا مش شغال فى الحكومة و خاطب وفى امس الحاجه للثانيه فى يومى بس برضه من ترك شيئا لله عوضه الله عنه خيرا
لو اخد التاجيل بتاع ال3 سنوات بسبب الارجاء ومش لاي اسباب اخري فيروح عادي جدا يستلم الاعفاء النهائي انا لسه مخلص لاخويا الموضوع ده في شهر 1 يعني من شهر كان تاجيل 3 سنوات و كان عدي على التاجيل 3 سنوات ونص و رحت قدمت ورق التاجيل واخدت شهاده الاعفاء النهائي
اهم شي انه يكون ناجيل في الارجاء مش لاي اسبابب اخري
للمعلومية تاجيل الارجاء اللي هو 3 سنوات بيكون كاتبلك فيه ( المذكور وضع تحت الطلب لمده 3 سنوات تبدا و تنتهي اعتبارا ......... وعليه تقديم نفسه عند طلبه للتجنيد خلال هذه الفترة )) معنى الكلام انه بعد انتهاء ال 3 سنوات بدون ان تطلبلك العسكرية المصرية انت مبروك اخدت الاعفاء ويكفي فقط ان تذهب لتستلم الشهادة
[QUOTE=EgyArmy;3876056812]يا لهوى ، هو مأخدش اعفاء لحين زوال السبب هو قدم فى اواخر سنه 2012 مش فاكر الدفعه بالظبط ومواليده اخدت تأجيل 3 سنين فى الارجا
بس لما يستنى لحد تجاوز ال30 هياخدها رديئة ؟
طيب لو لينا ظابط فى منطقه التجنيد ممكن يقولنا وضعه قبل مايروح بالظبط هيكون ايه ولا هيكون مش عارف وعلى البركة كدة ؟[/QU
يا باشا انت مكبر الموضوع ليه ؟؟
هو يروح يستلم شهادته النهائية في اي وقت و خلاص بس الافضل يروح النهارده قبل بكرن احسن يستجد ظروف جديدة الله اعلم بيه
هو اخد تاجيل في الارجاء ولم يطلب خلال ال3 سنوات يبقى خلاص هو اعقاء نهائي
تمام انا كنت سائل زميل ليا فى الجيش قالى زى حضراتكم بالظبط و الشهادة فعلا مكتوب فيها المذكور وضع تحت الطلب لحين انتهاء المدة و قولتله يكلم واحد فى التجنيد نفسه ويسأله على موقفه الشخصى و لو فيه جديد هقولكم