السلام عليكم،، انا لسة شاري كليو 2004 1200 و كان الموتور بيفصصل معايا عادي جدا بس انهارده لاقيتها مش عايزه تفصصل خاااالص،، بس العربيه ماشيه كويس جدا بس بردوه مش عايزه تفصصل..
ارجو الافاده و شكرا
عرض للطباعة
السلام عليكم،، انا لسة شاري كليو 2004 1200 و كان الموتور بيفصصل معايا عادي جدا بس انهارده لاقيتها مش عايزه تفصصل خاااالص،، بس العربيه ماشيه كويس جدا بس بردوه مش عايزه تفصصل..
ارجو الافاده و شكرا
هو ليه يا رجاله محدش رد عليا ؟؟
هو الموضوع صعب ولا في مشكله و محرجيين تردوا عليا..
ارجوا الافاده و شكرا..
لا لامش كده خاااالص،،
قصدي ان الموتور مش بيفصصل عند 6،5 ار بي ام (بيفصصل) مش بيفصل..
هو كان بيفصصل الاول بس مره واحده كده لاقيت الموتور في نعره عاليه و مفيش اي تفصييل.. بس علي السلانسيه تمام و في المشي لحد 4 ار بي ام بردوه تمام..
ارجوا الافاده و شكرا
في مصطلح حضرتك مستخدمه غلط ..يعني إيه بيفصصل أو بيفصل ..هي الكلمة عموما بتشديد حرف الصاد ..هي العربية أوتو ولا إيه ؟؟؟
معلش حضرتك حاول تسأل على توصيف الكلمة عشان كلمة بيفصل دي ممكن تكون بتقصد بيها النقل في الأوتو مثلا ؟؟
أنا مش فاهم يعني ايه "يفصصل" دي أنا كمان!
اولا انا متشكر علي تعبكم و اسف اني مش عارف اوضح لكم المشكلة،،
الموضوع ببساطه،، وانا واقف و مدور العربيه علي السلانسيه لو دوست بنزين لحد الاخر كنت بسمع صوت الموتور عند 6.5 ار بي ام بشكل و دلوقتي بسمعه بشكل تاني خالص.. دلوقتي في نعره عاليه كده من اول 4 او 4.5 ار بي ام..
يا جماعه معقوله عمركوا ما سمعتوا مصطلح بيفصصل ده ؟؟
زي فلان مثلا بيفصصل بعربيته،، او تفصيلة المكنة دي حلوه.
المقصود تفصيييل الموتور،، اللي هو بيحصل عند 6.5 ار بي ام..
يا رب اكون عرفت اشرح
شكرا
انت عارف ان المفروض متسرعش المكنه بالطريقه دي
انا بصراحة اول مرة اسمع المصطلح ده و لكن ناهيك عن المصطلح و هل احنا سمعناه قبل كده و لا لأ....احب أسألك عن المغزى او الأستفادة من تعلية لفات الموتور للعربية و هى واقفة!!! لدرجة ٦٥٠٠ لفة فى الدقيقة يعنى المنطقة الحمرا او الخطر
عامة و حسب تعليمات صناع السيارات، الجميع اجمع على عدم تعلية لفات الموتور فى السواقة عن منطقة ٣٥٠٠ لفة/دقيقة لما له من تأثير سىء علي الموتور و على تآكل الأجزاء السريع، الأخطر جداً هو تعلية اللفات و العربية واقفة لان الطاقة العالية مش بتروح للعجل، اذاً حسب قانون الطاقة هتتحول لصوت و حرارة عالية مما يزيد من تآكل الأجزاء الميكانيكية اسرع من الطبيعى
تحياتى
كثرة القرص علي الموتور علشان تشوف وتتابع تفصيلة بيقصر عمرة
ممكن تشوف التفيلة علي rbm أقل من 6 يعني 4.5 أو 5 علي فترات مش كل يوم يعني