من فضلكم محتاجة مساعدة وياريت فى اقرب وقت ..دورت على السانديرو العادية مش ستيب واى ومش لقياها ..وبقارن حاليا بين اللوجان والفيات المانيوال اول فئة ..من حيث 1- عوامل الآمان وقوة العربية ومدى تحملها
2-توافر قطع الغيار واسعارها واسعار الصيانة وتوافرها ..من فضل حضراتكم اللى مجرب العربيات دى يقولى رأيه ....
اللوجان ويفضل اتوماتيك
اقتباس:
المشاركة الأصلية كتبت بواسطة amr011111
حضرتك جربتها ؟؟ياريت اعرف ايه المميزات والعيوب لو امكن وليه الاوتوماتيك افضل ؟؟؟
برضه اللوجان اوتوماتيك افضل , اولا لوجان عشان عربية واسعة , وعالية عن الارض , وموتور اقوى , وانتشار احسن وتوكيل احسن و سوقها كويس , البونتو كويسة ولكن يعيبها انها توكيلها سئ او مش موجود , مش هتلاقى حاجتها بسهولة , العربية واطية على الارض يعنى مطبات هاتتعبك , وان كان تقفيلها و ثباتها افضل من اللوجان , اوتوماتيك عشان طبعا شوارعنا الزحمة طول العمر دى عايزة عربية اوتوماتيك عشان اريح بكتير وهاتخلى اعصابك اهدى
الفيات بونتو عربيه عاليه جدا عن الأرض وثبات خرافي وتصميم راقي وتقفيل في منتهى النظافه من المصنع الايطالي والمانيوال منها زيرو مشاكل تقريبا
قطع الغيار موجوده في القاهره واسكندريه ومتوفره بسعر متوسط والعربيه اصلا متينه ومعمره
اللوجان عربيه روماني داشيا فاشله وفيها مشكله في التصميم وبتعوم وتقفيل مغربي سيء ومصممه اساسا لدول العالم الثالث الفاشله يعني مش بتتباع في دول اوروبا اصلا لكن تلاقيها في افريقيا وروسيا فقط والتوكيل غالي جدا جدا
تفحص السيارتين بعين خبير وستكتشف الفروقات بسهوله
معلش بس استفسار صغير , بص على اللينك اللى تحت ده اللى بيوريلك اللوجان بتتباع فى دول ايه فى اوروبا واسيا و امريكا اللاتينية ’ طبعا احنا هنا فى مصر مش من دول العالم التالت ولا حاجة , احنا دول عالم اول بعد تحقيق التنمية بس لسه شوية على سنة 2063 كده. ثانيا توكيل رينو من احسن وانضف التوكيلات فى مصر, وممكن فى المقابل نسأل كده على اوماترا او النيل وشوف تعليقات الناس ايه عليه , ده اذا اعتبرنا انه توكيل موجود اصلا ده طبعا غير انه مالوش اى مراكز صيانة معتمدة فى مصر, نيجى بقى للبونتو اللى هى اصلا عربية موتورها 77 حصان ( لا تعليق), وكمان الفتيس الاوتوماتيك بتاعها اللى عليه مشاكل كتير اوى و طقم الدبرياج اللى بيتغير كل فترة وسعره غالى . عموما البونتو احسن من اللوجان فى حاجات و كمان اللوجان احسن من البونتو فى حاجات وكل واحد يشوف اللى يناسبه , لكن ان اللوجان تبقى عربية فاشلة و البونتو هى العربية الواو اللى ماحصلتش , اعتقد ده كلام مش واقعى شوية .اقتباس:
المشاركة الأصلية كتبت بواسطة memo_p910
https://en.wikipedia.org/wiki/Dacia_...and_production