جالي عرض سفر الي الامارات

**ahmed76** · 21-02-2016 09:32 AM

احد الزملاء قال فى اقتراحاته طالما انت فى حكومه خد اجازه سنه وانا اؤيد الرأى ده تماما ومش هاتخسر حاجه ... لكن لازم تخوض التجربه وخصوصا انها شركه كبيره .... الشغل هايجيب شغل وممكن مرتبك يتضاعف ... بامانه لازم تخوض التجربه وتشوف ناس جديده وخبرات جديده .... ابعد عن الهمجيه والتكاتك والقرف وادى فرصه لولادك يعيشوا فى مجتمع منظم و نظيف يحترم ادميه الانسان وانت فاهم الباقى مافيش داعى استرسل فى الكلام .. وربنا يوفقك

**mm15102001** · 21-02-2016 01:36 PM

المشاركة الأصلية كتبت بواسطة ahmed76

احد الزملاء قال فى اقتراحاته طالما انت فى حكومه خد اجازه سنه وانا اؤيد الرأى ده تماما ومش هاتخسر حاجه ... لكن لازم تخوض التجربه وخصوصا انها شركه كبيره .... الشغل هايجيب شغل وممكن مرتبك يتضاعف ... بامانه لازم تخوض التجربه وتشوف ناس جديده وخبرات جديده .... ابعد عن الهمجيه والتكاتك والقرف وادى فرصه لولادك يعيشوا فى مجتمع منظم و نظيف يحترم ادميه الانسان وانت فاهم الباقى مافيش داعى استرسل فى الكلام .. وربنا يوفقك

والله ده احد الاسباب المهمة اللي مخلياني اتشجع مع العلم اني متزوج و عندي 3 اطفال و موضوع السفر ده اكيد هيأثر عليهم

hh · 21-02-2016 03:07 PM

بخصوص التفاوض اه طبعا تتفاوض و تحط رجل على رجل كمان. انت مش صغير عشان تقبل بأي حاجة و تقول اجرب. انت راجل في مرحلة متقدمة في الكاريير بتاعك لازم لو سافرت تبقى متأكد انها خطوة لقدام في حياتك و حياة أسرتك. المفروض تحط رقم معين متسافرش على اقل منه

مبدأيا المرتب صغير جدا. لازم تسأل حد عايش هناك على الايجارات كام سنويا لأن انت معاك أسرة كبيرة يعني عايز شقة غرفتين او تلاتة عالأقل. ثانيا لازم تعمل حسابك على انك حتشتري عربية و شوف دي حتحتاج تدفع لها كام شهريا. ثالثا و دي من اهم الحاجات المدارس. لازم تعرف اسعار المدارس ايه لأنها غالية في الخليج بعبط و لازم تعرف هل الشغل حيدفع لك بدل لمدارس الأولاد و لا انت اللي حتلبس في المصاريف؟؟ طبعا فيه مصاريف تانية زي الكهربا و المياه و الموبايلات و النت و خلافه متنساهمش. نييجي بقى للمصاريف اليومية الحياه في الخليج اغلى من مصر بكتير يعني حتلاقي نفسك بتصرف عالبيت ضعف اللي بتصرفه في مصر. اتكلم مع ناس من قرايبك و اصحابك عايشين في الامارات و افهم منهم نظام الحياه و المصاريف و الدنيا عاملة ازاي. لو قدرت تتفاوض على مرتب يعيشك مع اسرتك مستريح و تقدر تحوش مبلغ معقول يبقى سافر غير كدة لأ.

**mm15102001** · 21-02-2016 03:26 PM

المشاركة الأصلية كتبت بواسطة hh

بخصوص التفاوض اه طبعا تتفاوض و تحط رجل على رجل كمان. انت مش صغير عشان تقبل بأي حاجة و تقول اجرب. انت راجل في مرحلة متقدمة في الكاريير بتاعك لازم لو سافرت تبقى متأكد انها خطوة لقدام في حياتك و حياة أسرتك. المفروض تحط رقم معين متسافرش على اقل منه

مبدأيا المرتب صغير جدا. لازم تسأل حد عايش هناك على الايجارات كام سنويا لأن انت معاك أسرة كبيرة يعني عايز شقة غرفتين او تلاتة عالأقل. ثانيا لازم تعمل حسابك على انك حتشتري عربية و شوف دي حتحتاج تدفع لها كام شهريا. ثالثا و دي من اهم الحاجات المدارس. لازم تعرف اسعار المدارس ايه لأنها غالية في الخليج بعبط و لازم تعرف هل الشغل حيدفع لك بدل لمدارس الأولاد و لا انت اللي حتلبس في المصاريف؟؟ طبعا فيه مصاريف تانية زي الكهربا و المياه و الموبايلات و النت و خلافه متنساهمش. نييجي بقى للمصاريف اليومية الحياه في الخليج اغلى من مصر بكتير يعني حتلاقي نفسك بتصرف عالبيت ضعف اللي بتصرفه في مصر. اتكلم مع ناس من قرايبك و اصحابك عايشين في الامارات و افهم منهم نظام الحياه و المصاريف و الدنيا عاملة ازاي. لو قدرت تتفاوض على مرتب يعيشك مع اسرتك مستريح و تقدر تحوش مبلغ معقول يبقى سافر غير كدة لأ.

شكرا علي رد حضرتك بس مبدئيا انا ناوي اسافر ان شاء الله لوحدي و لما احس باستقرار ممكن ابعت للاسرة انها تيجي
الحاجة التانية العرض ده كما هو بدون الاسرة
طيب افاوضهم ازاي اذا كان هما عاملين تحديد للميزانية الخاصة بالمرتبات والا الموضوع ده عادي يعني اني اطلب اكتر

**A_H_M_A_D** · 21-02-2016 03:48 PM

المشاركة الأصلية كتبت بواسطة mm15102001

شكرا علي رد حضرتك بس مبدئيا انا ناوي اسافر ان شاء الله لوحدي و لما احس باستقرار ممكن ابعت للاسرة انها تيجي
الحاجة التانية العرض ده كما هو بدون الاسرة
طيب افاوضهم ازاي اذا كان هما عاملين تحديد للميزانية الخاصة بالمرتبات والا الموضوع ده عادي يعني اني اطلب اكتر

حضرتك الرقم ده قليل جدا على انه يكون شامل السكن و الانتقالات كمان معاه , لأن السكن و الانتقالات هاتكلفك حوالي من 5 الى 6 الاف درهم , وممكن أكتر و بكده هاتصرف الباقي على الأكل و الشرب و المصاريف اليومية و مش هايبقى معاك أي حاجه تقدر تحوشها

متحسبش انك هاتقبض 20 الف جنيه , لأ , الدنيا هناك و المصاريف غير مصر خالص خصوصا السكن

لازم تفاوضهم ان بدل السكن و الانتقالات يكون لوحده بعيد عن المرتب و ميقلش عن 5000 الاف درهم

**raouf** · 22-02-2016 10:13 PM

يا راجل يعنى مهندس 11 سنة ورايح براتب 10000 والامارات ؟

حبيبى انا مهندس وخبرة 15 سنة المهم بخبرتك فى الامارات اقل من 25000 درهم مش هاتلاقى والافضل ماتجيش على اقل من كده

فى السعودية راتب اللى 10 سنين فوق ال20 - ولو شركة كبيرة زى اللى بتتكلم عليها هاتروح تلاقى زميلك اللى فى نفس المستوى والخبرة فى الشركة بياخد 50 اقل شىء - هاتعمل ايه وقتها ؟

**MuhamedNabil** · 22-02-2016 11:28 PM

مبدئيا لازم تقرر مستقبل الاسرة ايه فى الموضوع ده بمعنى حتخدهم معاكك و لا حتسبهم
لو حتخدهم يبقى المرتب ده ضعيف جدا عشان المدارس و لو انت وفقت على كده مش حتقدر ترفع المرتب بعد لما تمضى عقد الا بنسب معينة قد لا تتجاوز 30%

حاول تعرف من حد هناك فى نفس الشركه متوسط ااجور كام لناس فى سنك و خبرتك و بناء عليه تطلب.
هما عادى جدا انه يسطعبط و يحطلك مرتب ضعيف معتمد انك معندكش فكرة عن الاجور عنده كام.

تسالهم هل بيدو بدل لمدارس الاطفال و لحد كام طفل و التأمين الصحى نفس الكلام.
اساله عنجنسيات مديرينك و عن متوسط اعمار و مرتبات العاملين و جنسيته بنفس الادارة

انا واحد صحبى ساب مدير مشروعات فى فودافون هناك بسبب الهنود, اتجنن منهم.

التجربه اكيد حتستفيد منها كتير بس خالى بالك ان الشغل هناك لا يقارن بهنا خالص. مجهود اكتر بكتير و عندك معاد لازم تلتزم انك تسلم فيه شغلك غير هنا خصوصا لو مؤسسة حكومية.

وطبعا استخير

**mif** · 23-02-2016 01:04 AM

المشاركة الأصلية كتبت بواسطة raouf

يا راجل يعنى مهندس 11 سنة ورايح براتب 10000 والامارات ؟

حبيبى انا مهندس وخبرة 15 سنة المهم بخبرتك فى الامارات اقل من 25000 درهم مش هاتلاقى والافضل ماتجيش على اقل من كده

فى السعودية راتب اللى 10 سنين فوق ال20 - ولو شركة كبيرة زى اللى بتتكلم عليها هاتروح تلاقى زميلك اللى فى نفس المستوى والخبرة فى الشركة بياخد 50 اقل شىء - هاتعمل ايه وقتها ؟

كلام صح جدا جدا

**phantom0xx0** · 23-02-2016 08:18 PM

لزم تعرف حتعيش في أنهي أمارة ، علشان دة هيفرق معك في السكن و المصاريف الخاصة بالمياه و الكهرباء و رخصه السيارة
أقل سكن في أرخص أمارة هيكون حوالي 2500 درهم شهرياً شقه غرفة و صاله بالأضافة لحوالي 500 - 1000 درهم كهرباء و مية .
الرخصه تعتمد على مرت النجاح و السقوط ، كمان فيه قسط السيارة

بشكل عام ، المرتب يعتبر قليل بالنسبة لخبرتك