بعد فتح تقديم المدارس، مدرسة بنات بسمت اسلامي

السلام عليكم
بنتي هتم اربع سنين ونص ان شاء الله شهر 9 القادم وعايز اقدم لها kg1
وعايز لها مدرسة مش لازم تكون اسلامية والا كنت دخلتها ازهري، عايز بس مدرسة تكون بتحافظ علي السمت مش اكتر، يعني مش عايز بنتي تحتفل بالهالوين او المدرسات تكون بتحط ميكاب او تلبس مش كويس
وعايزها تكون مستواها الاكاديمي كويس واكيد سعرها معقول
عايز حاجه في حدود مدينة نصر او التجمع
وتكون في رينج من 9 ل 12 الف
قدامي مدرسة النزهة للغات طريق الاسماعيلية بس مش عارف عنها اي تفاصيل
فيه مدارس كويسه جدا زي الفاروق ومنارة القاهرة لكن بتطلب سن كبير ومش عايز اضيع سنة علي بنتي
ياريت يا جماعه لو حد عنده افاده بمدرسة كويسه او عنده فكره عن النزهة ياريت يعرفني
شكرا ليكم جميعا

Any help

احسن حاجة انك تجيب لست بالمدارس اللى فى الرنج دا و فى المنطقة دى

دى لستة المدارس فى مدينة نصر و التجمع مع العناوين و التليفونات بس ساعات مش بتكون تليفونات و عناوين شغالة
https://sites.google.com/site/madare...arkmadinatnasr

و دى مصاريف سنة 2014/2015 لجميع المدارس فى مختلف المناطق
مصاريف مدارس خاصة_بالقاهرة

بعد ما تحدد المدارس اللى فى الرنج المادى تبدأ تنزل بنفسك المدارس دى و تسأل هناك
و تبحث على النت عن اى كلام بيتقال عن المدارس دى تحديدا

فيه موقع بردو تانى مع انه مفدنيش اوى بس بص عليه
http://madaresegypt.com/

و بالتوفيق

يعنى إيه مدارس إسلامية أصلا . و ليه إسمها له صبغة دينية .

أفهم أن مدارس إسلامية تدرس شريعة إسلامية و مدارس مسيحية تدرس ديانة مسيحية و مدارس بوذية تدرس تعاليم البوذية .

إنما ليه مدرسة بتدرس علوم دنيوية و مناهج تابعة للوزارة و نطلق عليها مدارس إسلامية . هل لإن المدرسات فيها محجبات ( 70% من مدرسات الحكومة محجبات ) أو لأن الطالبات محجبات ( 50% من طالبات الحكومة محجبات )

أخى الفاضل الفاروق من أفضل المدارس الإسلامية نظاما و تربية و أخلاق و تعليم ممكن النزهة على طريق الإسماعيلية تكون بعدها

طبعا أنا بتكلم على الرينج إللى إنت ذكرته

لو تقدر تأخر البنت سنة يبقى الفاروق مفيش كلام بس إسأل هناك عشان بيشطرتوا الطفل يكون حافظ كم محدد من القرآن فى التقديم

ماتقدرش تأخر يبقى النزهة

عايز حاجة إنترناشونال إسلامى ممكن تشوف جنا دان دى تركى فاتحة عند نادى الصيد القطامية بس المصاريف حاجة و تلاتين

بالتوفيق

مبدأيا ربنا يبارك فيك. انا مبسوط بجد ان فيه ناس لسه بتفكر كدة ومش غرقانين فى دوامة الهالوين والجنان الأزلى ده... ربنا يبارك لك فى اولادك
فيه معرض للمدارس بتاعة المقطم والمعادى لو ينفع
من يوم 25 الى 27 فبراير ان شاء الله
فى مول البارون اللى جنب نادى الصيد على الدائرى

اقتباس:

---

المشاركة الأصلية كتبت بواسطة ahmedwagdy03

يعنى إيه مدارس إسلامية أصلا . و ليه إسمها له صبغة دينية .

أفهم أن مدارس إسلامية تدرس شريعة إسلامية و مدارس مسيحية تدرس ديانة مسيحية و مدارس بوذية تدرس تعاليم البوذية .

إنما ليه مدرسة بتدرس علوم دنيوية و مناهج تابعة للوزارة و نطلق عليها مدارس إسلامية . هل لإن المدرسات فيها محجبات ( 70% من مدرسات الحكومة محجبات ) أو لأن الطالبات محجبات ( 50% من طالبات الحكومة محجبات )

---

فيه في مصر مدارس أزهري وفيه مدارس راهبات وفيه مدارس لغات بس بتهتم بالصمت الإسلامي
وكل واحد حر يختار النظام الأفضل من وجهة نظره
انا قلت لك مثل بسيط انا مش عايز بنتي تحتفل يالهالوين اعتقد ده حقي
وعلى فكرة مدارس الراهبات من أقوى المدارس لكن برضه من حقي اختار الإطار اللي بنتي تنشأ فيه
المدارس لها دور خطير في التأثير على السلوك والأفكار
مش عارف حضرتك عندك اولاد ولا لئه بس فيه مدارس في مدينة نصر ومصر الجديدة مشهور بأن كل اللي فيها مصاحبين ولاد وبنات انا مش عايز كده
مفيش حاجه كامله أو مضمونه لكن الواحد بيحاول
شكرا للاهتمام

اقتباس:

---

المشاركة الأصلية كتبت بواسطة mr_green

أخى الفاضل الفاروق من أفضل المدارس الإسلامية نظاما و تربية و أخلاق و تعليم ممكن النزهة على طريق الإسماعيلية تكون بعدها

طبعا أنا بتكلم على الرينج إللى إنت ذكرته

لو تقدر تأخر البنت سنة يبقى الفاروق مفيش كلام بس إسأل هناك عشان بيشطرتوا الطفل يكون حافظ كم محدد من القرآن فى التقديم

ماتقدرش تأخر يبقى النزهة

عايز حاجة إنترناشونال إسلامى ممكن تشوف جنا دان دى تركى فاتحة عند نادى الصيد القطامية بس المصاريف حاجة و تلاتين

بالتوفيق

---

انا مقتنع جدا بكلامك بس صعبان على ادخل البنت كيجي وان خمسه ونص مع انه كان بإمكاني ادخلها تلاته ونص
خايف كده اكون بظلمها

اقتباس:

---

المشاركة الأصلية كتبت بواسطة mohamed_hamid

مبدأيا ربنا يبارك فيك. انا مبسوط بجد ان فيه ناس لسه بتفكر كدة ومش غرقانين فى دوامة الهالوين والجنان الأزلى ده... ربنا يبارك لك فى اولادك
فيه معرض للمدارس بتاعة المقطم والمعادى لو ينفع
من يوم 25 الى 27 فبراير ان شاء الله
فى مول البارون اللى جنب نادى الصيد على الدائرى

---

تسلم بجد ياترى الاقي فين لينك الايفينت

متأخرش سن بنتك اكتر من كدا
انا اعرف واحدة مخلصة ماجستير و مديرة فى شركتها و هى شركة كبيرة و سنها 25 سنة

3.5 صغيره جدا جدا و البنت هاتتعب فى المذاكرة جامد بالذات من أول سنة رابعه و عن تجربه
4.5 معقول
5.5 متأخره بس فى الآخر بتحصل بعضها خصوصا لو المدرسة حلوة و تستاهل

عموما التعليم فى مصر زفت و وجع قلب كل ما يتأخر يبقى أفضل

اقتباس:

---

المشاركة الأصلية كتبت بواسطة mr_green

3.5 صغيره جدا جدا و البنت هاتتعب فى المذاكرة جامد بالذات من أول سنة رابعه و عن تجربه
4.5 معقول
5.5 متأخره بس فى الآخر بتحصل بعضها خصوصا لو المدرسة حلوة و تستاهل

عموما التعليم فى مصر زفت و وجع قلب كل ما يتأخر يبقى أفضل

---

كلام سليم

اقتباس:

---

المشاركة الأصلية كتبت بواسطة Moustafa.yonis

تسلم بجد ياترى الاقي فين لينك الايفينت

---

تفضل
https://m.facebook.com/story.php?sto...12954275414555

بعد اذن صاحب الموضوع لو حد كمان ممكن يرشح مدارس كويسة في مصر الجديدة مماثلة للفاروق كده بنين وبنات ويكون عن تجربة ربنا يجازيه خيرا لان الموضوع ده تاعبني جدا ومش عارف استقر والمواضيع علي النت صراحه مش كافية ومتضاربة في الاراء

السلام عليكم
تحياتي لصاحب البوست، اتفق معك تماما في اسلوب بحثك...و تمنياتي لك بالتوفيق
شبه اجماع على مدرسة الفاروق انها افضل اختيار
اتفق مع القول بان تاخير السن في دخول المدرسة له مزاياه....لكن الامر فيه مخاطرة
قيل ان مدرسة منارة الايمان بمدينة نصر جيدة
ارجو ان توافينا بخلاصة بحثك لتعم الفائدة

اصلا للاسف فيه مدارس كتير قفلت علي الاخوات فقط
يعني لو ليك ابن في المدرسة ممكن تدخل اخوه بس غير كده مفيش
وفيه مدارس متقبلش غير preschool
هو فيه مشروع مدرسة بيخسر يا جدعان ؟